Спорт
Марк Кома повторно трет
Минатогодишниот шампион во категоријата мотори на две тркала, Шпанецот Марк Кома повторно се пласира на третото место во втората етапа од релито Дакар која се возеше од Кордоба до Ла Риоха
Минатогодишниот шампион во категоријата мотори на две тркала, Шпанецот Марк Кома повторно се пласира на третото место во втората етапа од релито Дакар која се возеше од Кордоба до Ла Риоха.
Победник на втората етапа е Французинот Давид Фретиње, кој извозе со време од 3 часа 59 минути и 20 минути пред сонародникот Давид Косто и Марк Кома од Шпанија. Кома се соочи и со 22 минутен пенал поради пребрзо возење додека поминуваше низ населено место од втората етапа.
Во категоријата на мотори на четири тркала победник е Уберт Дитре од Франција со извозени 4 часа, 18 минути и 3 секунди, пред шпанецот Хуан Мануел Гонзалес Короминас кој задоцни 2 минути и Алехандро Патронели од Аргентина.
Насер Ал Атилах од Катар е победник во категоријата автомобили со време од 4 часа 1 минута и 55 секунди пред Французинот Гуерлан Кришерит и Бразилецот Маурисио Невес.
Рускиот тим Камаз издвојува еден-два победа во втората етапа кај категоријата камиони. Владимир Чагин беше најбрз со извозено време од 4 часа, 35 минути и 7 секунди пред сонародникот и клупски колега Фирдаус Кабиров и Андре де Азеведо од Бразил кој задоцни дури 14 минути.
Следната етапа се вози од Ла Риоха до Фиамбала со вкупна километража од 687 километри, и тоа ќе биде последна етапа на целосно Аргентинска почва бидејќи од следната натпреварувачите ќе навлезат во Чиле. Втората етапа од релито Дакар помина без смртни случаи./крај/дак/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Елмас со Наполи го освои Суперкупот – Давид Нерез со два гола ја реши Болоња
Фудбалерите на Наполи со трофеј ја завршиша 2025 година. Актуелните италијански шампиони, во ројад, го освоија Суперкупот, со победата над Болоња (2:0). Мечот, с два гола, го реши Бразилецот Давид Нерез. Наполи трет пат во историјата го крена трофејот во Суперкупот, претходно тоа му успеа во 1990 и 2014 година.
Тимот на Антонио Конте, во чии редови од стартот на теренот беше Елиф Елмас, речиси рутински ја совлада Болоња. На противникот во текот на целиот меч му дозволи само една шанса.
Наполи доминираше од стартот, а Елмас ја промаши првата голема шанса за Наполи. Македонскиот репрезентаивец, во 10-та минута од речиси идеална позиција шутираше крај голот на Раваља.
Втората голема шанса ја пропушти Спинацола во 37-та минута. Имаше ситуација „еден на еден“, но Раваља со брилијанта интервенција спречи водство на Наполи.
Две минути подцна голманот на Болоња капитулираше. Давид Нерез, од 23 метри постигна спектакуларен гол.
Во вториот дел Болоња ја имаше единствената шанса во 55-та минута, а казната стигна две минути подоцна, кога Нерез ја казни грешката на Раваља.
Еламс на теренот остана до 68-та минута, кога на неговото место влезе Ноа Ланг.
Foto/ depositphotos
Спорт
Минамино ја заврши сезоната, веројатно го пропушта Светското првенство
Играчот од средниот ред на Монако и јапонската репрезентација, Такуми Минамино (30), сериозно го повреди коленото, во неделата, на натпреварот од Купот на Франција против Оксер и веројатно ќе го пропушти Светското првенство следното лето во САД, Мексико и Канада.
Минамино претрпе руптура на предните вкрстени лигаменти на левото колено и го чека операција.
„За време на натпреварот против Оксер, нашиот играч од средниот ред Минамино го повреди левото колено. Лекарските прегледи покажаа руптура на предните вкрстени лигаменти“, објави клубот од Кнежевството.
Јапонецот е во Монако од јули 2022 година и досега постигна 23 гола на 120 натпревари. Тој одигра 73 натпревари и постигна 26 гола во дресот на Јапонија.
На Светското првенство, Јапонија ќе игра во групата Ф заедно со Холандија, Тунис и една екипа од квартетот Украина, Шведска, Полска и Албанија.
Foto/ depositphotos
Спорт
Филкруг пристигна во Милано, утре ќе потпише договор со Милан
Напаѓачот на Вест Хем, Никлас Филкруг, вечерва слета во Милано. За утре се закажани медицинските тестови, доколку успешно ги мине ќе стане член на Милан.
Напаѓачот на Вест Хем, Филкруг, треба да му се придружи на Милан како позајмен играч со опција за откуп од Вест Хем.
Во среда, на Бадник според новиот календар, Филкруг ќе тренира под водство на Масимилијано Алегри за прв пат и ќе биде достапен за првиот натпревар во 2026 година против Каљари, благодарение на специјалното одобрение од Фудбалскиот сојуз на Италија.
Некои медиуми од Апенините пишуваат дека, по завршувањето на сезоната Милан ќе може да го откупи договорот на Германецот за сума од 11 до 13 милиони евра.
Филкруг не беше во преден план оваа сезона во Вест Хем оваа сезона, одигра само 413 минути во девет настапи. Германскиот напаѓач сè уште нема постигнато гол во натпреварувачката сезона 2025/26.
Foto/ depositphotos

