За премиерот на Република Македонија и претседател на ВМРО – ДПМНЕ, Никола Груевски не е прифатлив последниот предлог на претседателот на СДСМ, Бранко Црвенковски.

За премиерот на Република Македонија и претседател на ВМРО – ДПМНЕ, Никола Груевски не е прифатлив последниот предлог на претседателот на СДСМ, Бранко Црвенковски. Најновиот предлог го оцени како уште една манипулација и уцена на СДСМ.

„Ние не можеме да прифатиме уцени со коишто институциите на системот нема да рабoтата или ќе се однесуваат селективно кон правните и физичките лица во Македонија“ рече Груевски.

Тој ја повика опозициската партија да се откаже од како што рече, незаконските и нелегитимните барања.

„СДСМ да се откаже од барањата кои не се во надлежност на Владата и да биде задоволен што Владата ги прифати сите преостанати барања и да оди на избори оваа година што побрзо, ден порано да се врати во парламентот и во најбрз можен рок да се распушти парламентот и да се оди на предвремени парламентарни избори“ рече Груевски

Според него, СДСМ на почетокот барал да се оди на предвремени избори, што подоцна се претворило во барање за исполнување на одредени услови, па и уцени.

„Барањето за исполнување на одредени услови се претвори во разно разни уцени и манипулации што укажуваат дека СДСМ по секоја цена се обидува да ги одложи изборите, затоа што ќе ги загуби, затоа што нема поддршка од граѓаните“ додаде Груевски.

Пред неколку дена, Црвенковски се откажа од барањето да се одблокира сметката на медиумите од „Перо Наков“ па да се оди на избори, но побара од Груевски гаранција дека УЈП нема да ги блокира сметките на А1 и трите дневни весници со нови барања и одлуки до завршувањето на предвремените избори. Тој тогаш предложи да се оди на избори на 26 јуни.

Груевски го оцени како добро и за ДПА и за сегашната ситуација нивното враќање во Собранието. Во Брисел, според Груевски било разговарано за изборите, но во смисла на тоа дека на државата моментално и се потребни избори и дека тие ќе бидат фер и демократски.

Тој повтори дека владата има европска агенда која ја исполнува./крај/фф