Македонија
СДСМ: Груевски наместо да се крие, да излезе со објаснувања за „Аналитико АИ“
Дали „Аналитико АИ“ конкурираше на некаков тендер на Телеком или го склучи договорот во четири очи, вашиот омилен начин на работа? Каде отидоа овие 120.000 евра, дали во изборната кампања на ВМРО – ДПМНЕ или во приватните џебови на вашиот Дрим – тим?
Дали „Аналитико АИ“ конкурираше на некаков тендер на Телеком или го склучи договорот во четири очи, вашиот омилен начин на работа? Каде отидоа овие 120.000 евра, дали во изборната кампања на ВМРО – ДПМНЕ или во приватните џебови на вашиот Дрим – тим?
Ова се прашањата на опозициската СДСМ, упатени до премиерот Никола Груевски, како продолжение на вчерашното обелоденување на спорен договор меѓу приватизираниот Телеком и фирмата Аналитико АИ, во која според нив бил вработен целиот тим на Груевски.
Опозицијата во среда излезе со документи од Централниот регистер, според кои фирмата „Аналитико АИ“ била основа на 2 ноември 2004 година со седиште на улица „Вељко Влаховиќ“ број 7 во Скопје, а била ликвидирана на 15 декември 2007 година
Според овие документи, како сопственик на фирмата во Централниот регистер бил впишан Ален Зекиров, сегашниот телохранител на Сашо Мијалков, а управител без ограничување бил сегашниот пратеник Оливер Шамбевски.
Според евиденцијата од Агенцијата за вработување во „Аналитико АИ“ во периодот од 2004 до 2007 година биле вработени и Мартин Протуѓер, Гордана Јанкуловска, Миле Јанакиески, Елизабета Канческа – Милевска, Ленче Самарџиева и Александар Бичиклиски
„Дека се работи за голем скандал говори фактот дека стотици илјади фирми во државата, 120.000 од Телеком добила токму фирмата Аналитико АИ, во која работел преродбеничкиот дрим – тим на ВМРО – ДПМНЕ“ изјави портпаролот на СДСМ, Емилијан Станковиќ. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нема бојкот на претседателските избори, сите што излегле на парламентарните, гласале и за претседател, уверува Даштевски
Нема бојкот на претседателските избори, сите што излегле на парламентарните, гласале и за претседател, вели претседателот на ДИК, Александар Даштевски.
„На неколку места се појавија технички проблеми, кои во меѓувреме се решаваат, таму гласањето ќе продолжи на стариот начин со УВ-ламба и спреј, а доколку се исправат техничките недостатоци, ќе се продолжи со техничката опрема. Такви места има во Кочани, Охрид, Куманово, Тетово и во Гази Баба.
Како што дополнува, има доставено и 15 приговори за избирачко право и само три од нив се одбиени.
Во однос на одѕивот на парламентарните избори, до 9 часот, по обработените податоци од 1.033 избирачки места, гласале 4,45 %. Според податоците на ДИК, најголем одѕив има во Пробиштип, а најмал за парламентарните има во Боговиње (1,43 %).
Во Македонија утрово почнаа парламентарните избори и вториот круг од претседателските.
Избирачките места, од кои вкупно 3.480 беа отворени во 7 часот, а ќе бидат затворени во 19 часот.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавците не треба да извршуваат дејност со исклучок на оние каде што работните процесите поради својата природа не може да се прекинат.
Поради првиот круг од претседателските избори, неработен беше и 24 април. Според одлуката на техничката Влада, двата неработни дена нема да се одработуваат.