Свет
Ајман ал-Завахири нов лидер на Ал Каеда
Меѓународната терористичка организација Ал Каеда го назначи својот нов лидер, Ајман ал-Завахри (проширено)
„Командата на Ал Каеда“, по направетните консултации го објавува назначувањето на шеик Ајман ал-Завахири, за прв човек на организацијата“, стои во соопштението објавено на еден од екстремистичките портали цитирано од AFP.Претходно повеќето аналитичари и познавачи на состојбите во глобалната терористичка мрежа сметаа дека ал-Завахири, „човекот број два“ во Ал Каеда до ликвидацијата на 2-ри мај во пакистанскиот град Аботабад на челнико Осама бин Ладен, е логичниот наследник за шеф на организацијата. Сепак, привремен „вршител на должноста“ стана водачот на оперативците на Ал Каеда, Египќанецот, Сеиф ал-Адел. Според некои медиуми од Блискиот исток, ал-Завахири се сретнал со лидерите на опозицијата од некои организации кои сакаа раководството со мрежата да мине во рацете на помладата генерација. Лекар по професија, ал-Завахри, кој во 19 јуни ќе наполни 60 години, е основачот на „Египетскиот исламски џихад“ (Egyptian Islamic Jihad, EIJ). Вашингтон го обвинува за убиство американските државјани надвор од нивната земја, заговор за убиство на американски државјани, напади врз американските владини агенции во кои има жртви.Ал-Завахири се бара со потерница од 7 август 1998 година во врска со учество во бомбашките напади врз американските амбасади во Дар ес Салам (Танзанија) и Најроби (Кенија), во кои загинаа над 240 луѓе. За информации кои ќе придонесат за апсење на ал-Завахири, ФБИ нуди награда од 25 милиони долари.. По ликвидацијата на Осма бин Ладен, по автоматизам Ајман ал-Завахири станува во моментот најбараниот терорист во светот.Ал-Завахири речиси десет години се крие, по атентатите од 11-ти септември 2001 година во САД . Неговата сопруг, синот и двете ќерки се убиени во американските напади на авганистанската провинција Кандахар во 2001 година. Оттогаш, препознатливиот по долгата брада и со големи очила и „џумката“ на челото Завахири редовно се појавува со аудио и видео пораки преку исламистичките интернет страници повикувајќи на војна против Западот. Роден е на 19-ти јуни 1951 година ви гратчето Маада, близу Каиро во добростоечко семејство. Неговиот татко бил реномиран лекар а неговиот дедо е познат египетски исламски теолог. Ајман ал-Завахири по професија е хирург. Неговите пријатели го опишуваат како „поет“. Секако, неговите убедувања се она што предизвикува големо внимание на светската јавност. Имено тој уште на 15-годишна возраст се приклучил на организацијата Муслимански браќа во Египет. Поради учеството во атентатот врз египетскиот претседател Анвар ел-Садат во 1980 година минал три години во затор а потоа живеел во Саудиска Арабија, САД и на крајот во Пакистан. Ајман ал-Завахири во текот на „џихадот“ против силите на поранешниот СССР во Авганистан го запознал Осама бин Ладен. Оттогаш нивните судбини се поврзани. Иако ал-Завахири и’ припаѓаше на групата на египетскиот исламски џихад која во Ал Каеда се приклучи дури во 1998 година.Ал-Завахири беше вклучен во многуте светски судири, како на пример во Чеченија, потоа се најде на „црната листа“ на САД затоа што ги поддржуваше нападите на амбасадите на САД во Кенија и Танзанија во 1998 година. Во неговата татковина во отсуство е осуден на смрт пораду учества во многу атентати, особено во оној во градот Луксор во кој во 1997 година загинаа 62 лица, од кои 58 беа странски туристи. Стана десна рака на Осама бин Ладен и негов личен лекар. Го сметаат дека е „мозокот“ на терористичките напади на САД од 11-ти септември 2001 години, и е ставен на второто место на најбараните терористи на светот. „Ајман ал-Завахири е мозокот н аОСама бин Ладен“, оценува египетскито адвокат Мунтасаер ал-Зајад кој добро го познава ал–Завахири.Повеќепати светските медиуми објавуваа вести дека ал-Завахири е убиени, но секогаш тој одново се појавуваше и жестоко ја критикуваше американската политика. Според податоците добиени од неговите пријатели, Ајман ал-Завахири наводно повторно се оженил и во 2005 година добил ќерка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Кина објави драматична снимка, со порака до САД: „Нема да потклекнеме“
Министерството за надворешни работи на Кина објави драматично видео на социјалните мрежи како директен одговор на политиките на американскиот претседател Доналд Трамп, велејќи дека Кина нема да се повлече во трговскиот конфликт. Тие ја споредија американската политика со окото на торнадо кога сè изгледа мирно за момент, но јасно е дека доаѓа уште посилна бура.
Во видеото, до меѓународната заедница се апелира да се спротивстави на, како што го нарекуваат, „американското малтретирање“, а преку низа примери ги покажуваат наводните негативни последици од американската економска доминација.
Како илустрација, тие споменуваат како, според нив, агресивната американска економска стратегија уништила компании како Тошиба и Алстом, а воедно предизвикала долгорочна економска штета на некои земји, како што е Јапонија.
„Попуштањето пред насилникот само ја продлабочува кризата. Кина нема да падне на колена“, вели нараторот во видеото, кое е снимено на англиски јазик со кинески титлови. Пораката ја прикажува Кина како симбол на слободна трговија и сигурен партнер на глобалната сцена.
Never Kneel Down! pic.twitter.com/z8FU3rMSBA
— CHINA MFA Spokesperson 中国外交部发言人 (@MFA_China) April 29, 2025
Особено е интересно што видеото ги нарекува САД „хартиен тигар“ и нагласува дека земјата не го претставува глобалното мнозинство. „Насилниците се хартиени тигри, а САД не го претставуваат светот“.
„Кога светот зборува со еден глас, САД остануваат изолирани“, се тврди во пораката, предупредувајќи дека Вашингтон ќе продолжи да води нестабилна и агресивна политика.
Како заклучок, од Пекинг велат: „Нема да се повлечеме. Дури и послабите ќе имаат можност да им се чуе гласот.“
„Колку е потемна ноќта, толку се посветли ѕвездите“, додаваат тие на крајот.
Свет
ОН го осуди Израел: Изгладнувањето на цивилите во Газа е воено злосторство
Високиот комесар на ОН за човекови права, Волкер Турк, предупреди на целосен колапс на виталната помош во Појасот Газа и рече дека гладувањето на цивилите во енклавата, за која е одговорен Израел, може да се смета за воено злосторство.
„Секоја употреба на гладување на цивилното население како метод на војување претставува воено злосторство, како и сите форми на колективно казнување“, рече Турк.
Тој ја повика меѓународната заедница да преземе мерки против хуманитарната катастрофа. Само судовите можат да утврдат дали се извршени воени злосторства.
Израел ја блокира испораката на помош за Газа од почетокот на март. Пекарите остануваат без брашно и гориво за своите печки, додека болниците веќе останаа без лекови и материјали за лекување на рани.
Израел ја обвинува палестинската милитантна организација Хамас за присвојување на хуманитарната помош со сила и продажба на цивилното население по високи цени.
Израел соопшти дека нема да дозволи никаква испорака на помош сè додека Хамас не ги ослободи сите израелски заложници. Израелски извори наведуваат дека уште 24 заложници, како и телата на 35 киднапирани лица, се држат во крајбрежната област.
Свет
(Видео) Трамп: Златното доба на Америка доаѓа; УПС: Ќе поделиме 20.000 откази поради царините
Американскиот логистички гигант УПС вчера објави отпуштање на околу 20.000 работници и затворање на повеќе од 70 објекти низ САД, како дел од големата реорганизација на бизнисот поради падот на соработката со Амазон и зголемувањето на трошоците поврзани со царините наметнати од администрацијата на американскиот претседател Доналд Трамп.
Компанијата планира да затвори вкупно 73 изнајмени и во сопственост згради оваа година, а можни се и дополнителни рационализации, соопшти УПС.
„Мерките што ги преземаме за реорганизирање на нашата мрежа и намалување на трошоците доаѓаат во критично време“, изјави главниот извршен директор на УПС, Керол Томе. „Макроекономските услови може да бидат неизвесни, но благодарение на нашите потези, UPS ќе излезе од оваа фаза посилна и поагилна.“
Во јануари, УПС објави дека постигнал договор со Амазон, нивниот најголем клиент, со кој се намалува договорениот обем на испораки за повеќе од 50 проценти до втората половина на 2026 година.
За време на презентацијата на резултатите од четвртиот квартал, Томе потоа нагласи дека партнерството со Амазон траело речиси 30 години, но дека тие одлучиле да го преиспитаат односот. „Амазон е нашиот најголем клиент, но не е и најпрофитабилен“, рече Томе. „Неговата маржа е сериозно штетна за профитабилноста на нашиот бизнис во САД.“
Таа додаде дека компанијата разгледала различни опции и заклучила дека намалувањето на обемот на испорака е најдобриот избор. Според податоците од финансиската платформа FactSet, УПС вработува околу 490.000 луѓе ширум светот.
Во својот говор на 2 април 2025 година, кој го нарече „Ден на ослободувањето“, американскиот претседател Доналд Трамп откри нова стратегија за трговска политика, воведувајќи сеопфатни царини за увоз.
Овие мерки, кои тој ги опиша како „декларација за економска независност“, вклучуваа основна царина од 10% за целиот увоз, со дополнителни, повисоки стапки за поединечни земји, како што се 145% за кинески производи.
Трамп тврдеше дека царините ќе го поттикнат домашното производство, ќе создадат нови работни места и ќе генерираат „милијарди долари“ за намалување на даноците и националниот долг. Сепак, овие мерки предизвикаа загриженост за можно зголемување на потрошувачките цени и глобалните трговски тензии.
По победата на претседателските избори, Трамп го објави почетокот на „златното доба на Америка“, ветувајќи економски бум преку политиката „Америка на прво место“.
Неговите мерки, вклучително и воведувањето царини, имаа за цел заштита на американските работници и индустријата. Сепак, економските аналитичари предупредуваат дека овие политики би можеле да доведат до зголемени трошоци за потрошувачите и потенцијално забавување на економскиот раст.
Финансиските пазари реагираа негативно на најавата за царините, а инвеститорите изразија загриженост за можното влијание врз глобалната трговија и економската стабилност.
(Видео) Запален домот на Александар Пандов: Нема да не запрат и нема да не поколебаат
Директорот на Управата за извршување на санкции, Александар Пандов на социјалните мрежи објави дека му бил запален домот. „Ова е...
Мицевски: Интерпелацијата за министерот Тошковски не доби поддршка
„Интерпелацијата за министерот Панче Тошковски не доби поддршка. Очекувано од неколку причини“, напиша Никола Мицевски, пратеник од ВМРО-ДПМНЕ. „Потребна е...
(Видео) Петровска: Тошковски ја контаминираше истрагата за Кочани
„Трагедијата во Кочани точно е дека е резултат на системски пропусти, ама системот, колеги, има име и презиме или имиња...
(Видео) Меџити: И покрај нашите понуди тие одлучија да бидат заедно со ДУИ и со Ахмети, Таравари има пофалби за владеењето на ДУИ, а избега од тоа владеење
Првиот заменик претседател на Владата и министер за животна средина и просторно планирање Изет Меџити на прес-конференција извести дека вечерва...
Родителите на загинатите му кажаа на Тошковски дека не му веруваат и прашаа зошто обвинетите кои се во домашен притвор шетаат по улици
Родителите на загинатите во Кочани успеаја да го извадат надвор министерот за внатрешни работи, Панче Тошковски откога јавно му порачаа...
Родителите на загинатите се пред МВР: И без душа и без дете, ние пеш дојдовме, сега нека излезе Тошковски место ние да влеземе
Родителите и роднините на загинатите во Кочани стигнаа пред Министерството за внатрешни работи. Решија да дојдат пред Министерството откога министерот...
Тошковски вели дека не е направен пропуст од страна на МВР во случајот со „Пулс“
Во Собранието почна расправата за интерпелација на министерот за внатрешни работи, Панче Тошковски, поднесена од пратеничката група на партијата Левица....
(Видео) Јанчев: Дискотеката без мака работела 13 години, Тошковски да сакал, ќе ја затворел
Работата на министерот за внатрешни работи, Панче Тошковски, кој на оваа функција е повеќе од една година, денес е на...
„Ги изгоревте децата со вашата алчност и негрижа“, родителите на жртвите од Кочани бараат оставки и одговорност
„Пожарот ги зеде телата, системот ги уби душите“, „Каде да фатиме врски за да ги вратиме другарите“, „Селективна одговорност е неодговорност“,...
Ристески не очекува поскапувања од четврток: Се надевам дека трговците ја научија лекцијата
Ако цените нагло почнат да скокаат од четврток, кога истекува сегашната мерка за ограничени маржи до 10 %, мерката може...
Македонија е тажна приказна, а Црна Гора е најблислку до членство во ЕУ, рече Марта Кос
Црна Гора останува најверојатната кандидатка од регионот на Западен Балкан, кој може да стане нова членка на Европската Унија за...
ОПМ: Треба алатка за споредување на цените на производите за граѓаните да знаат каде може да ги купат поевтино, објавените списоци не се доволни
По објавувањето на списоците со цени на сите производи во маркетите, неопходно е да се направи нова алатка, која на...
Зеленски: Путин сака примирје само за време на неговата парада
Украинскиот претседател Володимир Зеленски изјави дека светот не сака да чека до 8 мај за најавеното примирје на рускиот претседател...
ВМРО-ДПМНЕ до Бујар Османи: Единствениот свет во кој е ДУИ е светот на корупцијата
Дали Бујар Османи го презеде лидерското место во ДУИ, а Али Ахмети се повлече? Дали станува збор за внатрепартиски договор,...
СДСМ: Дали градоначалникот Стефковски се јавувал во МВР за ослободување на својот брат?
Додека јавноста реагира за скандалот со братот на градоначалникот Бобан Стефковски, кој дивееше на скопските улици, а беше ослободен од...
Победа на либералите во Канада
Канадската Либерална партија, предводена од премиерот Марк Карни, е на добар пат да победи на федералните избори, велат канадските медиуми,...
Шпанија и Португалија повторно имаат струја
Елекетричната енергија е обновена речиси целосно низ Шпанија и Португалија по вчерашниот масовен прекин што предизвика хаос во двете земји....
„Марш за ангелите“ – семејствата на жртвите во пожарот во Кочани на протест во Скопје
Семејствата на загинатите во трагичниот пожар во Кочани за денеска најавија протестен „Марш за ангелите“ во Скопје. „Ние заслужуваме одговори,...
Шпанија прогласи вонредна состојба по прекинот на електричната енергија
Шпанското Министерство за внатрешни работи прогласи вонредна состојба во земјата по денешниот прекин на електричната енергија. Шпанскиот оператор за електрична...
Гаши засега ќе се воздржи од коментари за претседателката на Антикорупциска
Во врска со актуелните настани поврзани со претседателката на Државната комисија за спречување на корупцијата, Татјана Димитровска, од кабинетот на...
