Македонија
????????: „??? ?? ??????“ ?? ???????? ?? ????????? ??????
Постои интерес кај земјите од регионот во иднина да се вклучат во акцијата „Ден на дрвото“, со што ова од македонска ќе стане балканска акција, изјави оперскиот пејач Борис Трајанов, иницијатор на нејзиното одржување.
Постои интерес кај земјите од регионот во иднина да се вклучат во акцијата „Ден на дрвото“, со што ова од македонска ќе стане балканска акција, изјави оперскиот пејач Борис Трајанов, иницијатор на нејзиното одржување.„Балканската акција ни е во агенда. Мора да кажам дека Денот на дрвото е акција која зависи од донации. Едноставно мора да имаме доволно донации за да можеме ние нашиот дел да си го истераме. Што се однесува до Владата на Република Македонија, заедно со своите министерства, тие веќе имаат напишано писма, веќе имаат повеќе позитивни одговори. Мислам дека се чека на граѓанскиот сектор, бидејќи инсистираме на тоа ова да е граѓанска акција и дека така треба да остане. Граѓанското обележје на акцијата сакаме да ја пренесеме на таа идна балканска акција Ден на дрвото“, изјави Трајанов.Како најава на одржувањето на акцијата в четврток, 31-ви март, денеска претставниците на дипломатскиот кор засадија дрвца на врвот на планината Водно.„Ова е голем настан за нас, иако времето е ужасно. Учеството во акцијата за засадување дрвца е големо задоволство за нас, поради тоа што навистина ја покажува подготвеноста на луѓето овде и на странците, дипломатите да направат нешто вредно заедно. Ова не е првпат. Со мојот полски колега се потсетивме дека за време на нашиот престој овде сме учествувале во оваа акција на различни локации“, изјави унгарскиот амбасадор Ференц Кекеши.„Сум посадил многу дрвца низ Македонија. Ова е настан што не е важен само за Македонија, туку и за целиот континент. Дрвата се бели дробови на Европа. Со садењето дрва овде, произведуваме кислород за целиот континент. Среќен сум што организаторите го имаат сфатено ова. Позитивно сум изненаден од бројот на дрвата што се посадени овде во Македонија. Добар пример кој треба да се следи“, рече полскиот амбасадор Карол Бакура.Во акцијата денеска учествуваа и вицепремиерот задолжен за европски прашања, Васко Наумовски, и шефот на дипломатијата, Антонио Милошоски.„Сметаме дека овие акции значително придонесуваат за подобрување на нашата животна средина и на еден долг рок ќе придонесат и за подобрување на здравјето на луѓето и тоа всушност претставува едно големо богатство што ќе ни пружа придобивки во наредните години“, рече Наумовски.„Мислиме дека овој македонски обичај има добри основи во иднина да стане една балканска традиција и Денот на дрвото да не се одржува само во Македонија, туку со нашите соседи да го прошириме и да имаме заеднички акции за пошумување и разеленување на целиот полуостров. Сметам дека добра е традицијата што и дипломатскиот кор е заедно со нас и многу сме задоволни од нивниот придонес за тоа колку и какви дрва посадија денес“, рече Милошоски.Предвидено е в четврток, во рамки на акцијата, да бидат засадени дрвца на повеќе локации низ Македонија. Поради одржувањето на акцијата, овој ден е прогласен за неработен. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЦУК: Пронајдено повозрасно лице изгубено на Плачковица
Во спасувачка потрага синоќа е пронајдено 66-годишно лице кое се изгубило на планината Плачковица.
Како што денеска соопшти Центарот за управување со кризи (ЦУК),лицето е пронајдено околу еден часот по полноќ од страна на спасувачите од Доброволната планинска спасувачка служба „Осогово“ од Кочани откако во 18:08 часот на Единствениот број за итни случаи 112 во ЦУК била добиена информација за исчезнато лице.
– Лицето заедно со негов пријател дента се упатиле по пешачка патека кон езерото Дивичев Вир на планината Плачковица. Но, при крајот на денот, пријателот се вратил дома, а 66-годишникот не, бидејќи се изгубил во планината. Случајот бил веднаш пријавен во Полициската станица Кочани. Во потрагата на лицето прво се вклучиле членови од неговото потесно семејство. За итниот случај, од ЦУК биле известени ДЗС од Кочани и Горска служба, а на потрагата се приклучиле и други субјекти од локалната самоуправа. егионалниот ЦУК Штип пред полноќ информираше дека изгубеното лице на Плачковица е пронајдено живо и во добра состојба во 22.50 часот, од страна на членови на Доброволна планинска спасувачка служба „Осогово“ Кочани, информира ЦУК.
Поради подолгиот престој на студено време во планината, лицето било згрижено од страна на спасувачите, а потоа безбедно спуштено до селото Зрновци, каде што имало возила на полицијата и на Итната медицинска помош од Кочани.
Македонија
Професор д-р Атанаско Тунески: Енергетската самостојност е услов за самоодржлива држава, а ЗНАМ нуди мерки кои тоа ќе го овозможат
Денеска Движењето ЗНАМ – За наша Македонија одржа прес конференција на која професор д-р Атанаско Тунески зборуваше за мерките во енергетиката што се предвидени во програмата на Движењето „Проглас за достоинствена Македонија“ за претстојните парламентарни избори.
Професор Туневски рече дека заложбите за самоодржлива држава подразбираат самојстојност во покривањето на потребите од електрична енергија со производство во енергетските капацитети во државна сопственост.
„Најважните цели во делот за енергетиката од програмата “Проглас за достоинствена Македонија” се: изградба на 2 гасни когенеративни електрани (ТЕ-ТО Скопје и ТЕ-ТО Неготино), до мај 2027, во државна сопственост; почеток на изградба на ХЕЦ Чебрен во државна сопственост, со формирање на Дирекција за изградба на ХЕЦ Чебрен, најдоцна 4 месеци по формирањето на новата Влада; избор на стратешки инвеститор за реализација на проектот Вардарска долина, кој содржи 12 хидроцентрали, најдоцна 2 години по формирањето на новата Влада; завршување на изградбата на гасоводите: Неготино (Кавадарци) – Битола, Скопје-Тетово-Гостивар-Кичево, како и интерконективниот гасовод со Грција, со што со гасоводна мрежа ќе биде покриено околу 70% од населението во Македонија,; зголемување на производството на електрична енергија во енергетските капацитети во државна сопственост за најмалку 30% во однос на 2023-та година; намалување на трошоците за производство на електрична енергија во енергетските капацитети во државна сопственост за најмалку 25% во однос на 2023-та година“, рече професор Туневски.
Тој нагласи дека реализацијата на овие цели ќе овозможат енергетска независност на Македонија преку сериозно зголемување на производството на електрична енергија во енергетските капацитети во државна сопственост.
уневски додаде дека Програмата “Проглас за достоинствена Македонија” на Движењето ЗНАМ – За наша Македонија обезбедува максимум за Македонија преку максимум во енергетиката во Македонија.
Македонија
Крмов од Македонска Каменица: Посебен закон за пензионирање на рударите. 20 години стаж и 10 години бенефициран стаж
Денес, Носителот на листата на Левица во ИЕ3 – пратеникот Борислав Крмов, заедно со членот на Президиумот на Левица – Александар Симонов и советникот од Левица, Тони Стаменковски, остварија средба со граѓаните на Македонска Каменица.
На средбите со рударите, имајќи ги предвид проблемите со кои се соочуваат тие, пратеникот Крмов истакна:
,,Во моментов рударите одат во пензија со,
од прилика, 27 годишен стаж и 13 години бенефициран стаж. Во ниедна држава не е така. Секаде е тоа помалку, што значи дека ние како пратеници во Собранието ќе бараме посебен закон за рударство, којшто ќе намали на: 20 години стаж и 10 години – бенефициран стаж”.
Пред граѓаните на Македонска Каменица, Крмов истакна и дел од мерките предвидени во изборната програма на Левица што се однесуваат на инфраструктурата и заштитата на природните ресурси:
– Целосна обнова и проширување на руралната патна инфраструктура на локални патишта – со цел поврзаност
на секое село до главните транспортни артерии;
– Прогласување за национални богатства на водите, шумите, рудите и минералните ресурси и забрана за нивно издавање под концесија!;
– Ограничување на концесионерството на природните богатства и на јавните добра и услуги, со целосна забрана за давање под концесии на водни ресурси.
Во однос на домашното земјоделско производство и мерките за земјоделството и стопанството, Крмов се задржа на следново:
– Заштита на домашното производство (Made in Macedonia);
– Рестартирање или отворање на нови профитабилни државни компании во секоја стратешка гранка од стопанството како: рудници, металопреработувачка индустрија, откупни пунктови за земјоделски и шумски производи, производство на автохтона храна и пијалоци и многу други стопански дејности.
Стимулирање на задругарството и кооперативите, во сите сфери на здружување е една од мерките во Програмата на Левица. Тука се мисли на работнички кооперации, земјоделски задруги итн.
Оттука, Левица се залага за поттикнување на задругарството преку проектот „Мало селско стопанство“ (т.н. аграрни кооперативи) со стручна, техничка и техолошка, т.е. механизациска поддршка на земјоделските задруги.
Крмов од Македонска Каменица ја истакна и програмската мерка за гарантирани цени за најосновните прехранбени продукти и намирници потребни за секојдневен живот на населението.
Ова е само мал дел од над 1000 мерки и проекти, предвидени во Изборната програма на Левица, нагласи Крмов.