Европа
Порошенко: Украина ќе го продолжи приближувањето кон ЕУ, и покрај негативниот холандски референдум
Украинскиот претседател Петро Порошенко, една од фигурите споменати аферата Panama Papers во врска со користењето на ткн даночни оази за прикривање на финансиските текови и избегнувањето на оданочување, изјави во четвртокот дека неговата земја ќе го продолжи патот кон Европската унија, и покрај отфрлањето на Спогодбата за придружување на референдумот во Холандија.
„Во секој случај, ќе продолжиме да го спроведуваме договорот за придружување со Европската унија, вклучително и длабокиот и сеопфатен договор за слободна трговија… Ќе го продолжиме патот кон Европската унија“, изјавил украинскиот претседател Петро Порошенко за новинарите кои ја следат неговата посета на јапонската престолнина Токио, пренесува Reuters.Порошенко, коментира агенцијата, се обидува да ја намали важноста на референдумот во Холандија, кој сепак не е обврзувачки, но рекол дека Украина мора да го земе предвид и додал дека неговата земја ја очекува одлуката на владата и парламентот на Холандија.Холандската влада претходно во средата соопшти дека не може да ги игнорира резултатите од референдумот, но дека ќе бидат потребни седмици за да донесе одлука како ќе реагира.Според сé уште неофицијалните резултати, околу 64 отсто од холандските гласачи кои гласеле на плебисцитот се изјасниле против Спогодбата за придружување и слободна трговија на Украина со ЕУ, а 36 отсто биле „за“. Одѕивот бил само малку над 30 отсто, колку што е потребно за референдумот да биде валиден.„Јасно е дека преовладува одговорот ‘не’, прашање е единствено дали одѕивот бил доволен. Доколку тој биде над 30 отсто, тогаш според мене со ратификацијата не можеме само така да одиме натаму“, изјави холандскиот премиeр Марк Руте, кого го цитира AFP.Сеопфатниот политички, трговски и одбранбен договор за придружување во членството на ЕУ на Украина, привремено се применува од јануари годинава, но мора да го ратификуваат сите држави членки на ЕУ во целост, за да има полна правна сила. Холандија е единствената земја членка којашто тоа не го стори, додека во некои тоа го сторија само владите или парламентите, во зависност од националните законодавства.Претседателот на Европската комисија, Жан-Клод Јункер, уште во јануари предупреди дека отфрлањето на договорот меѓу ЕУ и Украина би можело да предизвика „континентална криза“ и да оди во полза на Русија. Иако резултатот од гласањето на холандскиот референдум нема да биде обврзувачки, повеќето холандски партии изјавија дека ќе се чувствуваат должни да го земат предвид евентуалното „не“ на избирачите.Холандскиот премиер Марк Руте тогаш го отфрли предупредувањето од Јункер како претерано, иако отфрлањето потсетува на 2005 година кога Холандија го отфрли предлогот на првиот европски устав, што предизвика повеќегодишна криза во ЕУ. Организаторите на референдумот би можеле многу скоро да започнат да размислуваат и за организирање на референдум за „Некзит“, односно излегувањето на Холандија од ЕУ, сметаат коментаторите, напомнувајќи дека холандскиот референдум би можел да постави и опасен преседат во ЕУ. Поддршката на Холанѓаните за ЕУ е сé послаба откако земјата во 1991 година стана нето уплаќач во европскиот буџет. Иако повеќето холандски партии се проевропски, во анкетите во моментов води антиевропската крајно десна Слободарска партија на Геерт Вилдерс./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанските студенти планираат протести против Израел
Студенти ширум Шпанија во наредните денови би можеле да започнат протести против „геноцидот што го изврши Израел во Палестина“ по примерот на универзитетите во САД, Холандија и Белгија, изјавија нивните претставници за шпанските медиуми.
На Филозофскиот факултет во Валенсија, приморски град на југозападот на земјата, студентите веќе една недела спијат во шатори и секојдневно протестираат.
„Бараме од нашиот универзитет да ги прекине сите врски со институциите и компаниите кои соработуваат со Израел“, изјави 20-годишната Естер Монге, студентка по политички науки и социологија за весникот „Ел Паис“.
Во моментов бројни универзитети одржуваат состаноци на кои студентите и професорите гласаат за блокадите на факултетите.
„Студентскиот совет ќе одлучи за активностите во наредните денови“, рече Марија Хозе Лера, координаторка на Палестиниум, група за солидарност со палестинските аспирации.
Лера, која има докторат по психологија на Универзитетот во Севиља, вели дека моментално се одржуваат состаноци на универзитетите во Мадрид, Сарагоса, Барселона, Жирона, Гранада и други градови.
Во понеделникот стотици студенти се собраа пред Универзитетот во Барселона каде ги развиорија своите транспаренти.
„Сакаме нашите факултети да ги прекинат сите односи со Израел и компаниите што работат таму“, рече 24-годишниот Пабло Кастиља, дипломиран студент по јавна политика.
Во Мадрид се уште нема протестно кампување, но има демонстрации. На автономниот универзитет во Мадрид, планираното предавање за НАТО беше откажано под притисок на пропалестинските демонстранти.
Друг јавен универзитет, Universidad Complutense de Madrid, објави декларација со наслов „Со Палестина, против геноцидот во Газа“.
„По влошувањето на насилството врз палестинскиот народ, ги повикуваме професорите, истражувачите и вработените во администрацијата да се спротивстават на колективното казнување на Палестинците што го спроведува Израел“, се вели во декларацијата усвоена од администрацијата на Факултетот за политички науки и социологија.
Сведоци сме на геноцидот врз палестинскиот народ, што е продолжение на децениското систематско насилство врз палестинскиот народ и неговата присилна емиграција“, се вели во декларацијата објавена на веб-страницата на факултетот.
Европа
(Видео) Украинците објавија снимка: „Ова се руски агенти, сакаа да го убијат Зеленски“
Украинските разузнавачи соопштија дека спречиле руски заговор за атентат на претседателот Володимир Зеленски. Украинската служба за државна безбедност СБУ објави дека фатила руски агенти, кои биле вработени во украинската државна гарда. Разузнавачките претставници велат дека руски агенти планирале да ги убијат претседателот и други високи владини функционери.
Шефот на СБУ, Васил Маљук, изјави дека неуспешниот атентат требало да биде подарок за Владимир Путин пред неговата денешна инаугурација.
СБУ на својот канал на „Телеграм“ објави тврдење дека руски таен агент ги пренел координатите на безбедната куќа пред планираниот воздушен напад. Претставници на разузнавањето додадоа дека Русија планирала да ги уништи сите траги од дронот што би се користел за гаѓање на претседателот со друг проектил.
„Непријателот активно развиваше планови за да го тргне претседателот Володимир Зеленски. Една од задачите на руската разузнавачка мрежа ФСБ беше да бара џелати меѓу војниците блиски до службата што го штити претседателот, кои би можеле да го убијат шефот на државата“, соопштија од СБУ.
„Покрај Володимир Зеленски, непријателот планира да ги елиминира и шефот на Службата за безбедност на Украина, Васил Маљук, шефот на Воената разузнавачка служба на Украина, Кирил Буданов, и други високи функционери“, се вели во соопштението.
„Ограничен број луѓе знаеја за нашата специјална операција и јас лично го следев нејзиниот напредок. Терористичкиот напад, кој требаше да биде подарок за Путин пред инаугурацијата, всушност беше неуспех на руските специјални служби“, рече Маљук.
„Но, не смееме да заборавиме – непријателот е силен и искусен, не може да се потцени. Ќе продолжиме да планираме однапред и да си ја работиме работата секој предавник да ги добие заслужените судски казни“, заклучи тој.
СБУ наведува дека при претресот на просториите на уапсените руски агенти биле пронајдени „релевантни средства за уништување“ и други докази за криминални активности.
Европа
Босфор затворен, заринка украински брод
Теснината Босфор, која го поврзува Црното со Средоземното Море, е затворена за бродови откога денеска таму заринка товарен брод од Украина, соопштија турските власти за ДПА.
Бродот „Алексис“ превезува прехранбени производи од Украина до Египет. Дефект на моторот се случил во близина на излезот од пловниот пат, изјави портпаролот на Управата за безбедност на крајбрежјето за дпа.
Спасувачките напори се веќе во тек, додаде изворот. Босфорот служи како излез за украинското жито на светските пазари во екот на руската инвазија. Речиси 40.000 брода поминале низ Босфорот во 2023 година, според турското Министерство за транспорт.