Свет
Експлозија во Египет го сопре снабдувањето со гас на Јордан

Во експлозијата предизвикани од непознати лица врз гасовод во северниот дел на Синај во Египет во близина на градот Ел Ариш, во близина на границата со Израел, го сопре снабдувањето со гас за Јордан, а не Израел, јавува сателитскиот телевизиски канал Al Jazeera
Рано утрото во саботата се случи експлозија на гасоводот во северниот дел на Синај на околу 70 километри од појасот Газа. Во моментов, пожарот кој избувна по експлозијата се’ уште не е локализиран. Според администрацијата на Северен Синај, во експлозијата не настрадала гасната станица во близината на местото на диверзијата, ниту во неа имало загинати и повредени. Од таа гасна станица се одвојуваат две крака за Јордан и Израел. Исто така, се додава дека експлозијата се случила далеку од населените места. Локалните жители велат дека чуле силна експлозија, а потоа висок пламен како се крева во воздухот.Властите тврдат дека се сигурни дека станува збор за саботажа изведена од диверзанти.И порано имало напад на тој гасовод. Во јули минатата година бедуините на Синајскиот полуостров се обиделе да го кренат во воздух во протестите против египетската влада која ја обвинија дека води дискриминирачка политика и која не се грижи за нив.
До денес докажани резерви гас во Египет изнесуваат 1,89 трилиони кубни метри. Извозот на егиептскиот гас се врши и преку гасоводот и во течен облик. Според обемот на извозот на течен гас, Египет е рангиран на шестото место во светот.Во Египет веќе 12. ден траат масовните протести против претседателот Хосни Мубарак кој е на власт 30 години, во кои според слободни проценки на стрнските агенции загинале околу 300 лица а ранети се неколку илјади.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Нетанјаху изрази загриженост за „анти-израелската позиција“ на Русија

Израелскиот лидер денеска разговараше со Владимир Путин и го изрази своето незадоволство поради „анти-израелската позиција“ заземена од претставниците на Москва во ОН.
Во израелската изјава се вели дека г-дин Нетанјаху, исто така, изразил „огромно негодување“ за „опасната“ соработка на Русија со Иран.
Во петокот Русија ја поддржа резолуцијата на Советот за безбедност на ОН за примирје во Газа.
По американското вето, заменик-амбасадорот на Русија во ОН Дмитриј Полјански го нарече гласањето „еден од најтемните денови во историјата на Блискиот Исток“.
Свет
Путин: Западот никогаш нема да успее да ја ослаби и уништи Русија

Рускиот претседател Владимир Путин изјави дека западните земји се обиделе да ја ослабат и уништат Русија, но дека тоа никогаш нема да успее.
„Тие се обидоа да ја потиснат Русија, да ја ослабат. И конечно да го скрши. Тоа нема да работи. Никогаш“, рече Путин на доделувањето на наградата по повод Денот на хероите на татковината, одржана на 8 декември, а снимки од церемонијата денеска објави новинар на ТВ Русија-1.
Путин потсети на изјавите на поранешната германска канцеларка Ангела Меркел и поранешниот француски претседател Франсоа Оланд, кои признаа дека немаат намера да ги спроведуваат договорите од Минск и дека ги користеле за да ја подготват Украина за конфликт, пренесува РИА Новости.
Путин оцени дека иднината на Русија зависи од учесниците во „специјалната операција“, како што официјална Москва ја нарекува војната во Украина.
Церемонијата на доделување на наградите се одржа во петокот во Кремљ, пред Денот на хероите на татковината, кој Русија го слави на 9 декември.
Регион
Хорор во Србија: ловџии пронајдоа обезглавено тело

Во близина на хиподормот во Велика Плана, група ловџии денеска пронајдоа труп во напредна фаза на распаѓање, јавуваат српските медиуми.
Причината за смртта се уште не е позната. Се работи за засега неидентификувано лице.
Трупот на мажот бил обезглавен.
Телото и главата се на исто место.
Се работи за засега неидентификувано лице. Исто така, се верува дека телото било тука некое време.