Македонија
Британски совет: Обука за Антидискриминација
Британскиот совет во Скопје денеска и утре ќе одржи дводневна обука за обучувачи за превенција и заштита од дискриминација.
Британскиот совет во Скопје денеска и утре ќе одржи дводневна обука за обучувачи за превенција и заштита од дискриминација.Учесници на семинарот ќе бидат претставници од државните институции на централно и локално ниво од областа на социјалната заштита, здравство, внатрешни работи, образование и локална самоуправа.Обуката ќе биде спроведена од две консултантки од Обединетото Кралство и има за цел да го зајакне капацитетот на персоналот во областа на превенцијата и заштитата од дискриминација.Оваа обука е дел од проектот на Британски совет и Министерството за труд и социјална политика во чии рамки беше изработен и прирачник за превенција и заштита од дискриминација. Прирачникот е основа и главен ресурс за понатамошната работа на обучувачите за примена на добра пракса на принципот на еднаков третман и недискриминација со целните групи во горенаведените области, велат од Британскиот совет во Скопје.Прирачникот е изработен од страна на британските консултантки Џералдин Скалион и Шила Роџерс и експертскиот тим од Министерството за труд и социјална политика./крај/со/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.