Свет
Вкупно шест загинати во престрелки меѓу Тајланд и Камбоџа
Уште еден тајландски војник загина на тајландски-камбоџанската граница, каде што во саботата наутро се обновени судирите меѓу војските на двете земји кои беа прекинати во петокот, пренесуваат локалните медиуми.
Според официјален претставник на армијата на Талјанд, полковникот Санесен Коекамнет, борбата започнала рано утрото по локално време траела еден час. Полковникот Коекамнет говорејќи во саботата наутро на националната телевизија изјави дека во моментов на владино ниво се водат преговорите за преземање мерки за спречување на судирите. На овие преговори учествувале командантите на воените окрузи на двете земји и командири на областа од регионот каде што се случил инцидентот. Сепак, талјандските медиуми објавија дека во саботата наутро во спорната погранична област се’ уште се слушаат истрели од автоматско оружје и експлозии од гранати.
Во саботата, Камбоџанската армија соопшти дека заробила пет тајландски војници. Полковникот Кеокамнет рече дека станува збор за четворица војници за негираше дека биле заробени, нарекувајжи го „емисари испратен да преговараат со камбоџанската страна за прекин на огнот“ Во петокот, во оваа спорна област четири часа траеше интензивна размена на оган со автоматско оружје, ракетен и артилериски оган. Според некои податоци, кои се објавуваат во медиумите во саботата, за време на судирите загинаа шест лица од двете страни, два талјандски и три камбоџански војника и еден тајландски фармерНа тајландски страна оштетени се најмалку десет згради, вклучувајќи и две административни згради, локално училиште и седум цивилни куќи. Во текот на вечерта од четвртокот и во петокот наутро од областа на судирите на тајландски страна беа евакуирани повеќе од три илјади цивили. На страната на Камбоџа, како што објавија тамошните медиуми, немало цивилни жртви. Камбоџанските власти се’ уште не соопштуваат официјално за жртви. И двете страни меѓусебно се обвинуваат за отпочнување на конфликтот. Чести се престрелките меѓу војските на Тајланд и Камбоџа во регионот каде се протега спорната границата, но досега стануваше збор за краткотрајни пррестрелки без жртви. Тие обично беа надминувани со лична средби на командантите на воените единици кои размениле оган. Во моментов, сепак, односите меѓу Тајланд и Камбоџа се мошне напнати. Територијалниот спор околу земјиштето на кое се наоѓа древниот храм Преа Вихеар (Пхра Вихан) кој е на списокот на светско културно и историско наследство на УНЕСКО, ги доведе двете царства на работ од војна. Во последните неколку седмици, и од двете страни на границата трупаат армиски сили, вклучувајќи и оклопни единици. Судирите на границата се случуваат неколку дена на масовни протести на националистичкото движење „Жолтите кошули“, кои започнаа во Бангкок на 25-ти јануари. Демонстрантите бараат од владата одлучна акција да се „исчисти окупираната од Камбоџа тајландска територија“ која е во рацете на армијата на соседната држава и на доселениците. Тие исто така бараат официјален Бангкок ида го раскине меморандумот за разбирање за демаркацијата на спорните погранични области потпишан со Камбоџа во 2000 г., и инсистираат на повлекување на Тајланд од Комитетот на светското наследство на УНЕСКО. „Жотлтите кошули“ закажаа во сабота масивна акција кампања против владата на премиерот Абхисит Ветчачива. Во петок неговата влада апелираше до лидерите на протестите со барање да ја намали активноста на демонстрации и да не се преземаат какви и да се нелегални дејствија. „Жолтите кошули“ се познати по то а што во 2008 г. за време на масовните протести го заземаа и неколку седмици ја држеа под опсада зградата на владата во Бангкок, а потоа исто така ги запоседнаа меѓународните аеродроми во земјата со што неколку денови го парализираа меѓународниот воздушен сообраќај. Во саботата попладне бројот на демонстрантите во Ратчадамне, историскиот дел од тајландската престолнина остана на подносливо нови од пет илјади луѓе. Талјандската полиција засега нема процена дали демоснтрантите се готват за поаргесивна акција. Медиуми јавуваат дека демоснтрантите на митингот во Бангкок ја осудиле „ агресијата на војската на Камбоџа војската, која нападна тајландска територија“. Територијалниот спор околу древниот Хинду храм на Преа Вихеар изграден во XI век, во ерата на империјата Ангкор, трае повеќе од 50 години. Меѓународниот суд овој спор го реши во полза на Камбоџа во 1962 г. По таа одлука, тајландската војската своите позиции ги премести на своја територија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.
Регион
Лоцирани се остатоците од авионот што се урна во близина на Загреб
Лоцирани се остатоците од авионот што се урна попладнево во близина на Загреб. Неофицијално се дознава дека три лица преживеале, додека едно лице починало, јавува 24сата.
„Денеска во 15 часот и 51 минути е добиена дојава за пад на мал спортски авион во шумата јужно од Керестинац. Полициски службеници излегоа на терен, се укажува помош на повредените, местото на настанот е обезбедено“, соопштија од полицијата.
Авион од типот „Цесна“ кој се користел за скокови со падобран, се урна попладнево во близина на Загреб. Според неофицијални информации, во него имало четворица членови на екипажот.
Најверојатно се работи за спортски, тренинг или туристички авион кој се урнал во недалеку од пистата во загрепската населба Јеждовец.