Регион
Србија првите преговарачки поглавја со ЕУ ќе ги отвори во септември
Србија првите преговарачки поглавја за придружување на Европската унија би можела да ги отвори дури во септември годинава, тврди белградскиот весник Вечерње новости.
Како што пишува во неделата Вечерње новости, повикувајќи се на извори во Брисел, наведуваа дека европските функционери проценуваат дека до септември годинава би требало да биде завршена примената на сите точки до договорот меѓу Белград и Приштина од 2013 година, потпишана под покровителството на Европската унија.
Според информациите на весникот, во септември би можело преговорите да започнат со поглавјето 35, со кој се подразбира и процесот на нормализација на односите со Приштина, како и поглавјето 32, за финансиската контрола.
Таквиот редослед, според тврдењето на неименуваните извори на весникот, го форсирал Берлин, а тие барања се придружил и Лондон, што му било сигнализирано и на српскиот државен врв во текот на посетата на шефот на британската дипломатија Филип Хамонд во четвртокот. Наводно, шефот на Форинг Офисот, во Белград испратил јасна порака дека Велика Британија, во Брисел ќе гласа за отворање на поглавјата дури откако ќе бидат применети сите договори постигнати со Приштина.
Се наведува дека на списокот со услови од Берлин, меѓу другото, е и донесувањето на статутот на Заедницата на српските општини на Косово, согласно приштинските закони, учеството на Приштина на сите регионални форуми што Србија упорно го оспорува, како и прифаќањето на косовската патна исправа на границата со Србија.
Шефот на британската дипломатија порача во Белград дека за отворањето на преговарачките поглавја на Србија со ЕУ е најважно спроведувањето на Бриселската спогодба со Приштина. Хамонд во четвртокот по одвоените средби со претседателот и премиерот на Србија, Томислав Николиќ односно Александар Вучиќ, на заедничката прес-конференцијаа нагласи дека силно ги поддржува евроинтеграцискиот процес и реформите што ги започна српската влада, и посака што побрзо отворање на преговарачите поглавја./крај/мф/сн
Извор: Вечерње новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нови детали за малата Данка: нејзината ДНК не била пронајдена на автомобилот со кој била удрена
Како што пренесува „Нова.рс“, на ниеден од предметите што биле земени за помош во истрагата не биле пронајдени биолошки траги од двегодишната Данка Илиќ од Србија.
Српскиот портал напиша дека досега се пронајдени повеќе од 400 траги во службеното возило за кое се сомневаат дека го користеле Дејан Драгојевиќ и Срѓан Јанковиќ кога, според нивното признание, го удриле девојчето. Обвинителството пред неколку дена ги доби резултатите од новите вештачења.
„Од внатрешноста на службениот автомобил во Бор се земени повеќе од 500 траги, како и траги од надворешната страна на автомобилот. Досега вештачењата покажаа дека нема трага од ДНК на Данка Илиќ ниту во самиот автомобил ниту на надворешните делови од возилото“, пишува „Нова.рс“ повикувајќи се на Вишото јавно обвинителство.
Медиумот потсетува дека осомничените работници на фирмата „Водовод“ од Бор, Јанковиќ и Драгијевиќ, биле на работна задача на 26 март кога во Бањско Поле исчезна двегодишно девојче. Според признанието на Драгијевиќ, девојчето го удриле со службеното возило, го задавиле и го фрлиле на дива депонија, од каде што два дена подоцна Дејан со својот татко (73) и сега починатиот брат Далибор (40) наводно го преселиле телото на друга, непозната локација.
Телото на двегодишната Данка сè уште не е пронајдено.
Регион
Се урна конструкција на рингишпил, повредени 13 деца, од кои едно е во животна опасност во Куршумлија
Во Куршумлија денеска се случила несреќа кога на локалниот саем се урнала конструкцијата на рингишпилот, пренесуваат српските медиуми.
Според написите, повредени се 13 деца, од кои едно потешко.
Станува збор за девојче, чиј живот е во опасност и има сериозни повреди на главата и ‘рбетниот столб.
Таа била итно префрлена во КЦ „Ниш“ на Одделот за неврохирургија.
Седум деца се во друга болница, каде што во тек е понатамошна дијагностика, а другите деца се полесно повредени, пишуваат тамошните медиуми.
Регион
Шји Џјинпинг: Србија е првата земја од Европа со која ќе изградиме заедница со заедничка иднина
Претседателот на Народна Република Кина, Шји Џјинпинг, изјави дека во денешните разговори со претседателот Вучиќ е постигнат значаен консензус и дека Србија ќе биде првата земја од Европа со која ќе изгради заедница со заедничка иднина.
„Заеднички објавивме дека ќе изградиме заедница меѓу Кина и Србија со заедничка иднина во новата ера, што ќе отвори ново поглавје во историјата на кинеско-српските односи. Пред осум години Србија стана првиот сеопфатен стратешки партнер на Кина во Централна и Источна Европа, а денеска станува првата европска земја во која ќе изградиме заедница со заедничка иднина“, рече Шји во говорот по размената на потпишаните меѓудржавни договори меѓу Србија и Кина во Палатата „Србија“.
Тој посочи дека како вистински пријатели и добри партнери Кина и Србија уживаат политичка доверба, која е силна како карпа.