Свет
Минчо Јорданов тајно замина за Куала Лумпур
Во Владата вчера немаа информација кој е во делегацијата на Јорданов, и објаснија дека вицепремиерот заминал на вообичаена работна посета и од тие причини немало официјално соопштение дека вицепремиерот патува
ВО МАЛЕЗИЈА ЌЕ СЕ ДОГОВАРААТ СТАНОВИ ЗА СКОПСКАТА НАСЕЛБА НОВО ЛИСИЧЕ
Во Владата вчера немаа информација кој е во делегацијата на Јорданов, и објаснија дека вицепремиерот заминал на вообичаена работна посета и од тие причини немало официјално соопштение дека вицепремиерот патува
Вицепремиерот Минчо Јорданов замина за Малезија, а Владата ништо не кажа. Малезиската национална новинска агенција Бернама пренесува дека Јорданов со делегацијата на гости ќе им остане четири дена. Во вчерашното соопштение на тамошното Министерство за надворешни работи се вели дека посетата на Јорданов има за цел да ги зајакне врските меѓу двете нации. “Македонија сака да учи сака да учи од Малезиското искуство во промоцијата на економскиот развој и расната хармонија. По барање на македонската делегација малезиската Влада ќе ги брифира за приоритетоите и стратегиите во социо – економскиот развој”, се вели во соопштението од тамошното Министерство. Најавено е дека Јорданов ќе ја посети “Путрајаsа корпоратион” и Градското Собрание на Куала Лумпур каде ќе разговараат за урбаното планирање и менаџмент стратегии.
Во Владата вчера немаа информација кој е во делегацијата на Јорданов. Според нив, Јорданов заминал на вообичаена работна посета и од тие причини немало официјално соопштение дека вицепремиерот патува. “Ова е работа посета, а не официјална посета на вицепремиерот во Малезија. За сите официјални посети јавноста редовно се информира, додека за работните посети инфомацијата следи откако делегацијата ќе се врати во земјава”, велат во Влада.
Неофицијално дознаваме дека друштво на вицепремиероот му прават неговиот шеф на кабинет Ивица Боцевски, како и колегата министер од ресорот за транспорт и врски Џемали Мехази.
За целта на посетата владини извори велат дека во Куала Лумпур ќе се дефинираат условите за договорот за изградбата на најавениот станбен комплекс во населбата Ново Лисиче.
“Македонската делегација има мандат да им понуди на Малезијците пазарна цена на земјиштето. Наместо пари држвата ќе добие станови кои потоа ќе ги понуди по поволни цени на млади брачни парови и социјални случаи. Во Македонија претставништво ќе оптвори и Малезиската државна банка, која ќе го кредитира продажбата на становите на 20 години кредит. Се Очекува цените на метар квадратен кај становите да се движи до 600 евра. (Т.Ј. – А.С.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ја забрани употребата на Телеграм на официјалните уреди на службениците
Украина ја забранува употребата на апликацијата за пораки Телеграм на официјални уреди што ги користат владини функционери, војска и друг клучен персонал поради загриженост за руска шпионажа, соопшти денеска украинскиот Совет за национална безбедност и одбрана.
Безбедносното тело ги објави новите ограничувања откако Кирил Буданов, шеф на украинската воена разузнавачка агенција ГУР, му претстави на Советот докази за способноста на руските специјални служби да ја следат платформата, се вели во соопштението.
Во соопштението на Советот за безбедност се наведува дека Буданов дал докази дека руските специјални служби можеле да пристапат до пораките на Телеграм, вклучувајќи избришана содржина, како и лични податоци на корисниците.
Свет
(Видео) Израелците го нападнаа Бејрут, цел бил Ибрахим Акил, командант на операциите на Хезболах
Густ облак од чад се издигна над главниот град на Либан Бејрут откако израелската војска соопшти дека извршила „цеден напад“. Жителите на јужните предградија пријавиле дека слушнале силна експлозија, пренесува Ројтерс.
BREAKING: A security source in Lebanon:
“Israeli bombing targeted the southern suburb of Beirut. It is not yet known whether a specific person was targeted, but the damage is great.” pic.twitter.com/EvMBFxOa24
— Sulaiman Ahmed (@ShaykhSulaiman) September 20, 2024
Израелците не дадоа никакви детали за нападот, но нагласија дека нема промена во советите за израелските цивили да останат безбедни. Нападот на Бејрут се случи откако Хезболах истрела 140 ракети во северен Израел.
Новата размена на оган доаѓа по серијата експлозии на комуникациски уреди во вторникот и средата, при што загинаа најмалку 37 лица, меѓу кои две деца, а повеќе од 3.000 беа ранети во Либан.
Либанската влада и милитантната група Хезболах го обвинија Израел за нападот. Тел Авив не ги коментираше тие наводи, но министерот за одбрана Јоав Галант најави дека Израел влегува во „нова фаза“ од војната.
Цел на израелското гранатирање на Бејрут бил Ибрахим Акил, командант на операциите на Хезболах, објави израелското воено радио.
Медиумите јавуваат дека Акил е убиен во овој напад, а тој е еден од клучните луѓе на Хезболах, за чија глава Америка понудила дури седум милиони долари.
Новинската агенција АФП цитираше извор близок до Хезболах дека Акил бил убиен во нападот.
Американското Министерство за правда понуди награда од 7 милиони долари за информации за клучниот лидер на Хезболах Ибрахим Акил.
Свет
Либанско Министерство за здравство: Најмалку осум загинати и 59 ранети во израелскиот напад
Во денешниот воздушен напад на израелската армија на периферијата на Бејрут загинаа најмалку осум лица, а 59 се ранети, соопшти либанското Министерство за здравство, пренесува Ројтерс.
Израелската војска претходно денеска соопшти дека извршила „целен напад“ врз либанската престолнина, додека два безбедносни извори изјавија за Ројтерс дека е погодено јужно предградие на Бејрут и дека цел бил лидер на Хезболах.
Нападот погодил локации во близина на клучни објекти што ги користи Хезболах, објави британската агенција, повикувајќи се на неименувани безбедносни извори во Либан.