Свет
Прва средба на британски политичар со новоизбраниот претседател на САД
Евроскептичниот десничарски политичар Најџел Фараж стана првиот британски политичар кој се сретна Доналд Трамп по неговата победа на американските претседателски избори на 8-ми ноември.
Во саботата Најџел Фараж се сретнал со Доналд Трамп во неговата резиденција во Њујорк, откако предложи дека би можел да посредува во подобрувањето на британските односи со новоизбраниот претседател на САД.
„Само сме туристи“, им изјавил Фараж на новинарите додеа чекал лифт во предворјето на „Трамп тауер“. Подоцна на Twitter објави фотографија со насмеаниот Трамп пред Златната порта.
Портпаролот на Партијата за независност на Велика Британија (UKIP), потврди во неделата дека привремениот челник на партијата се сретнал со Доналд Трамп во „Трамп тауер“ во Њујорк. Според портпаролката на новиот американски претседател, Келиан Конвеј, средбата ила „многу продуктивна“.
Од „Даунинг стрит 10“, седиштето на британската влада, коментираа дека Фараж „нема улога“ во врските на британската влада со идната американска администрација.
По средбата со Трамп, Фараж напиша дека „Претставуваше голема чест да бидам заедно со Доналд Трамп, Тој беше спокоен и полн со добри идеи. Убеден сум дека тој ќе биде добар претседател. Неговата поддршка за односите меѓу САД и Велика Британија е многу силна. Тоа е човекот со кој ние можеме да соработуваме“.
Портпаролката Конвеј изјави дека двајцата „изразија задоволство од заедничкото дружење и имаа можност да зборуваат за слободата и победата, и што значи сето тоа за светот“,
Истовремено извори од партијата UKIP соопштија дека срдбата меѓу Трамп и Фараж „направила британската премиерка да изгледа многу глупаво“.
Претходно Фараж за американските медиуми изјави дека кабинетот на премиерката Тереза Меј бил „многу груб“ во однос на Доналд Трамп и оти нејзините критики на почетокот од кампањата може да нанесат штети на Вашингтон.
„Трамп е англофил, тој го разбира и го признава она што нашите две големи нации го направија заедно“, изјави Фараж за американската телевизиска мрежа Fox News.
Беше соопштено дека премиерката Тереза Меј планира да се сретне со Доналд Трамп во текот на првите три месеца откако официјално ќе ја презема должноста./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ОН: Отстранувањето на експлозивните направи во Газа ќе трае 14 години
Канцеларијата на Обединетите нации за координација на хуманитарни прашања (OCHA) соопшти дека отстранувањето на бомбите и другите видови неексплодирани убојни средства во Газа може да потрае 14 години.
Според проценките на ОН, за време на војната низ Газа биле создадени 37,5 милиони тони урнатини, а поголемиот дел од нив бил расфрлан со бомби и други видови муниција кои не експлодирале, пишува ТАСС.
OCHA изјави дека околу два милиони луѓе, или половина од населението на Газа, нашле засолниште во Рафах, кои имаат потешкотии да пристапат до основните потреби како што се здравствена заштита, чиста вода и санитарни објекти.
Свет
Со возило удрил во куќа, па почнал да напаѓа луѓе со меч во Лондон, има повредени
Неколку лица, меѓу кои и двајца полицајци, се повредени во нападот што се случи во североисточен Лондон во близина на фреквентна станица на метрото.
Како што објави SkyNews, маж кој носел меч најпрво удрил со своето возило во куќа, а потоа со мечот ги повредил минувачите и полицајците кои се обиделе да го задржат.
Се се случило околу 7 часот утринава, а на терен се голем број полицајци.
Метро станицата Хаинолт веднаш била затворена, пренесува Телеграф.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.