Свет
За САД и Русија приоритет е нуклеарното оружје
Рускиот претседател Медведев истакнал дека со американскиот колега Обама ќе настојуваат да ги подобрат односите меѓу двете држави. Сепак, приоритетот на закажана средба во Лондон е даден на нуклеарното вооружување
Во среда треба првпат да се состанат американскиот и рускиот претседател. Барак Обама и Дмитриј Медведев според договорот треба да се сретнат во Лондон пред почнувањето на самитот на G-20 во четврток. „Со размената на писмата од оваа година покажавме двострана подготвеност за градење стабилни двострани односи на прагамтичен и на деловен план и се согласивме дека приоритет е нуклеарното вооружување“, рекол Медведев, според написот обајвен во Washington Post што го пренесуват светските агенции. Медведев ги набројал можните полиња на соработка меѓу двете држави, но потенцирал дека тие мора да започнат од нуклеарното разоружување. Рускиот претседател додал дека тој и Обама сметаат дека процесот на разоружување ќе биде со неодложен приоритет. „Едностраните желби само за апсолутна сопствена безбедност се опасна илузија“, потенцирал Медведев додавајќи дека е охрабрен од, како што рекол, новиот партнер во Вашингтон. Медведев, покрај другото, рекол дека двете земји имаат потреба од заедничко решение за проблемите во Авганистан, и дека една конференција организарана од која и да е страна сигурно би била причина за подобра соработка отколку за натпреварување. Рускиот претседател смета, како што пренесуваат американските медиуми, дека Русија и САД на самитот во Лондон треба да го преземат лидерството во решавањето на светската економска криза. Медведев рекол дека до влошување на односите меѓу Москва и Вашингтон дошло по вина на претходната американска админстрација за инсталирање на противракетниот штит во Европа и проширувањето на НАТО до границите на Русија, како и за одбивањето да биде потпишан договор за конвенционалните сили во Европа. Само со почитување на заедничките интереси и гарантирање на еднаквоста може да се надминат несогласувањата кои ги предизвикале пренабрегнувањата на руските интереси и предизвикале одговор, смета рускиот претседател Медведев. Кој нагласил дека само врз вакви принципи неговата држава е подготвена да соработува со администрацијата на американскиот претседател Обама.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.