Свет
Јапонската влада ќе ја поттикнува економијата со поголемо вработување на жените
Најновиот план на јапонскиот премиер Шинзо Абе за радикална реорганизација на Јапонија е амбициозна цел со кој сака да го зголеми бројот на вработени жени и да ја намали долготрајната нерамнотежа меѓу половите на тамошниот пазар на трудот, објавија американските медиуми.
Нема сомневање, пишува Wall Street Journal, дека на Јапонија очајнички и се потребни повеќе вработени жени. Според податоците на Организацијата за економска соработка и развој(ОЕЦД), Јапонките се меѓу најобразованите во светот, со оглед дека 42,5 отсто имаат некој вид образование по завршувањето на средното училиште.
Но, само 67,5 отсто од Јапонките имаат работа, вклучувајќи и повремена работа. Во извештајот на инвестициската банка Goldman Sachs од 2010 година се проценува дека јапонската економија, под услов стапката на вработеност на жените биде иста со онаа на мажите, односно околу 80 отсто, би забележала раст на активноста и до 15 отсто.
Според информации на добро упатените во јапонските состојби, целта на премиерот е до 2020 година за пет отсто да го зголеми бројот на вработени жени на возраст од 25 до 44 години.
За таа цел, Абе предлага закон со кој на големите компании им се наложува да осмислат и објават планови за подобрување на улогата на жената во нивното работење. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.