Свет
Во Вашингтон започна глобалниот самит за нуклеарното оружје
Американскиот претседател Барак Обама во понеделник и вторник ќе биде домаќин на лидерите на 46 земји, на самитот чија цел е создавање на подобар безбедносен систем на нуклеарните оружја, и стари и нови, за да не паднат во рацете на терористите
Собирот во Конгресниот центар „Волтер Е. Вашингтон“ во престолнината на САД се смета за акт без преседан во напорите да се покрене глобална акција за обезедување на нуклеарните материјали. Собирот, исто така, е во центарот на заложбите на Обама да се спречи ширењето на нуклеарните оружја и технологија. Конкретната цел на самитот, пак, е да се постигне договор за тоа како секоја од земјите-учеснички ќе го контролираат нуклеарното оружје и материјал или на друг начин ќе го спречат нивното ширење. „Во фокусот на овој „нуклеарен“ самит е фактот дека најголемата закана за безбедноста на САД, и краткорочно и долгорочно, е и ќе биде можноста некоја терористичка организација да дојде до нуклеарно оружје“, истакна Обама.„Ова е нешто што може да ја промени безбедностаната мапа во оваа земја и ширум светот во годините кои следуваат. Ако некогаш дојде до ваква експлозија во Њујорк, или во Лондон, или во Јоханесбург, последиците, од економски, политички, или од безбедносен аспект, би биле разурнувачки. Сите ние знаеме дека организациите како Ал каеда постојано се обидуваат да обезбедат нукеарно оружје или други оружја за масовно уништување и нема воопшто да се премислуваат да ги употребат“, додаде тој.Особена загриженост за светските лидери предизвикуваат постарите нуклеарни оружја и материјали, кои не се чуваат како што треба, особено во Русија и другите држави на поранешниот Советски сојуз.„За жал. имаме ситуација во која постои голема количина на необезбеден нуклеарен материјал ширум светот. Затоа целта на самитот е меѓународната заениоца да тргне по патот на воспоставување на точни временски рамки и планови, со кои овој материјал ќе биде ставен под клуч“, рече Обама. Покрај големиот број држави кои учествуваат, на светскиот собир во Вашингтон свои засебни претставници имаат и Обеднитетите нации, Европската унија и Меѓунардоната агенција за атомска енергија. Обама на маргините на самитот ќе одржи серија засебни средби со некои од лидерите кои се присутни. Во неделата Обама имаше средби со индијскиот преммиер Манмохан Синг, по што следеа средбите со претседателите на Казахстан, Нурсултан Назарбајев и на Јужноафриканската република, Јакоб Зума, со премиерот на Пакистан, Јусуф Раза Гилани и в.д.престедателот на Нигерија, Гудлак Џонатан. Во понеделник претседателот Обама имаше средба и со кинескиот претседател Ху Џинтао, која следи по подолг период на затегнати односи помеѓу двете држави поради повеќе спорни прашања, а кој беше прекинат со согласувањето на Кина да учествува на саммитот и да ја земе предвид поддшката за евентуалнте санкции против Иран. Претседателот на САД вакви средби треба да одржи и со другите лидери од петте членки на Советот за безбедност на ОН, кои учествуваат во групата која одлучува за евентуалните нови санкции кон Иран,во која учествува и Германија. Средбата со германската канцеларка Ангела Меркел претседателот Обама ќе ја одржи во вторник, по завршувањето на самитот.
Белата куќа исто така објави дека лидерот на САД ќе има средба и со турскиот премиер Реџеп Таип Ердоган. Оваа средба се случува на само една недела откако Турција одлучи да го врати својот амбасадор во Вашингтон, по спорот меѓу двете држави заради иницијативата на американскиот конгрес да го прогласи масакрот врз Ерменците во Турција во Првата светска војна за геницид. Турција се надева дека САД ќе можат да помогнат при обновувањето на сопрениот процес на помирување со Ерменија. Обама во понеделник ќе се сретне и со ерменскиот претседател Серж Саркисијан. Но, некои од клучните светски лидери нема да присуствуваат на самитот. Израелскиот премиер Бенјамин Нетанјаху, во момент кога односите меѓу неговата земја и САД се најзатегнати во историјата на Израел поради изградбата на еврејкси населби во источен Ерусалим, го откажа доаѓањето поради наводен страв дека муслиманските земји ќе го покренеле прашањето за недекларираното израелско нуклеарно оружје.И премиерите на Британија и на Австралија нема да учествуваат на самитот. Истовремено, нуклеарната стратегија на Обама трпи жестоки критика на домашна политичка сцена. Републиканците ја напаѓаат како премногу слаба за да може да се соочи со заканите и пркосот на Иран и на Северна Кореја. „Иако договорот со Русија е во вистински правец, а самиот самит донесе импресивна група на лидери во Вашингтон, за мене е проблематична самата нуклеарна стратегија на претседателот. Сакам да кажам дека таа ја одзема повеќезначноста во врска со употребата на нуклеарното оржје од страна на САД, а повеќезначноста е многу корисна во надворешната политика“, смета републиканскиот сенатор Ламар Александер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху: Не ја исклучувам можноста за нови напади врз раководството на Хамас, каде и да се
Израелскиот премиер Бенјамин Нетанјаху денес изјави дека не ги исклучува понатамошните напади врз лидерите на Хамас „каде и да се“, додека арапските и исламските шефови на држави одржуваат самит за да покажат поддршка за Катар по нападот од минатата недела врз земјата од Персискиот Залив.
Обраќајќи се на самитот, катарскиот емир Тамим бин Хамад ал-Тани рече дека израелскиот напад бил „кукавички и предавнички“, тврдејќи дека во времето на нападот, лидерите на Хамас го проучувале предлогот за прекин на огнот на САД што им го презентирале Катар и Египет.
Хамас објави дека петмина негови членови се убиени во израелскиот напад, но не и раководството. Еден член на катарските безбедносни сили, исто така, бил убиен.
Зборувајќи заедно со американскиот државен секретар Марко Рубио во Ерусалим, Нетанјаху рече дека Израел сè уште не добил конечен извештај за резултатите од нападот.
Рубио ќе отпатува во Катар по неговата посета на Израел, изјави висок функционер на американскиот Стејт департмент, пренесуваат светските медиуми.
Рубио го повика Катар да продолжи да игра конструктивна улога во решавањето на конфликтот во Газа, велејќи дека тоа би можело да помогне во постигнувањето на целта за ослободување на сите 48 заложници што сè уште се држат во Газа, разоружување на Хамас и градење подобра иднина за жителите на Газа.
Претседателот на САД, Доналд Трамп, посочи дека не е задоволен од нападот и вчера изјави дека Израел треба да биде внимателен.
Фото: принтскрин
Свет
Иран: Непријателите треба да знаат, нашата нуклеарна програма има длабоки корени, не може да биде уништена со воени напади
Шефот на Организацијата за атомска енергија на Иран, Мохамад Еслами, на годишната генерална конференција на Меѓународната агенција за атомска енергија (МААЕ) во Виена изјави дека нуклеарната програма на Иран нема да биде уништена со воена акција. Во исто време, тој ги обвини Израел и Соединетите Американски Држави за нелегални напади врз неговите објекти, пишува Иран Интернешнл.
„Непријателите на Иран треба да знаат дека нашата нуклеарна програма има длабоки корени и не може да биде уништена со воена акција“, рече Еслами во обраќањето пред 69-та Генерална конференција. Тој додаде дека Иран нема да попушти пред политичкиот или воениот притисок и нема да се откаже од своите права.
Шефот на Организацијата за атомска енергија на Иран рече дека соработката на Техеран со МААЕ е „широка и конзистентна“, но ја обвини агенцијата дека не ги осуди она што тој го нарече акти на агресија против нуклеарните објекти на Иран.
„И покрај нашите официјални барања, агенцијата не ги осуди нападите на САД и Израел врз нуклеарните објекти на Исламската Република“, рече тој. „Ова молчење и неактивност ќе останат дамка во историјата на агенцијата“.
Еслами, исто така, ги критикуваше европските напори за активирање на механизам за „враќање“ за повторно воведување на санкциите на Обединетите нации врз Иран, нарекувајќи ги нелегални.
Тој рече дека нуклеарниот договор од 2015 година, официјално познат како Заеднички сеопфатен план за акција (JCPOA), покажал дека дипломатијата може да успее, но тврдеше дека бил поткопан од западните земји. „Денес, на годишнината од JCPOA, гледаме нелегални обиди за активирање на механизмот за враќање“, рече тој. „Овие напори се исмејување на Резолуцијата 2231“.
Еслами, исто така, рече дека израелските напади врз нуклеарните објекти на Иран беа насочени не само кон инфраструктурата, туку и кон самата дипломатија.
„Целта на ционистичкиот режим не е само да ги уништи нашите нуклеарни центри, туку и да го блокира патот кон дипломатијата и мирот“, рече тој. Еслами објави дека Иран ќе поднесе резолуција на конференцијата со која ќе се забранат нападите врз нуклеарните постројки и ќе одржи состаноци со земјите што соработуваат со Техеран.
Фото: принтскрин
Свет
Рубио во Израел: Сите заложници мора веднаш да се вратат дома
Државниот секретар на САД, Марко Рубио, изјави дека сите заложници мора веднаш да се вратат дома и дека Хамас мора да биде „уништена“ како вооружена група.
Зборувајќи на прес-конференција во Ерусалим, Рубио рече дека американскиот претседател Доналд Трамп е сè уште посветен на овие цели, објавува „Тајмс оф Израел“. Рубио, исто така, истакна дека Иран им се заканува не само на Израел и САД, туку и на сојузниците од Персискиот Залив и Европа. Тој рече дека нуклеарниот Иран е „неприфатлив ризик“ за светот.
Рубио го критикуваше Хамас за неговиот „неспоредлив варваризам“ и додаде дека народот на Газа не може да има мир или подобра иднина сè додека Хамас не биде разоружан и сите заложници не бидат вратени дома. „Фокусирани сме на тоа што ќе се случи следно“, рече американскиот државен секретар Марко Рубио, осврнувајќи се на израелскиот напад во Доха минатата недела.
Државниот секретар на САД пристигна во Израел за да му го пренесе на израелскиот премиер Бенјамин Нетанјаху незадоволството на САД од неодамнешниот израелски напад врз Доха, Катар, под изговор дека го напаѓа седиштето на Хамас. Пред состанокот, тој најави дека ќе разговара со Нетанјаху за воените планови на Израел за окупирање на градот Газа, како и за намерата на Израел да анектира делови од окупираниот Западен Брег.
Фото: принтскрин
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
(Видео) Ангелов: Пожарот во Трубарево е целосно изгаснат, состојбата во „Дрисла“ е драстично подобрена
Пожарот во Трубарево е целосно изгаснат, целата опожарена површина е затрупана со песок и земја. Утрово покажуваше на неколку места...
(Видео) Хибридниот напад од странски центри е смешно алиби за неспособност на Мицкоски, вели Филипче
Претседателот на СДСМ, д-р Венко Филипче, денеска силно ги нападна изјавите на премиерот Мицкоски дека државата била цел на хибриден...
За да нема чадење од „Вардариште“, треба да се најде пристоен дом за над 200 луѓе што живеат среде депонијата, а некои од нив потпалуваат, вели Тошковски
Во решавање на проблемот со депонијата „Вардариште“ треба да се вклучат сите институции, да им се најде соодветен дом на...
(Видео) „Дуото Апасиев – Мециновиќ си пикнало во џебот милиони од партијата Левица, а на поддржувачите им велат донирајте ни пари“, вели Манасиевски
„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и...
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го...
(Видео) Граѓаните го блокираа мостот „Близнаци“: секој ден без акција значи уште еден ден вдишување отрови
Граѓаните, утрово, од 7.30 часот, еден час ја блокираа крстосницата кај мостот „Близнаци“ помеѓу општините Аеродром и Гази Баба. „Овој...
(Видео) Запленети 204 банкноти и монети за колекционерски цели
Запленети се 204 банкноти и монети за колекционерски цели, чија вредност е проценета на 700 илјади денари. Случајот е откриен...
„Скопје се труе, Изет се крие: од потпретседател на Али Ахмети, заврши како портпарол на Мицкоски“, велат од ДУИ
„Демократската унија за интеграција изразува длабока загриженост за еколошката катастрофа што го погоди главниот град по избувнувањето на пожарот во...
„Доста беа приказни, за еколошката катастрофа во Скопје мора да има политичка и кривична одговорност“, велат од СДСМ
„Македонија има неспособна власт која раскажува приказни додека горат депонии и фабрики, а граѓаните ја плаќаат цената со сопственото здравје....
Двајца претепале човек во Паркот на жената борец: починал во болница, Обвинителството бара притвор
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска...
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на...
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
(Видео) Командантот на пожарникарите раскажа како се гаснел пожарот во Трубарево – на помош добиле хемиска пена, па стигнал и песокот
Скопските пожарникари во изминатите два дена интервенирале со целокупниот капацитет при големиот пожар во магацините за пластичен и електронски отпад...
