Свет
Го нарачал сопственото убиство па го обвинил претседателот

Адвокат е убиен во главниот град на Гватемала со три куршума во главата и по еден во вратот и грбот, а за сопствената смрт претходно го обвинил политичкото раководство на државата предизвикувајќи политичка криза
Интересно е што Родриго Розенберг всушност сам го нарачал платениот убиец кој го извршил својот дел од договорот откако адвокатот претходно ја снимил својата видеопорака. Во неа тој го обвинува претседателот на Гватемала Алваро Колом и неговите соработници.Снименото сведочење во траење од 18 минути било презентирано на погребот на адвокатот Розенберг, а потоа поставено е на интернет и предизвика политички бранувања во оваа средноамериканска држава.Розенберг инаку самиот ја смислил пеколната одмазда за претседателот, пишуваат весниците во Гватемала Сити. Истрагата што ја спровеле претставници на Обединетите нации, дошла до резултат дека адвокатот кој бил во депресија поради приватни проблеми, а истовремено бил гневен на власта, самиот го изрежирал сопственото убиство. Карлос Кастресана кој ја предводел истражната комисија на ОН рекол дека заклучиле дека 47-годишниот Розенберг, школуван на престижниот американски универзитет Харвард, ја смислил целата ситуација.„Тој решил да си го жртвува животот во замена за промени во државата. Друго објаснување нема“, рекол Кастресана. Левичарскиот гватемалски претседател Колом соочен со протестите на кои се бараше неговата оставка, со олеснување рекол дека по завршувањето на истрагата државата може да продолжи да функционира. Откако бил претставена, видеопораката постојано била емитувана на телевизиските станици, снимена на ДВД, а постигнува и рекордна гледаност на YouTube. На снимката адвокатот гледа во камерата и вели дека неговиот живот е во опасност заради корупциските афери на претседателот и неговата сопруга, како и на високите државни функционери. „Ако ја гледате оваа снимка, тоа значи дека ме убил Алваро Колом“, вели Розенберг на снимката. Но истрагата покажала дека тој бил во голема депресија поради тешкиот развод, смртта на неговата мајка и убиството на неговиот клиент Хаиле Муса и неговата ќерка Мархори која била љубовница на Розенберг, а за што исто така го обвинува претседателот Колом. Тој ги замолил двајцата браќа Франциско и Естуардо Валдез Паиз и братучед на неговата прва жена да најдат платен убиец, тврдејќи дека има проблеми со уценувачи. Тоа не било тешко со оглед на тоа дека Гватемала е држава со најголема стапка на убиства во светот, па за 40 илјади долари лесно се нашол платеник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Канадскиот премиер: Путин се плаши

Канадскиот премиер Марк Карни, на заедничка прес-конференција со германскиот канцелар Фридрих Мерц, рече дека Владимир Путин се плаши да се сретне со Володимир Зеленски за да разговара за условите за завршување на војната.
Карни истакнува дека Зеленски е подготвен за средба со Путин на која било неутрална територија. Тој, исто така, вели дека Зеленски не очекува Путин да дојде во Киев или дека самиот ќе патува во Москва за таква средба.
„Сепак, секоја неутрална локација би била прифатлива“, рече Карни.
Тој додаде дека е клучно сојузниците да продолжат да ѝ даваат поддршка на Украина додека не се одржи тој состанок.
Фото: ЕПА
Свет
Пукање во католичко училиште во САД: две деца убиени, напаѓачот се самоубил

Најмалку две лица се убиени, а 20 се повредени во пукање во католичкото училиште „Благовештение“ во Минеаполис, Минесота, САД, потврди полицијата.
Како што е потврдено, две деца, на возраст од 8 и 10 години, се убиени.
More than 20 people were injured and at least two were killed in a tragic shooting incident at Annunciation Catholic Church and its school, located in the southeast neighborhood of Minneapolis, Minnesota, USA, during a morning school Mass.
Among the injured, at least 14 people… pic.twitter.com/9f9WTH2Dof— khaled mahmoued (@khaledmahmoued1) August 27, 2025
Напаѓачот е исто така мртов. Полицијата верува дека напаѓачот, кој си го одзел животот на паркингот пред училиштето, дејствувал сам. Полицијата соопшти дека имал околу 20 години, но сè уште не е познато дали бил поранешен ученик во училиштето.
Вооружен со три оружја, вооружениот човек отворил оган низ прозорците кон децата и другите верници за време на мисата по повод првата недела од школувањето по празниците.
Гувернерот на Минесота, Тим Волц, потврди дека пукањето се случило во католичко училиште и го опиша инцидентот како „страшен чин на насилство“.
Претседателот на САД, Доналд Трамп, објави дека е целосно информиран за инцидентот и дека ФБИ брзо реагира и е на местото на настанот. „Молете се за сите погодени“, напиша Трамп на Truth Social.
Свет
Застрелан младоженец на пукање на свадба во Турција

Младоженец почина од повредите здобиени во пукотница на неговата свадба во северна Турција.
Додека младенците се враќале дома по церемонијата, младоженецот, 23-годишниот Али К., бил ранет од истрели наводно испукани од роднина, жена, на неговата сопруга, објави државната агенција Анадолу.
Жената е приведена, а во нејзината градина се пронајдени две нерегистрирани оружја, соопшти агенцијата.
Обвинителите отворија истрага за инцидентот, кој се случил во градот Шебинкарахисар во покраината Гиресун.
Пукањата на свадби се вообичаени во северна Турција. Минатата недела, еден маж беше убиен, а две лица беа повредени на свадба во североисточната покраина Трабзон.
Свадбата беше откажана, а две лица, меѓу кои и еден полицаец, беа приведени во врска со инцидентот, објавија локалните медиуми.