Серија несреќни околности или нешто повеќе, е прашањето што го поставува целата шпанска спортска јавност утрово, по ремито меѓу Рајо Вањекано и Барселона (1:1).

Поводот е пеналот што Ламин Јамал го претвори во гол во 40-та минута.

Не само што немаше основа за пенал по стартот на Чаварија токму врз Јамал, туку судијата Матео Бускетс немаше начин дополнително да ја провери својата одлука.

Причината е откажувањето на ВАР системот, со кој имаше проблеми од самиот почеток на натпреварот, што е мала утеха за домашните фудбалери.

Losing the ball to the defender?

Penalty for Barcelona! pic.twitter.com/zBI5Dr8ndN

— Hassan (@GreatWhiteNueve) August 31, 2025

Рајо успеа да израмни во второто полувреме и да стигне до бод, а победа на тимот од Мадрид спречи одличниот голман Џоан Гарсија, кој правеше чуда меѓу стативите.

По натпреварот, Иси Паласон, асистентот на голот на Рајо, рече дека судијата Бускетс им потврдил дека немало пенал.

„Судијата ни призна дека не беше пенал! Секогаш исто се случува против истиот тим“, беше бесен Паласон.

По три натпревари, Барса има седум бода и заостанува зад лидерите Реал и Атлетик Билбао, два тима имаат по три победи.

Фото/ Принтскрин

Манчестер сити успеа да го комплетира трансферот на Џанлуиџи Донарума од Пари Сен Жермен за сума од 35.000.000 евра.

Италијанскиот репрезентативец официјално ќе стане нов голман на Сити во текот на денот, кога ќе го стави потписот на четиригодишниот договор.

Донарума беше избришан од плановите на Луис Енрике ова лето, откако одби да потпише нов договор со европскиот првак. Актуелниот му истекуваше на крајот од сезоната.

Голот на ПСЖ одо оваа сезона го брани Лукас Шевалие од Лил.

Италијанецот е второто голманско засилување на Сити во преодниот рок, откако претходно на „Етихад“ се врати англискиот репрезентативец Џејмс Трафорд од Барнли.

Поранешниот голман на Милан, кој го освои Европското првенство со Италија во 2021 година и ја однесе наградата за играч на турнирот, досега има одиграно 161 натпревар за ПСЖ, со 56 натпревари без примен гол.

Foto/ EPA/FRANCK FIFE

Белгискиот фудбалер Луис Опенда, во следните часови треба да стане нов играч на Јувентус.

Според Фабрицио Романо, Лајпциг му дозволил на својот напаѓач да отпатува во Италија на медицински прегледи откако постигнале договор со тимот од Торино.

„Старата дама“ треба да плати отштета во износ од нешто повеќе од 40 милиони евра. Во новиот клуб, тој репрезентативецот на Белгија ќе заработува четири милиони евра годишно.

Трансферот на Опенда му ја затвори вратата на Рандал Коло Муани, кој во вториот дел од минатата сезона играше на позајмица во Јувентус. Иако играчот на Пари Сен Жермен беше нивниот прв избор, неколку пречки стоеја на патот. Французите не беа спремни да прифатат пофлексибилен аранжман што би му одговарал на Јувентус, проблемот беше финансискиот фер-плеј, како и желбата Душан Влаховиќ да остане.

Влаховиќ треба да остане во Јувентус и да влезе во последната година од неговиот договор, а се шпекулира дека му е понуден нов. Многу помала, според која би заработувал седум милиони евра годишно. Би била фиксна за три години, а во договорот би имал откупна клаузула од 25 милиони евра.

Фото/ Принтскрин