Свет
Иран и САД го пренесоа нуклеарниот спор во ОН

Иранскиот претседател Махмуд Ахмадинеџад во понеделник го промовира прашањето за нуклеарната програма на Иран во Њујорк, пренесува Reuters
Ахмадинеџад е единствен лидер на нација кој ќе учествува на конференцијата, која трае од понеделник, 3 мај, до 28 мај. Се очекува тој да се обиде меѓународната конференција за неширење на нуклеарното оружје на Обединетите нации да ја претвори во платформа за својата пресметка со западните велесили кои бараат санкции против Техеран.
Според проценката на познавачите, целата дискусија и внимание на конференцијата да се врти околу него и американската државна секретарка Хилари Родам Клинтон, која ќе се обиде и овој настан да го искористи за да излобира поддршка за американските напори за воводување на санкции против Иран. за да се воведат санкциите против Иран, одлуката мора да биде ратификувана од Советот за безбедност на ОН, каде што засега ја блокираат Кина и Русија. И покрај начелната поддршка за санкциите, овие две земји бараат тие бидат насочени само кон одговорните, а не кон целиот ирански народ. Пред настапот во Обединетите нации, Ахмадинеџад јасно стави на знаење дека жестоко ќе им се спротивстави на напорите да се постигне консензус за воведување на санкциите.„Под изговор дека го спречуваат ширењето на нуклеарното оружје, западните сили предводени од Америка вршат силен притисок врз независните држави. Атомската бомба се претвори во алатка за присила, доминација и експанзионизам“, изјави иранскиот претседател и ги повика големите сили да го забрзаат процесот на сопственото нуклеарно разоружување, наместо да се занимаваат со Техеран, чија програма, според него, е за цивилни потреби. Од своја страна, Клинтон излезе со изјава дека Ахмадинеџад во Њујорк ќе се обиде да го сврти вниманието на друга страна и да внесе забуна за ова прашање.„Нема да му дозволиме на Иран да ја смени приказната од онаа вистинската, а тоа е нивното одбивање да се потчинат на меѓународнит6е норми“, рече Клинтон. САД во понеделник доби поддршка и од Генреалниот секретар на ОН, Бан Ки-мун, кој истакна дека целиот товар на докажување на невиноста паѓа врз Иран. Членки и потписнички на договорот се 189 држави, тоест сите светски држави освен Индија, Пакистан, Израел и Северна Кореја.Последниве четири поседуваат нукеларни арсенали или програма за изработка на такви арсенали. Земјите-членки се собираат на секои пет години за да дискутираат за нови пристапи кон ова прашање. Но, Конференцијата за неширење на нуклеарното оружје не може лесно „да обележи и оцрни“ некоја држава која наводно го крши договорот, како на пример Иран, затоа што како држава – членка, нивната делегација ќе го блокира консензусот потребен за носење на ваква одлука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Украинците го дигнаа во воздух клучниот објект за извоз на гас во Русија

Нападите на Украина врз руската енергетска инфраструктура продолжија со нов напад со дронови со долг дострел, насочени кон клучните извори на приходи на Кремљ од извоз на нафта и гас. Ова не е прв ваков напад, а веројатно нема да биде и последен, објавува „Киев пост“.
Дронови со долг дострел, опремени со експлозивни боеви глави, ја погодија големата фабрика за преработка на гасен кондензат Уст-Луга, која се наоѓа во близина на Санкт Петербург на Балтичкото Море, предизвикувајќи силни експлозии и пожари.
The attack caused serious damage to one of the key infrastructure facilities of the Russian energy sector — the Gazprom Ust-Luga gas processing complex, which is part of the large-scale Baltic gas chemical cluster.
The main damage was inflicted on the cryogenic deep processing… pic.twitter.com/jmgh8U5Buq
— Exilenova+ (@Exilenova_plus) August 24, 2025
Сведоците пријавија најмалку два големи пожари по нападот, кој се случил за време на утринската смена.
Објектот Уст-Луга, во сопственост на „Газпром“ и управуван од енергетската компанија „Новатек“, е една од најголемите фабрики за преработка на природен гас во Европа и клучен извозен центар за руски гас транспортиран преку цевководи од Арктикот и западен Сибир.
The Ust-Luga terminal in the innermost part of the Gulf of Finland is a key 🇷🇺 facility for export of oil and gas. It’s evidently been hit by 🇺🇦 long range drones. pic.twitter.com/d6ChcgQQGJ
— Carl Bildt (@carlbildt) August 24, 2025
Видеата направени од работниците во фабриката покажуваат прецизни удари врз единицата за гасен кондензат, проследени со големи огнени топки. Руските медиуми објавија дека единицата претрпела значителна штета. Според проценките, поправките би можеле да траат од неколку недели до неколку месеци.
Свет
Застрашувачки снимки од напад врз болница во Газа, меѓу загинатите има и новинари

Најмалку 15 лица, вклучувајќи четворица новинари, беа убиени денес во израелските напади врз болницата „Насер“ во градот Кан Јунис во јужниот дел на Појасот Газа, соопштија палестинските здравствени власти.
على الهواء مباشرة… إسرائيل تقصف طواقم الدفاع المدني أثناء محاولتها انتشال جثمان الصحفي حسام المصري الذي ارتقى إثر قصف إسرائيلي لمستشفى ناصر.
جرائم متسلسلة أمام أعين العالم أجمع pic.twitter.com/6bzPn2gfCV— Ramy Abdu| رامي عبده (@RamAbdu) August 25, 2025
Меѓу загинатите е и снимателот на „Ројтерс“, Хусам ал-Масри.
Фотографот Хатем Халед, исто така поврзан со „Ројтерс“, беше ранет во вториот напад, кој се случи додека спасувачите и новинарите брзаа кон местото на првиот удар.
Al Jazeera journalist among 14 killed in Israeli strike on Gaza hospital
Read more at: https://t.co/mxYLWxJlSO#Israel #Palestine #Gaza #IsraelAirstrikes #Death #AlJazeera #Photojournalist #MohammadSalama
— Mathrubhumi English (@mathrubhumieng) August 25, 2025
Очевидци изјавија дека нападите следувале по пристигнувањето на спасувачите и медиумските екипи на местото на првиот напад.
Four Palestinian journalists among the people killed in Israeli attack on Nasser Hospital in southern Gaza
📸 @anadoluimages / Monday August 25, 2025 pic.twitter.com/OSM697pXWU
— Clauda Tanios (@ClaudaTanios) August 25, 2025
Еден спасител бил меѓу загинатите, а здравствените службеници ги идентификувале новинарите Маријам Абу Дага, Мохамед Салама и Моаз Абу Таха.
Four Palestinian journalists among the people killed in Israeli attack on Nasser Hospital in southern Gaza
📸 @anadoluimages / Monday August 25, 2025 pic.twitter.com/OSM697pXWU
— Clauda Tanios (@ClaudaTanios) August 25, 2025
„Асошиетед прес“ потврди дека меѓу убиените во израелските напади врз болницата „Насер“ е и нивната колешка, 33-годишната новинарка Маријам Дага.
Во соопштението тие велат дека Дага често известувала од болницата и дека нејзините последни статии биле за неисхранети деца во Газа.
„’Асошиејтед прес’ е шокиран и тажен од веста за смртта на нашата колешка Маријам Дага заедно со неколку други новинари во Кан Јунис. Маријам редовно известуваше од болницата ‘Насер’, а нејзината работа вклучуваше моќни приказни за гладот и за неисхранетоста кај децата. Таа работеше за ‘Асошиетед прес’ и за други медиуми. Правиме сè што можеме за да ги заштитиме нашите новинари во Газа додека тие продолжуваат да донесуваат витални сведоштва од терен“, се вели во соопштението на агенцијата.
Израелската војска (ИДФ) издаде соопштение по нападот врз болницата.
„Началникот на Генералштабот нареди што е можно побргу да се спроведе почетна истрага. Израелските одбранбени сили жалат за сите невини жртви и не ги таргетираат новинарите како такви. Војската дејствува за да ја минимизира штетата врз невините, а воедно да ја одржува безбедноста на израелските сили“, се вели во соопштението.
Од почетокот на војната во Газа на 7 октомври 2023 година повеќе од 240 палестински новинари се убиени во израелски напади, според Палестинскиот сојуз на новинарите, како што објави „Ројтерс“.
Фото: ЕПА
Свет
Остатоците од ураганот Ерин се движат кон Западна Европа, можни се бури и бранови до 12 метри

Западна Европа, Обединетото Кралство и Ирска се соочуваат со нестабилно време во текот на следните неколку дена, бидејќи остатоците од ураганот Ерин се приближуваат кон континентот.
Откако достигна јачина од категорија 5, Ерин се движеше кон Европа од источниот брег на Северна Америка како моќен посттропски циклон, а системот веќе предизвикува загриженост за можни силни бури на крајот од неделата, пишува Severe Weather Europe.
Остатоците од ураганот ќе останат силни во текот на понеделник и вторник, со центар западно од Ирска и Обединетото Кралство. Пред да пристигне циклонот, температурите во Обединетото Кралство би можеле да достигнат 30°C денес, но топлото време ќе биде краткотрајно. Дожд и ветер се очекуваат во текот на ноќта во вторник, прво во Ирска и Северна Ирска, а потоа и во остатокот од Кралството.
Ерин е првата бура од атлантската сезона во 2025 година што достигна јачина на ураган. Своето патување го започна како тропски бран на 9 август, а до 16 август се засили во бура од категорија 4. Кратко потоа, „ловците на урагани“ на NOAA објавија дека Ерин се засилила до бура од категорија 5, со ветрови од 260 км/ч и минимален централен притисок од 915 милибари. Таа јачина ја задржа поголемиот дел од денот, по што почна да слабее.
Се очекува времето да се влоши од средината на неделата со силни ветрови и обилни врнежи од дожд придружени со грмотевици. Иако најсилните ветрови претежно ќе останат на отворено море, високите бранови ќе го погодат западниот брег на Европа.
Денес, тие би можеле да достигнат висина од 10 до дури 12 метри западно од Ирска. Во средината на неделата, во среда и четврток, се очекуваат бранови од 8 до 10 метри по должината на бреговите на Ирска, Северна Ирска и делови од Шкотска, а ќе се прошират низ Бискајскиот Залив кон Франција и Шпанија.