Свет
Конкурсот за учебници беше наместен!
Виолета Ачкоска, професорка на Институтот за историја на Философскиот факултет и долгогодишен автор на учебници, смета дека конкурсот за новите учебници по историја бил пробиен и дека поради огромни слабости во учебникарството, македонската историја се наоѓа „ни на небо, ни на земја“.
Мери Јордановска
Виолета Ачкоска, професорка на Институтот за историја на Философскиот факултет и долгогодишен автор на учебници, смета дека конкурсот за новите учебници по историја бил пробиен и дека поради огромни слабости во учебникарството, македонската историја се наоѓа „ни на небо, ни на земја“.
Ачкоска беше член на комисијата што ги подготвуваше наставните програми и е автор на учебниците по историја за седмо одделение и за четврта година реформирано гимназиско образование. Таа вели дека нема никаква желба понатаму да биде член на комисијата, бидејќи нејзините членови толку често се менуваат, што станува бесмислено. Освен тоа, во некои од учебниците се промовира неквалитет и со тоа, како што вели, самите си ја деградираме историјата.
* Велите дека конкурсот за новите учебници по историја бил пробиен. Зошто?
– Кога ги направивме новите наставни програми, министерот за образование Положани рече дека тим од реномирани експерти-историчари ќе ги подготвува новите учебници. Не свика на состанок, за да се договориме како ќе се подготвуваат учебниците. Потоа, на големо изненадување на сите, видовме дека е објавен анонимен конкурс. Кога ни ги кажаа резултатите од конкурсот, претседателката на комисијата ја извести јавноста дека им дале предност на учебниците што ги пишувале практичарите. Се прашувам, од каде знаеја дека авторите на учебникот за осмо одделение што добиле на конкурсот се практичари, кога тој беше анонимен? Освен тоа, најнеквалитетниот учебник за осмо беше рангиран на прво место, а половината автори не се историчари и немаат практика во наставата. Според тоа, јасно е дека конкурсот беше пробиен и однапред се знаеше кој учебник ќе добие.
* Дали се соочувавте со притисоци од надлежните додека ги подготвувавте учебниците по историја?
– Најголем проблем во подготовката беше тоа што имавме многу кратко време за да ги напишеме учебниците, па можеби затоа голем дел се импровизирани. Затоа, учебниците не можат да имаат добар квалитет како во другите земји, каде што еден учебник се пишува со години. Секој нов министер што ќе дојде си прави своја наставна програма како што ќе му текне. Со тоа си ја деградираме историјата и ја ставаме ни на небо ни на земја. Во нашите учебници Министерството и комисијата ни тргнаа повеќе фотографии што би можеле да предизвикаат негативни чувства. Така, во учебникот за четврта година ни тргнаа фотографии од холокаустот, кои беа во дидактичка целост со текстот. Во оној за седмо одделение, пак, добивме забелешка дека Даме Груев сме го спомнувале премногу често во учебникот – дури трипати!
* Во учебникот за четврта година реформирано гимназиско образование се споменуваат настани како бомбардирањето на НАТО врз Белград, косовската криза, спорот за името со Грција… Вашите колеги реагираат дека овие настани се уште немаат разврска, па затоа не може да се застапени во учебниците?
– Историјата за четврта година е изборен предмет, надвор од циклусот што завршува со трета година гимназија, па нашата замисла беше да се развие креативниот дух кај учениците. Тие низ дебати ќе треба да стекнат мислење за она што се случувало од 1945 до 2000 година. Тоа се вика мултиперспективност на современата историја. Знам дека на постарите наставници ќе им биде тешко да го предаваат периодот од 1991 година, бидејќи за нив тоа е нешто ново. Сепак, тие поминаа низ специјални семинари за тоа и се задоволни. Им го кажавме упатството како треба да предаваат, а главната цел е да се развие истражувачкиот дух кај учениците.
* Зошто се решивте да направите наставна програма по историја, каде што толку голем дел од учебниците ќе и биде посветен на историјата на Албанија?
– Досега не знаевме што и од кои учебници учат албанските паралелки. Случајно до раце ми дојде таков учебник по историја и се вчудовидов. Тоа беа учебници од Косово и од Албанија, полни со шовинизам. Затоа, прифативме да ја правиме новата програма, за да имаме контрола врз тоа што се учи. Тоа беше најсоодветно решение. Учениците-Македонци нема да бидат принудени да учат за историјата на Албанија. Сега сите ќе учат од исти учебници и така ќе ги доближиме учениците. Сепак, тоа не треба да се направи со толкување дека балистите се ослободители, туку со научен пристап кон сите личности и појави во историјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху: Ослободувањето на директорот на болницата „Ал Шифа“ во Газа е сериозна грешка
Израелскиот премиер Бенјамин Нетанјаху изјави дека ослободувањето на уапсениот директор на болницата „Ал Шифа“ во Газа е „сериозна грешка и етички неуспех“.
Израелските министри и високите безбедносни функционери си ја префрлаат вината еден на друг, тврдејќи дека не се одговорни за ослободувањето на директорот на најголемата болница во Појасот Газа.
„Тој човек, под чија одговорност беа чувани и убиени нашите заложници, треба да биде во затвор“, рече Нетанјаху во изјавата, пренесоа израелските медиуми.
Тој нареди истрага како се случило директорот на болницата Мухамед Абу Селмија да биде пуштен на слобода.
Шефот на израелската служба за безбедност Ронен Бар утре ќе му ги презентира на Нетанјаху резултатите од истрагата, соопштија од кабинетот на премиерот.
Израелскиот лидер нагласи дека одлуката за ослободување на Абу Селмија е донесена без знаење на политичкиот ешалон и шефовите на безбедносните агенции.
Премиерот на Израел формира меѓуагенциско тело составено од Министерството за одбрана, израелската армија, Службата за безбедност и Советот за национална безбедност, кое ќе служи за одобрување на ослободување на затворениците чија истрага е завршена.
Абу Селмија, лекар во болницата, беше уапсен од израелски војници во ноември под сомнение дека му дозволил на Хамас да ја користи болницата во главниот град Газа како центар на операции.
Тој беше уапсен додека се обидуваше да се евакуира на југот на Појасот Газа преку хуманитарниот коридор контролиран од војската и беше одведен на сослушување во службата за безбедност Шин Бет, пренесуваат светските медиуми.
Тој утрово беше вратен во Газа со уште 54 палестински затвореници.
Абу Селмија беше ослободен без обвинение и судење, а Нетанјаху рече дека одлуката за негово ослободување е донесена по петиција на организација за човекови права.
Тие организации тврдеа дека центарот за притвор бил преполн и дека Палестинците биле малтретирани таму, пренесува „Асошиејтед прес“. Ова ја натера владата да префрли поголем дел од палестинските затвореници во други затвори и да ослободи некои.
Директорот на болницата Шифа рече дека бил држен во тешки услови и мачен. Тој и другите палестински здравствени службеници ги негираа израелските обвинувања.
Болницата Шифа беше нападната од Израел двапати од почетокот на војната против Хамас во Газа на 7 октомври минатата година.
„Кој од затворениците ќе биде ослободен, независно одлучуваат безбедносните службеници, врз основа на професионални проценки“, напиша Нетанјаху во повикот за истрага.
Абу Селмија на прес-конференцијата по неговото ослободување рече дека мачењето било речиси секојдневно и дека биле мачени и други палестински затвореници.
Свет
„Горд сум што сум Американец“: Трамп ја поздрави одлуката на Врховниот суд за неговиот делумен имунитет
Поранешниот американски претседател Доналд Трамп ја поздрави денешната одлука на Врховниот суд на САД, која му овозможи да бара имунитет од гонење за некои од дејствијата што ги презеде за време на неговото претседателствување за да ги поништи резултатите од претседателските избори во 2020 година.
Трамп одлуката на Врховниот суд ја окарактеризира како голема победа за Уставот и демократијата.
– Голема победа за нашиот Устав и демократија. Горд сум што сум Американец – напиша Трамп во објава на неговата платформа „Truth Social“.
Оваа одлука на Врховниот суд ја поништи одлуката на федералниот апелационен суд донесена во февруари оваа година, со која беше утврдено дека Трамп не ужива имунитет за наводните злосторства што ги направил за време на неговиот претседателски мандат за поништување на резултатите од изборите во 2020 година.
Трамп инсистираше на тоа дека не може да му се суди за дејствија кои датираат од неговото време како претседател на САД, вклучително и обвиненијата поврзани со нападот на Капитол на 6 јануари 2021 година од страна на неговите поддржувачи во обид да го спречи Конгресот да ја потврди победата на неговиот демократски ривал, Џо Бајден на претседателските избори.
Свет
(Видео ) Авион принудно слетал поради силни турбуленци во Бразил: повредени најмалку 30 лица, патниците го снимиле хаосот
Патничкиот авион „Боинг 787-9 Дримлајнер“ на Ер Европа принудно слета во Бразил поради силни турбуленции во кои се повредени 30 лица, јавува Би-би-си.
Авионот летал од Мадрид кон Монтевидео кога се случил инцидентот, соопшти авиокомпанијата.
El vuelo de @AirEuropa ux045 que sufrió turbulencias de aire claro pic.twitter.com/7ud1plk0uZ
— Nelson (@NblancoNelson) July 1, 2024
Летот UX045 беше пренасочен кон аеродромот Натал во североисточен Бразил на пат кон главниот град на Уругвај, објави шпанската компанија на X.
Оттаму додаваат дека повредените патници „примаат помош“.
Varios heridos en vuelo de Air Europa UX045 desde Madrid con destino a Montevideo. Debió aterrizar de emergencia en Natal, Brasil. Asisten bomberos y emergencias medicas. #aireuropa pic.twitter.com/MAQMziXIdV
— Pichi Pastosa (@pichipastoso) July 1, 2024
Авионот, кој превезуваше 325 патници, наиде на турбуленции над Атлантикот додека се приближуваше до бразилскиот брег, изјави портпаролот на Ер Европа.
Авионот слетал нормално и го пречекале голем број амбулантни возила.
Аеродромските власти соопштија дека на некои патници им била потребна медицинска помош и биле пренесени во најблиската болница.
Локален медицински тим за бразилските медиуми изјавил дека лекувале најмалку 30 патници од различни националности и дека 10 од нив биле пренесени во болница.
Пациентите се здобиле со повреди на главата за време на турбуленциите, вклучувајќи фрактури на черепот и исекотини на лицето, додаде тимот.
Инцидентот се случи неколку недели откако лет на „Сингапур ерлајнс“ беше погоден од силни турбуленции над Мјанмар, што доведе до повреди на неколку луѓе и смрт на еден Британец.
Тешките турбуленции се ретки, но неодамнешните студии покажаа дека климатските промени може да го зголемат ризикот.