Спорт
Атлетик Билбао сигурна против Хетафе
Во последниот неделен меч од деветтото коло д Шпанската лига, баскијците убедливо со 3:0 го совладаа Хетафе, а Виљареал избегна домашен пораза
Погодоците во мечот во кој Хетафе се спаси од поубедлив пораз, головите за Ателтик ги постигнаа Ираола во 7., Сан Хосе од пенал во 23. и Габилондо во 83. минута. Атлетико Мадрид, пак, на својот стадион „Винсенте Калдерон“ одигра само 1:1 со Алмерија. Агуера во 33. минута ги доведе домашните во водство, но во последната минута од првото полувреме, изедначи Пиати.Виљареал иако остана на 3-та позиција на табелата, по нерешениот резултат на гостинскиот терен против Спортиг Хихон сега заостанува два бода зад втората Барселона и три зад водечкиот Реал. Во недела навечер „Жолтата подморница“ дури едвај го избегна поразот од Спортинг кој е во опасната зона за испаѓање, откако Хихон поведе во 69. минута преку Диего Кастро Хименез кој прецизно реализираше пенал. Дури во втората минута од судиското надополнување откако Себастиан Егурен во шеснаесетникот го фаулираше Карлос Марчена, Виљареал доби шанса да се спаси од пораз што не ја пропушти Џузепе Роси прецизно биејќи од белата точка. Малага, пак, полека оди кон неславниот рекорд со пет едно подруго порази на свој терен во исто толку мечеви од почетокот на сезоната, додека сите седум бодови сезонава ги освои на гостински терен, Овојпат на теренот на Малага се радуваше Реал Сосиедат, кому ова е прва гостинска победа сезонава. Гостите имаа сигурно водство што го остварија Гриезман во 43 и Љоренте во 55. минута, додека за домаќините само испеа да намали Хуанми во 77. минута.Депортиво убедливо со 3:0 го совлада Еспањол, со погодоците на Адриан во 28., Лопо во 76. и Колото во 87. минута. Убедлив на домашен терен беше и Расинг Сантандер кој со 4:1 ја совлада Осасуна. Бакирчоглу во 27., Росенберг во 35. и 62., и Торехон во 85. минута ги постигнаа головите за домашните, а гостите намалија на 1:2 во 59. минута преку Некоунам од пенал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Волф: Не се откажав од Ферстапен
Директорот на Мерцедес, Тото Волф, не ја отфрли можноста за разговор со трикратниот светски шампион во Формула 1, Макс Ферстапен од Ред Бул, за негов трансфер во Мерцедес.
Мерцедес моментално бара наследник на Луис Хамилтон кој на крајот од сезоната се сели во Ферари, а како логично решение се појавува Ферстапен.
По трката во Мајами, во разговор за медиумите, Тото Волф откри дека не е точно дека, во понеделникот, имал закажан состанок со Ферстапен, но во исто време рече дека не е исклучено да се сретне со него во блиска иднина.
„Секогаш има многу состаноци. Не можам навистина да зборувам за вториот возач (во Мерцедес). Разговаравме за можностите. Сакам да бидам фер кон овие момци и да не изгледаме како да играме шах со овие луѓе, бидејќи ние тоа не го правиме. Сакаме да имаме доволно време, да видиме што мисли Макс и во исто време, да ги следиме другите возачи. Карлос (Саинс) повторно беше добар и во моментов сме само набљудувачи“, изјави Волф.
Ферстапен има договор со Ред Бул до крајот на 2028 година, што создава различни услови за преговори.
„Веќе кажав и претходно, да сум на негово место, немаше да заминам барем до крајот на 2025 година. Но, тој е водечки возач, тој е најдобар во моментов и затоа мора да ги донесе тие одлуки. Можеби нема да има никакви одлуки, можеби се ќе остане исто, но и тоа ќе биде некаков патоказ за нас“, изјави Австриецот.
Спорт
Нан го продолжи договорот со Панатинаикос
Американецот Кендирк Нан денеска, како што беше најавено, потпиша нов договор со Панатинаикос.
Нан, кој го однесе Панатинаикос на завршниот турнир во Евролигата, имаше желба да се врати во НБА веќе летово, но како што изјави му се допаѓа Европа, Атина и Панатинаикос.
Тој е еден од најдобрите играчи во Евролигата во моментов и е фигура која може да ја направи разликата на теренот во корист на Панатинаикос на претстојниот фајналфор.
Тој ќе биде член на зелените во следните две сезони, со излезна клаузула во НБА следното лето.
На 33 натпревари во Евролигата, Нан имаше просек од 16 поени, три асистенции и 2,6 скока (48 проценти од шутот за два поени, 42 проценти од шутот за три поени и 96 проценти од слободните фрлања).
Пред да дојде во европската кошарка, тој играше четири години во НБА лигата, а во првата сезона 2019/20 година се најде во најдобрата петорка на дебитанти. Во НБА играше за Мајами Хит и ЛА Лејкерс.
Спорт
Луис Енрике: Фудбалот понекогаш е толку нефер
Борусија Дортмунд е во финалето на Лигата на шампионите. Двата полуфинални натпревари против ПСЖ, Борусија ги доби со 1:0.
На „Паркот на принцовите“, победникот го реши голот што го постигна Матс Хумелс во 50. минута.
Ова ќе биде трето финале во Лигата на шампионите за Борусија. Во првата, во 1997 година, го победија Јувентус со 3:1, а во 2013 година загубија со 2:1 од Баерн.
На првиот натпревар во Дортмунд, ПСЖ погоди две стативи, а во Париз само во вториот дел уште четири пати ја погодија рамката на голот.
„Морам да бидам искрен и да кажам дека моравме да го добиеме натпреварот. Имавме 30 удари кон голот, дури четири пати ја погодивме стативата. Фудбалот понекогаш е толку неправеден“, изјави тренерот на ПСЖ, Луис Енрике за „ТНТ“ по натпреварот и продолжи.
„Честитки за нив. Тие се одличен тим и се надевам дека ќе победат во финалето. Мораме да се регрупираме и да создадеме нешто посебно и да се вратиме следната сезона и да го освоиме ова натпреварување”.