Свет
Москва и понатаму обвиена со чад, Русите носат заштитени маски
Чадот од шумските пожари и во петок ја обвива руската престолнина, каде температурата во текот на денот ќе достигне 40 степени, поради што поголемиот број жители на Москва носат заштитни маски.
Чадот од шумските пожари и во петок ја обвива руската престолнина, каде температурата во текот на денот ќе достигне 40 степени, поради што поголемиот број жители на Москва носат заштитни маски.
Од чадот по улиците се стега грлото, а температурата рано утрово беше 25 степени. Некои жители на Москва носат заштитни маски чија цена на продажните места нагло порасна. Други го прекриваат лицето со марамчиња.
„Чадот го зафати целиот град, состојбата се влошува“ рече Алексеј Попиков, директор на јавните претпријатија за заштита на животната средина „Мосекомонитронинг“.Видливоста е намалена на 375 метри и е отежната работата на московскиот аеродром Домодједова, на југот на престолнината.
„Авионите полетуваат без ограничувања, но при слетувањето пилотите сами донесуваат одлука“ рече портпаролот Елена Галанова.
Концентрацијата на штетни гасови дваесеткратно е зголемена. „Тоа е сериозна причина на улица да не излегуваат не само старите лица, децата до три години, трудниците и оние кои страдаат од белодробни и кардиоваскуларни болести, туку и здравите лица“ вели Галанова.
Десетици илјади пожарникари, војници и спасувачи и понатаму се борат со шумските пожари кои опустошија илјадници хектари на западот од земјата и однесоа 50 животи./крај/хи/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хамас: Нападот на Израел ги загрозува животите на стотици илјади цивили во Рафах
Израелската окупација на преминот Рафах во јужниот дел на Појасот Газа е опасна ескалација што ги загрозува животите на стотици илјади раселени цивили во Рафа, како и објекти под заштита на меѓународното право, објави палестинската милитантна група Хамас.
Во соопштението се додава дека нападот на израелската армија ќе ја влоши хуманитарната ситуација во Газа и ќе го спречи протокот на толку потребната итна помош за цивилите, пренесува Ал Џезира.
„Ова злосторство, кое доаѓа веднаш откако Хамас објави дека го прифаќа предлогот на посредникот за прекин на огнот, ја потврдува намерата на окупаторите да ги нарушат напорите за посредување за прекин на огнот и враќање на затворениците“, се вели во соопштението, повикувајќи ги САД и меѓународната заедница да изврши притисок врз Израел да ја запре ескалацијата.
Свет
Белорусија почна да ја проверува подготвеноста на вооружените сили за распоредување нуклеарно оружје
Белорусија почна да ја проверува подготвеноста на своите вооружени сили за распоредување на тактичко нуклеарно оружје паралелно со подготовките за нуклеарна вежба што ја спроведува Русија, објавија белоруските државни медиуми.
Државната новинска агенција Белта го цитираше белорускиот министер за одбрана Виктор Кренин дека претседателот Александар Лукашенко наредил ненајавена инспекција на силите одговорни за овој тип на оружје, пренесува Ројтерс.
„За време на инспекцијата ќе биде проверен целиот опсег на активности од планирање, подготовка и употреба на тактичко нуклеарно оружје“, рече Кренин, додавајќи дека проверките ја вклучуваат ракетната дивизија „Искандер“ и ескадрилата на авионите СУ-25.
Европа
Полскиот премиер: Европа мора да ја зголеми одбраната
Полскиот премиер Доналд Туск денеска изјави дека Европа ќе мора да ги зголеми своите одбранбени капацитети за да избегне конфликти и да биде побезбедна и повторно повика на развој на заеднички европски систем за противвоздушна одбрана.
Минатата година Полска одвои речиси четири отсто од својот бруто домашен производ (БДП) за одбраната со цел да ги зајакне сопствените воени капацитети.
На Европскиот економски конгрес на југот на Полска, Туск ги повика земјите од ЕУ да ги зголемат трошоците за одбрана за најмалку 100 милијарди евра.
„Европа мора да биде подготвена во следните десет месеци и следните пет години за ситуација во која ниту една сила нема да се осмели да крене рака против неа“, рече Туск.
„Голема сума пари (за европска безбедност) ќе ја оддалечи војната од европските граници долго време, можеби и трајно“, смета Туск, повторувајќи ја потребата од заеднички систем за противвоздушна одбрана.
„Мора да бидеме способни да го одбраниме нашето небо“, порача Туск.
Претседателката на Европската комисија, Урсула фон дер Лајен, исто така присутна на конгресот, се согласи дека Европа мора да троши повеќе за одбраната и вети дека доколку остане на чело на Комисијата, ќе предложи нови проекти во областа на одбраната. .
Таа претходно предложи назначување постојан европски комесар за одбрана.