Македонија
МНР препорачува внимателност на македонските државјани во Јапонија
Македонските државјани што се наоѓаат во Јапонија да останат надвор од зоната од 80 километри од нуклеарната централа Фукушима 1, се вели во новата препорака издадена од Министерството за надворешни работи.
Македонските државјани што се наоѓаат во Јапонија да останат надвор од зоната од 80 километри од нуклеарната централа Фукушима 1, се вели во новата препорака издадена од Министерството за надворешни работи.„Препорачуваме сите оние кое сè уште се наоѓаат во засегнатите подрачја, да ги напуштат во најкус можен рок. Напоменуваме дека во регионите надвор до 80 километарската зона, вклучително и во Токио здравствените ризици се ниски и нема опасност по здравјето на луѓето кои престојуваат таму. Советуваме македонските државјани во Јапонија, внимателно да ги следат информациите во врска со состојбата и да се придржуваат кон инструкциите кои ги даваат јапонските власти“, советуваат од МНР.Истовремено, од Министерството напоменуваат дека Јапонија се наоѓа во сеизмички активна област и дека се очекуваат бројни афтершокови по силниот земјотрес од 11-ти март. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.