Hitech
Nike Football пред мундијалот го претстави мултифилмот ‘Последната игра' (ВИДЕО)
„Последната игра” е третиот дел од серијалот што го сними познатиот светски производител на спортска опрема Nike Football.
Станува збор за петминутна анимирана фантазија којашто ја раскажува приказната за научник кој решил да создаде фудбал во кој нема да има ризици и промашувања. Тој долги години ја анализирал играта и дошол до заклучокот дека остриот и дрзок стил на игра е неефикасен. Познатите шутови на Златан Ибрахимовиќ преку себе со популарните „ножички”, на пример, во 76 отсто од случаите не го погодуваат голот. Така, научникот создава клонови коишто ги програмира за максимално ефикасна игра во носењето одлуки, целосно насочена на резултатот воедно и апсолутно безопасна игра.
Клоновите истрчуваат на теренот и дотогашниот фудбал престанува да постои, станува механички и спектакуларен, но апсолутно неубав и неинтересен за гледање. Меѓутоа, реалните играчи се собираат во екипа за да ги победат клоновите и да го вратата поранешниот фудбал. За некои тој натпревар ќе биде последниот…
Легендарниот бразилски фудбалер Роналдо (Ел Феномено) одлучува дека е дојдено да времето да се смени нешто, да се запали повторно страста на терените со помош на убавината на играта на најдобрите фудбалери во светот. Тој го спасува Златан кој чмае во книжарница на стадион. Кристиано Роналдо кој станува манекен го киднапира од излогот на продавница. Иниеста го завршува својот мирен живот додека кажете „Магиста”. Кариерите на фризери на Нејмар и Давид Луис завршува штом ќе ки повика Ел Феномено. Едноличниот живот на рибар на Вејн Руни се менува во моментот кога тој ќе се најде на задното седиште од едно комбе.
Роналдо успева да ги убеди скептичните играчи дека е можно да се победат клоновите. За да го отстрани секое сомневање, легендата на бразилскиот фудбал ги потсетува на најсветлите моменти од нивните кариери, откако тие по скалила ќе се качат до едно тајно место. Вниманието на целиот свет сега е насочено на мечот меѓу играчите и клоновите од кој само еден може да излезе како победник.
„Во основа ‘Последната игра’ претставува желба на светот да му се покаже убеденоста на Nike дека играта треба да биде допадлива, бестрашна и со стил. Убеденоста и ризиците се нештата неопходни за фудбалот. Претставете си го светот без прекрасната игра на Кристиано Роналдо, акробатиката на Златан или волшепствата на Нејмар””, изјави директорот за маркетинг во Nike, Давид Грасо за порталот Фудбалот денес./крај/мф/сн (ВИДЕО)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
WhatsApp подготвува корисна промена
Повикувањето луѓе на WhatsApp ќе стане многу полесно.
WhatsApp развива нова функција која ќе ви овозможи да повикувате луѓе директно од апликацијата, без претходно да ги зачувате како контакти во вашиот телефон, објави веб-страницата WABetaInfo.
Како што е наведено, оваа функција е достапна за тестирање на оние кои ја имаат бета апликацијата за Android, верзија 2.24.9.28.
Најверојатно, додава WABetaInfo, интернет податоците ќе се користат за повикување на овој начин, што значи дека повиците ќе бидат поевтини отколку кога ќе повикате некого во странство користејќи го „традиционалниот“ метод.
Сè уште нема детали за тоа кога оваа функција би можела да биде достапна за корисниците ширум светот, но обично не треба многу време откога ќе се појави во бета верзија.
Hitech
(Видео) 7 милиони прегледи: Мајкрософт објави снимка со вештачка интелигенција на Мона Лиза како рапува
Мајкрософт ја претстави новата технологија за вештачка интелигенција наречена VASA-1, која може да комбинира фотографија и аудио клип и да генерира реални видеа.
Тие ја претставија новата технологија со видео на кое Мона Лиза рапува на песната Папараци, но ова не е хит на Лејди Гага, туку рап песна што Ен Хатавеј ја напиша и изведе во ток-шоуто на Конан О’Брајан во 2011 година.
Microsoft just dropped VASA-1.
This AI can make single image sing and talk from audio reference expressively. Similar to EMO from Alibaba
10 wild examples:
1. Mona Lisa rapping Paparazzi pic.twitter.com/LSGF3mMVnD
— Min Choi (@minchoi) April 18, 2024
Видеото набрзо стана вирално и беше прегледано повеќе од 7,1 милиони пати на само еден профил на „Икс“.
„Ова е толку смешно, плачев од смеење“, „Уште едно страшно видео со вештачка интелигенција“, „Ова е морничаво“, „Кога би можел Да Винчи да го види ова“, се дел од коментарите.
Hitech
Во Кина побарувачката за мобилни телефони на „Епл“ значително се намали, продажбата на „Хуавеј“ скокна за 70 отсто
Испораките на мобилни телефони на „Епл“ во Кина паднаа 19 отсто во првиот квартал, што ја одразува заканата за доминантната позиција на американскиот гигант во повисокиот сегмент по враќањето на „Хуавеј“ на пазарот, покажуваат податоците на пазарот. Уделот на „Епл“ на најголемиот пазар на паметни телефони во светот падна на 15,7 отсто во првиот квартал, од 19,7 отсто на почетокот на 2023 година. Ова го доведе американскиот гигант речиси на исто ниво со „Хуавеј“, чија продажба скокна 70 отсто, според истражувачката компанија Counterpoint.
„Виво“ ја презеде круната на „Епл“ како најголем продавач на паметни телефони во Кина. Американската компанија падна на третото место, зад „Хонор“, бренд на подостапни уреди. На четврто место е „Хуавеј“, чиј пазарен удел скокна од минатогодишните девет на 15,5 отсто.
„Враќањето на „Хуавеј“ на пазарот директно влијаеше на „Епл“ во премиум-сегментот. Треба да се додаде дека побарувачката за нови мобилни телефони на „Епл“ за замена на постарите модели беше малку придушена во споредба со претходните години“, рече аналитичарот на Counterpoint, Иван Лам, во соопштението за печатот.
Во меѓувреме, „Епл“ почна промотивни кампањи обидувајќи се да ги привлече потрошувачите со попусти, вклучувајќи субвенционирање одредени модели на „Ајфон“ до 1.300 јуани (168,29 евра).
Минатата недела „Хуавеј“ ѝ ја претстави на јавноста новата серија смартфони Pura 70. Во август минатата година, по долга пауза, ја лансираа серијата Mate 60, која некои аналитичари ја протолкуваа како триумф над американските санкции, врз основа на софистицирано домашно производство на чип.
Канадската истражувачка компанија TechInsights очекува Кинезите да купат повеќе од 50 милиони мобилни телефони оваа година, вклучително и 10 милиони од Huawei Pura 70. Тоа ќе го стави „Хуавеј“ на прво место, со пазарен удел од 19 отсто, што е повеќе од 12 отсто минатата година.
Во првиот квартал кинескиот пазар на паметни телефони порасна 1,5 отсто продолжувајќи го позитивниот тренд од крајот на 2023 година, според Counterpoint.