Свет
На Строс-Кан ќе му се суди за силување
Американските адвокати на поранешниот челник на ММФ, Доминик Строс-Кан во вторникот изјавија дека се разочарани бидејќи судијата го одбил нивното повикување на дипломатски имунитет па ќе му се суди за обид за силување на Нафисату Даило.
„Разочарани сме што судот го препрати случајот на граѓанска парница. Тој ќе се бори против обвиненијата и веруваме дека ќе победи“, се наведува во соопштението на адвокатите Вилијам Тејлор и Амит Мехт, што го цитира AFP.
Адвокатите безуспешно се обидуваа да го убедат адвокатот Даглас Меккоен дека нивниот клиент Доминик Строс-Кан, како поранешен извршен директор на Меѓународниот монетарен фонд има апсолутен дипломатски имунитет. Меѓутоа, судијата сметал дека неговиот имунитет престанал да важи во моментот кога си поднесе оставка од функцијата поради скандалот во њујоршкиот хотел.
Неодамна Строс-Кан ги обвини политичките противници, блиски на актуелниот француски претседател Николас Саркози дека со режирање на редица афери за него му ја уништија неговата претседателска кандидатура за актуелните претседателски избори во Франција.
Набрзо по оставката на Строс-Кан, неколку пратеници од француската социјалистичка партија, чиј член е и поранешниот шеф на ММФ, навестија за можна поврзаност меѓу инцидентот и неговото апсење во Њујорк и министерството за внатрешни работи на Франција. Поточно, заменик-претседателот на советот на пратениците од парискиот регион Ил-де-Франс, социјалистката Мишел Сабан потсети дека полицискиот комесар на Њујорк во 2006 година, го доби француското одликувања Легија на честа од рацете на сегашниот француски претседател Николас Саркози, кој во тоа време го водеше министерството за внатрешни работи.
Актуелниот француски министер за внатрешни работи Клод Геан, пак, негираше вмешаност на неговото министерство во њујоршкиот случај.
Доминик Строс-Кан беше уапсен во Њујорк на 14-ти мај 2011 под обвинение на собарка од тамошниот хотел „Sofitel“ за сексуални дејствија со насилни природа. По пет дена, Строс-Кан, си поднесе оставка како директор на ММФ. Во почетокот на јули, судијата го отфрли случајот на барање на обвинителот, кој се откажа од тужбата поради утврдени лаги во исказите на 32-годишната Нафисату Диало. На овој начин заврши три месечната судска сапуница, поради која Строс-Кан го загуби местото директор на ММФ, и која тешко му наштети на неговиот углед.
Поранешниот шеф на ММФ беше обвинет по седум точки, меѓу кои и за силување и сексуален напад. Државниот обвинител на Њујорк, Сајрус Ванс појасни дека собарката Диало, која го обвини Строс-Кан дека ја принудил на орален секс во апартманот во хотелот Софител, во повеќе наврати на истражителите им зборувала невистини. Таа, според обвинителот, дала „три контрадикторни верзии“ на она што се случувало. Таквите изјави „сериозно наштетиле на нејзината веродостојност“ и во тој случај, како што додаде обвинителот, не сакал да го прифати ризикот да го загуби процесот. Претходно, судот во Менхетн, го одби барањето на хотелската собарка, де се именува специјален обвинител за случајот. Така, случајот против Строс-Кан беше затворен на 23-ти август а во септември минатата година тој се врати во Франција.
На крајот на мај 2011 година парискиот весник Le Mond пишуваше дека непосредното опкружување на Саркози во почетокот на 2007 година донело одлука да не се лиферуваат инкриминирачки информации за наводните врски на Строс-Кан со жени со „лесен морал“.
Во октомври минатата година, француската писателка и новинарка Тристан Банон, која тврдеше дека Строс-Кан се обидел да ја силува во 2003 година, се откажа од покренување на граѓанска парница против него. Банон изјави дека секогаш тврдела дека ќе покрене парница „само ако не и’ биде признат статусот на жртва“. Обвинителот една седмица претходно ја отфрли кривичната пријава против Строс-Кан за обид за силување на Тристан Банон, но наведе дека тој за време на испитувањата ги признал делата кои можат поблаго да се квалификуваат – како сексуално вознемирување. Банон тогаш изјави дека обвинителот потврдил дека таа била жртва на сексуален напад, но дека случајот застарел бидејќи од нападот поминале повеќе од три години.
Наскоро францускиот печат почна да истражува нов сексуален скандал во кој повторно беше инволвиран Строс-Кан. Според медиумите на клиентите на хотелот „Carlton“ во францускиот град Лил редовно им се нудат за услуги на проститутки. Организаторите на проституцијата, наводно, не се ограничувале само на хотелот, туку организирале разуздани забави и по европските градови. Според тврдења на сведоци, активен учесник во таквите забави бил Строс-Кан.
На 26-ти март годинава иследниците во францускиот град Лил му го предадоае на Доминик Строс-Кан обвинението за соучесништво во подведување со учество во криминална група, за што му се закануваат 20 години затвор. Притоа, инспекторите не му го предале на поранешниот француски министер обвинението за прикривање на злоупотреби на јавните фондови, за што Доминик Строс-Кан, исто така, е осомничен.
Строс-Кан е обвинет во случајот на проституција во хотелот „Carlton“ во Лил. Според инспекторите, тој повеќепати учествувал во развратни забави во Париз, Вашингтон и други градови, на кои биле поканувани проститутки коишто понекогаш биле плаќани од сметките на француски компании.
Кон средината на јануари годинава, девојка од белгиска агенција за придружба Ан-Мари С. поднесе судска тужба против Доминик Строс-Кан, кого го обвинува дека грубо ја принудил на сексуален односи./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Остин: Бајден ја запре испораката на оружје за Израел
Американскиот министер за одбрана Лојд Остин денеска изјави дека одлуката на американскиот претседател Џозеф Бајден да ја прекине испораката на муниција за Израел е донесена поради израелските планови да изврши офанзива врз градот Рафах на југот на Појасот Газа.
„Од самиот почеток бевме многу јасни дека Израел не треба да започне голема офанзива во Рафах без да ја земе предвид заштитата на цивилите во областа. Откако ја преиспитавме ситуацијата, престанавме да испраќаме муниција во Израел“, рече тој на сослушувањето во Сенатот и потврди дека конечната одлука „што ќе се случи со таа пратка“ се уште не е донесена, пренесува Ројтерс.
Администрацијата на САД ја запре испораката на околу 3.500 бомби во Израел минатата недела поради загриженоста за најавената копнена офанзива на Рафах, објави претходно денеска Асошиејтед прес, повикувајќи се на неименуван претставник од администрацијата.
Овој функционер појаснил дека не е донесена конечна одлука за испораката на бомбите и дека во суспендираната пратка имало 1.800 бомби од по 900 килограми и 1.700 бомби со тежина од 226 килограми.
Во понеделникот, израелскиот воен кабинет одлучи да ја спроведе планираната операција во Рафах за да „изведе воен притисок врз Хамас“, и покрај претходната најава на Хамас дека се согласува со египетско-катарскиот предлог за прекин на огнот.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.