Свет
Гардијан: Богатството на Путин – 40 милијарди долари
![](https://makfax.com.mk/wp-content/uploads/2016/11/7c696611-c209-4218-98ca-dff576ebd1e1.jpeg)
Битката без преседан во политичкиот врв на Кремљ и наводното лично богатство од четириесет милијарди долари на рускиот претседател Владимир Путин, се теми за кои пишува Гардијан
Битката без преседан во политичкиот врв на Кремљ и наводното лично богатство од четириесет милијарди долари на рускиот претседател Владимир Путин, се теми за кои пишува Гардијан Според изворите на весникот, поради контрола над големите државни компании во Кремљ во тек е огорчена борба меѓу „силовиките”, предводени од функционерите на безбедносните служби и ткн. „либерален” клан, на кој му припаѓа и изборот на Путин за нов руски претседател Дмитри Медведев. Овој избор му нанесе тежок удар на тврдокорното крило, додека Путин, според некои набљудувачи, одлучи да остане во власта токму за да го заштити Медведев од соперничката страна. Не станува збор за идеолошки судир, туку за војна меѓу бизнис конкурентите, велат изворите на Гардијан, додека другите соговорници тврдат дека елитата во Кремљ е загрижена како да го сочува натрупаното богатство по трансферот на власта и доаѓањето на некоја нова администрација, пренесува Би-Би -Си. Тврдењата за личното богатство на рускиот претседател од четириесет милијарди долари – кои би го направиле најбогатиот човек во Европа – како и неговиот таен посед на акции во три големи компании кои произведуваат и тргуваат со нафта и гас, за Гардијан ги изнесе рускиот политички експерт Станислав Беловски, автор на книгата за финансиите на Владимир Путин. Лондонскиот дневник пишува дека во кабинетот на рускиот претседател не успеал да добие коментар за овие тврдења и потсетува дека Владимир Путин, по повод титулата личност на годината, на американскиот магазин Тајм демантираше постоење на било каква корупција во руската власт./крај/б/ил Copyright 2007 makfax. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Трамп вели дека може да ја запре војната за еден ден, Путин: Тој е сериозен
![](https://makfax.com.mk/wp-content/uploads/2024/07/Screenshot-2024-07-04-182338.jpg)
Рускиот претседател Владимир Путин денеска изјави дека гледал делови од дебатата меѓу Џо Бајден и Доналд Трамп и дека сепак претпочита Бајден да биде новиот американски претседател.
Запрашан дали Бајден или Трамп се подобри и дали неговата преференца за Бајден се променила по дебатата, Путин рече: „Ништо не се смени“.
„Дали знаевме што може да се случи? Знаевме“, додаде тој. Путин неколку пати јавно кажа дека го претпочита Бајден отколку Трамп, дури и откако Бајден го нарече „луд кучкин син“.
На прашањето за изјавите на Трамп дека доколку победи на изборите може да ја прекине војната во Украина во рок од 24 часа, Путин рече дека Русија го сфаќа сериозно, но дека не знае никакви детали од мировниот предлог на Трамп.
„Фактот што господинот Трамп е претседателски кандидат покажува дека тој е подготвен и сака да ја запре војната во Украина, ние го сфаќаме тоа сериозно“, рече Путин.
„Се разбира, не сум запознаен со предлозите за тоа како тој мисли да го направи тоа. Тоа е клучно прашање. Но, нема сомнеж дека тој е сериозен во врска со тоа и ние го поддржуваме“, додаде тој.
Регион
Српските цариници запреле порше, во долната облека на патничката нашле околу 60 илјади евра
![](https://makfax.com.mk/wp-content/uploads/2024/07/porshe-carina.jpg)
Цариниците на граничниот премин Градина меѓу Бугарија и Србија во соработка со полицијата спречија патничка да прошверцува речиси 57.000 евра преку граница во долна облека која ја носела.
Случајот бил откриен кога на контролната линија на излез од државата пристигнало „порше кајен“ со странски регистарски таблички, во кое двајца патници патувале од Германија кон Турција.
Иако пријавиле само личен багаж и дозволената сума на готовина, при претресот во долната облека и градникот на сопатникот биле пронајдени 56.800 евра. Понатамошна проверка открила уште 18.000 евра во чантата на возачот.
На патниците им се вратени по 10.000 евра, сума што може да се префрли преку граница без пријавување, додека за судбината на преостанатиот износ од 54.800 евра ќе одлучува надлежниот суд, пишува српски Блиц.
Свет
(Видео) Руските комичари кои ги насамарија европските политичари ја добија највисоката државна награда
![](https://makfax.com.mk/wp-content/uploads/2024/07/vovan-leksus.jpg)
Руското дуо измамници, кои често успеваат да насамарат политичари интересни за руската држава, ја добија највисоката државна награда на Кремљ, јави денеска државната новинска агенција РИА.
Тоа се Владимир Кузњецов и Алексеј Столјаров, кои ги користат псевдонимите Вован и Лексус, а РИА ја објави нивната фотографија направена на доделувањето на наградата во Кремљ со чаши шампањ во рака. Церемонијата се одржа вчера.
Наградата се доделува на руски и странски државјани. Критериумите за неговото доделување се зајакнување на мирот, пријателството, соработката и разбирањето меѓу Русија и другите народи.
Во јуни, Кузњецов и Столјаров објавија снимка од видео повик со британскиот министер за надворешни работи Дејвид Камерон, кој падна на нивната измама. Го натераа да помисли дека разговара со поранешниот украински претседател, а со нив разговараше за Украина, САД и НАТО околу петнаесет минути.
Дуото е добро познато во Русија бидејќи со годините успеа да измами бројни политичари. Меѓу нив се италијанската премиерка Џорџа Мелони, турскиот претседател Реџеп Таип Ердоган, а во 2022 година успеаја да го измамат и тогашниот британски министер за одбрана Бен Валас.