Свет
Зградата на Матица на иселениците е ново „Бачило“
Демократската обнова на Македонија се сомнева дека досегашната Влада, судот и Јавното правобранителство му овозможиле на Иван Петрески-Џо незаконски да ја добие зградата на Агенцијата за иселеништво.
Демократската обнова на Македонија се сомнева дека досегашната Влада, судот и Јавното правобранителство му овозможиле на Иван Петрески-Џо незаконски да ја добие зградата на Агенцијата за иселеништво.
Според лидерката на ДОМ Лилјана Поповска, државата е оштетена за околу 1.5 милион евра, а криминалот бил направен на сличен начин како аферата „Бачило“. Таа побара Антикорупциската комисија да го разгледа случајот и да покрене иницијатива пред надлежните органи за заштита на државниот имот.
– Матицата на иселеници е формирана во 1951 година и не е правен претходник на Матицата за иселеници на Петрески-Џо, која е регистрирана во 1998 година. Скопскиот основен суд 1 на 1 февруари 2000 година го одби како неосновано барањето на Петрески-Џо да ја добие зградата. По поднесената жалба, судот го прифатил барањето. Зградата е купена со пари на државата, доказ за тоа е решението на Извршниот совет од 18 јуни 1963 година. Ако судот го имал предвид овој факт, ќе донел законска одлука. Во судскиот процес затаило и Јавното правобранителство, не поднело жалби за да го заштити државниот имот – изјави Поповска на вчерашната прес-конференција.
Таа истакна дека во Статутот на здружението на Петрески-Џо при неговото регистрирање, не е посочено дека поседува недвижен имот на улицата 27 Март, број 5, што е законска обврска.
(М.Ј.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес ја погоди Албанија: Се стресе во близина на границата со Црна Гора
Земјотрес со јачина од 3,4 степени според Рихтеровата скала синоќа ја погоди Албанија.
Земјотресот се случил во 2 часот и 20 минути по локално време.
Епицентарот на земјотресот бил на 28 километри од Скадар.
Со оглед на тоа што земјотресот бил со помал интензитет, се претпоставува дека нема повредени и поголема материјална штета.
Свет
Израел ги засили воздушните напади врз Рафа, тенкови се пробиваат на северот на Газа
Израелските тенкови со воздушна и копнена поддршка денеска направија дополнителен пробив во Џабали на северот од Појасот Газа, јавуваат тамошните жители и Хамас, додека јужен Рафа е исто така под воздушни напади.
Во Џабалија, тенковите се движат кон центарот на кампот.
Жителите известуваат дека тенкови го гаѓаат центарот на кампот и дека се уништени десетици куќи. Израелската армија принуди стотици Палестинци да ги напуштат своите засолништа, пишува Ројтерс.
Во Рафа, во близина на границата со Египет, Израел ги засили воздушните напади врз источните делови на градот.
Жителите известуваат дека сега се стационирани тенкови на улицата Салахудин, која минува низ источните делови на градот, а автопатот е блокиран поради жестоките борби. Се додава дека источните делови на Рафа станале „град на духови“. Хамас објави дека неговите борци се борат со израелските сили на улиците источно од Рафа и источно од Џабалија.
Израелската војска неколкупати ги вклучи сирените во област во близина на Газа, предупредувајќи на потенцијален прекуграничен оган. Израелската војска доцна во саботата објави дека го спречила Хамас да ги обнови своите воени капацитети во Џабалија.
„Бомбардираа насекаде, дури и во близина на училиштата во кои беа сместени бездомниците“, вели 45-годишниот Саед.
Регион
Земјотрес ја погоди Хрватска, се стресе кај Петриња: „Нѐ разбуди, куќата ми се стресе кратко и силно“
Послаб земјотрес со јачина од 1,7 степени според Рихтеровата скала е почувствуван во 4 часот и 35 минути во Хрватска.
Епицентарот на земјотресот бил на 31 километар од Загреб и 20 километри од Велика Горица на длабочина од осум километри.
Според сведоштвата на граѓаните, земјотресот бил почувствуван на подрачјето на Петриња и Сисак, пишува 24сата.хр.
„Куќата ми се затресе силно и кратко, како гром. Повторно се будам со познатиот звук и „чкрипењето“ на куќата“, напиша сведок од Петриња на веб-страницата на Европско-медитеранскиот сеизмолошки центар (EMSC).
„Тежок тресок, гадно будење“, „Истовремен татнеж и тресок“, „Ова беше за будење. Кратко траеше. Како да е под куќата“, „Звук и краток силен удар“, пишуваат сведоци.