Свет
Претседателот на Нигерија положи заклетва
Претседателот на Нигерија, Гудлак Џонатан, денеска ја презеде должноста со давање заклетва, по изборите кои се сметаат за најфер избори во земјата во последниве 20 години, но сепак ќе мора да се соочи со поделеноста во земјата по крвавите поизборни судири
Претседателот на Нигерија, Гудлак Џонатан, денеска ја презеде должноста со давање заклетва, по изборите кои се сметаат за најфер избори во земјата во последниве 20 години, но сепак ќе мора да се соочи со поделеноста во земјата по крвавите поизборни судириЦеремонијата ја обезбедуваа околу десет илјади војници, полицајци и агенти на тајните служби, а местото го надлетуваа хеликоптери. Околу 20 државници беа присутни како гости, претежно од африканските држави. Џонатан (53), христијанин од југот на земјата, лесно го победи својот противник, Мухамуду Бухари, поранешниот воен заповедник од северот каде што муслиманите се мнозинство на изборите на 16-ти март, но во тродневните демонстрации по изборите загинаа повеќе од 800 луѓе. Демонстрациите и насилствата се проширија од северот на оваа африканска земја со најмногу жители, а жртвите беа ликвидирани со огнено оружје, со мачети или палени. Џонатан на власт дојде во 2010 години, по смртта на Умару Јар’Адуа, муслиман од северот кој не успеа да го доврши првиот мандат. Според правилата во Нигерија, кандидатите од југот и од северот се менуваат на претседателската должност. Џонатан е прв претседател на Нигерија роден во делтата на реката Нигер, која е богата со нафта и која беше поприште на долгогодишни востанија и насилства. По амнестијата во 2009 година, таму е релативно мирно, но никој не може да претпостави колку ќе трае мирот, поради силната омраза помеѓу муслиманите и христијаните. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Момче почина по нападот во Лондон: Бесен манијак со меч сечел луѓе на улица, дете им подлегна на повредите
Тринаесетгодишно момче загина, а уште четворица се повредени по напад што се случи во североисточен Лондон во близина на метро станица.
Пет лица биле итно префрлени во болница по инцидентот кога маж прво удрил во куќа со возило, а потоа со меч ги повредил минувачите и полицајците кои се обиделе да го задржат.
„Повредените лица бараат лекарска интервенција, но веруваме дека нивните повреди не се опасни по живот“, соопштија од полицијата.
Според главниот надзорник Стјуарт Бел, 36-годишниот маж кој беше уапсен утринава бил приведен нешто пред 7 часот наутро, 22 минути откако полицијата го примила првиот повик.
Тој моментално е во притвор.
„Би сакал во овој момент да потврдам дека не веруваме дека постои закана за пошироката јавност и не бараме други поединци“, додаде Супт Бел.
„Се чини дека инцидентот не е поврзан со никаков терористички акт“, рече тој.
🚨🇬🇧BREAKING: STABBING INCIDENT IN LONDON.
In London, an individual wielding a sword has attacked homes, injuring two police officers and two residents.
Authorities have preliminarily stated that the incident does not seem to be a terrorist attack.
And of course since the… pic.twitter.com/GQXgHPTFbc
— Suppressed News. (@SuppressedNws) April 30, 2024
Пред нападот, маж во жолта качулка удрил со својот автомобил во куќа, а потоа излегол од возилото и почнал да мавта со самурајски меч.
На видеата направени од случајни минувачи, тој може да се види како шета од куќа до куќа.
Се се случило околу 7 часот утринава, а на терен се голем број полицајци.
Метро станицата Хаинолт беше веднаш затворена.
Свет
Почна европска истрага против Фејсбук и Инстаграм
Европската Комисија покрена истрага против социјалните мрежи Фејсбук и Инстаграм, во сопственост на технолошкиот гигант Мета, поради сомнежи дека не ги почитуваат своите обврски во борбата против дезинформациите. Овие обврски произлегуваат од Законот за дигитални услуги.
„Оваа Комисија создаде средства за заштита на европските граѓани од насочени дезинформации и манипулации од трети земји и ако се сомневаме дека има прекршување на правилата, ние постапуваме“, рече претседателката на Европската комисија Урсула фон дер Лајен.
Таа додаде дека борбата против дезинформациите е особено важна за време на изборната кампања.
Комисијата ќе ја фокусира својата истрага на сомневањата дека Мета не ги исполнува своите обврски според Законот за дигитални услуги поврзани со ширење на погрешни реклами, кампањи за дезинформации и координирано лажно однесување во ЕУ.
Свет
Астра Зенека призна дека нејзината вакцина против Ковид-19 може да предизвика несакани ефекти
Фармацевтската компанија Астра Зенека во судски документ призна дека нејзината вакцина против Ковид-19 може да предизвика ретки несакани ефекти, вклучувајќи згрутчување на крвта и низок број на црвени крвни зрнца.
Во Велика Британија е покрената колективна акција против Астра Зенека, која тврди дека употребата на вакцината CoviShield довела до смрт и сериозни штети и бара отштета до 100 милиони фунти за 50 жртви, објави „Индепендент“.
Една од тужителите тврди дека вакцината и предизвикала трајно оштетување на мозокот и дека згрутчувањето ја оставило неспособна да работи.