Спорт
Тројца Европејци меѓу топ десет пиковите на НБА драфтот
Кајри Ирвинг е избран како прв пик на годинешниот драфт во НБА лигата. Досегашниот играч на универзитетот Дјук е избран од страна на Кливленд Кавалирс.
Кајри Ирвинг е избран како прв пик на годинешниот драфт во НБА лигата. Досегашниот играч на универзитетот Дјук е избран од страна на Кливленд Кавалирс. Како пик број два е избран кошаркарот на Аризона, Дерик Вилијамс, кој замина во Минесота. Турчинот Енес Кантер од универзитетот Кентаки како трет пик заврши во екипата на Јута. Второто право на избор во првата рунда, екипата на Кливленд го искористи за да го драфтува за да го ангажира крилниот центар на Тексас, Тристан Томпсон. Торонто како петти пик избра уште еден играч од Европа, литванскиот центар Јонас Валанцијунас. Пик број шест е поранешниот играч на белградски Партизан, Чехот, Јан Весели, тој е избран од страна на Вашингтон. Момчето кое е родено од Конго, Бизмарк Бијомбо заврши во Сакраменто како седми пик, Детроит како осми го избра бекот Брендон Најт од Кентаки. Топ десет пиковите ги комплетираа Кемба Вокер, бекот на Конектикат, кој е избран од Шарлот и Џимер Фредете од универзитетот Бригам Јанг. Во првата рунда на драфтот се избрани уште двајца кошаркари од Европа, Литванецот Донатас Мотијунис, како 20 пик заврши во Минесота и Црногорецот Никола Миротиќ кој како 23 пик е избран од Хјустон. Европските пикови во втората рунда на драфтот беа Бојан Богдановиќ (Хрватска, 31, Мајами), Давис Бертанс (Летонија, 42, Индијана), Милан Мачван (Србија, 54, Кливленд) и Адам Ханга (Унгарија, 59, Сан Антонио). крај/б92/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.
Спорт
Швјонтек го освои Мастерсот во Мадрид
Тенисерката број еден во светот Ига Швјонтек ја освои титулата на Мастерсот во Мадрид. Таа во финалето ја победи Арина Сабаленка во три сета. За Швјонтек ова е 20-та титула во кариерата, а прва во Мадрид.
Резултатот по три часа и 14 минути борба беше 5:7, 6:4, 7:6 (9:7).
Спектакуларниот меч на двете најдобри во светот, кулминација доживеа во тај-брејкот во третиот сет кој Швјонтек го доби со 9:7.