Спорт
Мојата работа со Интер е завршена, сега сакам со Реал
„Мојата работа овде е завршена. Лигата на шампионите сакам да ја освојам со три различни клуба“, изјави по натпреварот во Мадрид Мурињо
Мурињо на Интер му ја донесе европската шампионска титула по цели 45 години, а без какво и да е двоумење признава дека сака истото да го направи и со мадридски Реал кој иако е најтрофеен клуб во најпрестижното фудбалско натпреварување со девет титули подолги години не може да е избори за финалето.Мурињо само го потврди она што речиси беше сигурно, дека за големи пари ќе го напушти Интер и ќе го преземе Реал/„Не останува предолго во клубовите бидејќи сакам нови предизвици“, ги објаснува Мурињо своите мотиви за напуштањето на миланскиот клуб, што може да се сфати и поинаку. Мурињо има сега алиби за ваквиот изговор, бидејќи со синоќешната победа над Баерн со 2:0, токму на игралиштето на мадридски Реал, се израмни со колегите Ернст Хапел кој има освоено две титули во Лигата на шампионите со два клуба со Феенорд во 1970 и со Хамбрургер ХСВ во 1983 г и со Отмар Хицфелд со Борусија Дортмунд во 1997 г. и со Баерн во 2001 г. Мурињо со Порто беше победник во 2004 г. и сега во 2010 г. со Интер, но пет години тоа не му поаѓаше од рака со скапиот Челзи..„Чувствувам голема тага при моето евентуално заминување. Направи што можев, мојата работа е завршена, Се запишав во клупската историја, а ниту Интер нема да биде клуб како што беше претходно. Не сакам многу да зборува, бидејќи сигурно ќе се расплакам и ќе ја сменам одлуката. Како што сега стојат работите, поблиску сум до заминување, отколку од останување. Мурињо пред новинарите му се заблагодарил на претседателот на Интер, Масимо Морати, велејќи дека и за двајцата бил тоа голем ризик зашто и неговиот претходник Роберто Манчини го освои скудетото, а него кого по сопствено признание го мразат новинарите ќе го „закопале“.„Освоив со Интер се’ што можев и доколку мојата одлука биде онаква каква што мислам дека ќе биде а не е се’ уште сигурно сто отсто, морам дека ќе морам да најдам нова мотивација. Во тесниот круг сум од тренери кои ја освојувале титулата во Лигата на шампионите со два различни клуба, а сакам да станам првиот кој тоа ќе го стори со три клуба“, изјави Мурињо оправдувајќи ги причините за неговата одлука најверојатно да го преземе тимот на во Реал.„Сакам да ризикувам. Ако дојдам во Шпанија, ќе играм против супер тим каков тоа е Барселона, а ќе ми биде голем предизвик и да ја освојам Лигата на шампионите со Реал“, изјави по натпреварот Мурињо
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.