Спорт
Снегот ја одложи свечената промоција на болидот на Ферари
Поради силните снежни врнежи кои ја зафатија Италија, Формула 1 тимот Скудерија Ферари, мораше да ја откаже свечената промоцијата на новиот болид, која беше закажана за в петок.
Поради силните снежни врнежи кои ја зафатија Италија, Формула 1 тимот Скудерија Ферари, мораше да ја откаже свечената промоцијата на новиот болид, која беше закажана за в петок. Ферари, објави на својата Твитер страница, дека во седиштето на тимот, во Маранело и понатаму паѓа снег, па поради тоа презентацијата, на која беа поканети 300 гости, е откажана. Со снег е прекриена и патеката во Маранело на која Фернандо Алонсо и Фелипе Маса, треба да ги извозат првите кругови со новиот болид, пред екипата да замине на тестирања во Шпанија. Ферари, од новиот болид, чии слики утре треба да бидат објавени на интернет, имаат големи очекувања. Ферари, последната шампионска титула ја освои во 2007 година, кога светски првак стана Кими Раиконен, лани италијанскиот тим, во конкуренција на конструктори заврши зад Ред Бул и Мекларен. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Успешна шок терапија – Рома ја забележа првата победа во сезоната
Иван Јуриќ со победа стартуваше на клупата на Рома. „Волчицата“ во Рим го победи лидерот Удинезе со 3:0. Ова е прва победа за Рома и прв пораз за Удинезе од почетокот на сезоната.
Да потсетиме, Јуриќ оваа недела ја презеде Рома, откако клупската легенда Даниеле Де Роси доби отказ поради лошиот старт на сезоната. Јуриќ беше слободен по заминувањето од Торино на крајот од минатата сезона по три години.
Избраниците на Јуриќ поведоа во 19. минута, кога Артем Довбик со одличен удар на асистенција на Стефан Ел Шарави го матираше гостинскиот голман Мадука Окоје.
На 2:0 од пенал во 49. минута зголеми Пауло Дибала, а конечните 3:0 ги постигна Томазо Балданци по убавата комбинација со Довбик. Јуриќ само една минута пред тоа го внесе Балданци во игра.
Спорт
(Видео) Арсенал не успеа да ја одбрани победата на „Етихад“ – Стонс во 98.минута спречи пораз на Сити
Без победник заврши дербито во петтото коло во Премиер лигата. Манчестер сити и Арсенал одиграа 2.2. Пораз на Сити спречи Џон Стоунс во 98.минута.
Натпреварот на „Етихад“ започна онака како што посакуваа играчите на Сити, кои притиснаа од почетокот и во раната фаза на натпреварот Ерлинг Халанд го совлада Раја. Норвежанецот го постигна десеттиот гол од стартот на сезоната во Премиер лигата.
Набргу Сити имаше уште една шанса, од слободен удар Гундоган ја погоди стативата.
Во 22.минута Калфиори остигна спектакуларен гол, негов прв во дресот на Арсенал и го изедначи резутатот. Пресвртот Арсенал го комплетираше во првата минута од судиското надополнување на времето кога Габриел погоди за 1:2.
Клучниот момент на натпреварот се случи во осмата минута од надополнувањето на времето, Оливер му го покаѓа вториот жолт картон на Тросар.
Со играч помалку на теренот Арсенал во вториот дел се бранеше со сите фудбалери, често деветмината беа во шеснаесетникот на Раја. Шпанскиот голман имаше неколку успешни одбрани, но не можеше да го спречи Стонс кој во 98.минута, откако Раја одбрани одбиената топка ја смести во голот.
Сити остана лидер на табелата сега со 13 поени, еден повеќе од Ливерпул и Астон Вила, Арсенал со 11 поени е четврти на табелата.
Спорт
(Видео) Леверкузен со пресврт во 93.минута го победи Волфсбург
Баер Леверкузен во спектакуларен меч, со пресврт го победи Волфсбург со 4:3. „Фармацевтите“ потсетија на минатта, за нив историска сезона, кога многу пати победија во судиското надополнување. Против Волфсбург, херој беше Бонифејс кој погоди за победа во 93.минута.
Волфсбург одигра добар натпревар, но се покаѓа дека клуч за триумфот на Леверкузен беше финишот на првото и стартот на второто полувреме.
Откако Мукиеле со постигна авто-гол во петтата минута, Вирц изедначи, а потоа Волфсбург постигна два голе преку Борну и Сванберг. Но во првата минута од надополнувањето Бонифејс намали на 2:3.
На стартот на вториот дел Инкапи иезедначи, а откако Волфсбург во 88.минута остана со фудбалер помалку, Леверкузен дојде до победата.
Леверкузен заедно со Франјбург и Анјтрахт се наоѓа на делба на втората позиција со три поени помалку од Баерн. Волфсбирг во првите четири кола има само една победа, а во Леверкузен го забележа третиот пораз.