Четири новорегистрирани случаи на лица заболени од сида има годинава, од кои едно лице починало, а осум лица се заразени со ХИВ вирусот, информираше д-р. Жарко Караџовски од Институтот за јавно здравје.Во моментов во Македонија вкупно 66  лица се заразени со ХИВ и се заболени од сида.Скопје  со 16 ХИВ позитивни и 33 заболени од сида и Тетово со двајца ХИВ позитивни и 19 заболени од СИДА се градовите каде ситуацијата е најалармантна во последните две години, а статистичките податоци покажуваат дека во 90 отсто од градовите има регистрирани случаи.Во последните десет години 66 лица починале како последица на заболување од сида.„Македонија по ништо не заостанува во светските стандарди, односно од она што е веќе регистрирано во светот поврзано со возрасните групи од заразените од ХИВ и болните од сида“, рече Караџовски.Тој додаде дека кај нас, во последните три години доминантен начин за пренесување на оваа засега неизлечива болест, е и сексуалното општење меѓу мажи (МСМ) .Организирано е и теренско возило кое има лабораторија и кое овозможува тестирање, како во Скопје, така и во градовите низ Македонија, со кое годишно се прават околу 1.400 тестови.Во полза на превентива и понатамошно справување со оваа болест, работат 14 советувалишта.Во Светски рамки податоците од 2009 година велат дека во светот вкупно 33,4 милиони луѓе живеат со ХИВ од кои дури 2,5 милиони се деца.Како најкритични земји Караџовски ги посочи Русија, Украина и Екваторијална Африка./крај/ми