Свет
Иран и САД го пренесоа нуклеарниот спор во ОН

Иранскиот претседател Махмуд Ахмадинеџад во понеделник го промовира прашањето за нуклеарната програма на Иран во Њујорк, пренесува Reuters
Ахмадинеџад е единствен лидер на нација кој ќе учествува на конференцијата, која трае од понеделник, 3 мај, до 28 мај. Се очекува тој да се обиде меѓународната конференција за неширење на нуклеарното оружје на Обединетите нации да ја претвори во платформа за својата пресметка со западните велесили кои бараат санкции против Техеран.
Според проценката на познавачите, целата дискусија и внимание на конференцијата да се врти околу него и американската државна секретарка Хилари Родам Клинтон, која ќе се обиде и овој настан да го искористи за да излобира поддршка за американските напори за воводување на санкции против Иран. за да се воведат санкциите против Иран, одлуката мора да биде ратификувана од Советот за безбедност на ОН, каде што засега ја блокираат Кина и Русија. И покрај начелната поддршка за санкциите, овие две земји бараат тие бидат насочени само кон одговорните, а не кон целиот ирански народ. Пред настапот во Обединетите нации, Ахмадинеџад јасно стави на знаење дека жестоко ќе им се спротивстави на напорите да се постигне консензус за воведување на санкциите.„Под изговор дека го спречуваат ширењето на нуклеарното оружје, западните сили предводени од Америка вршат силен притисок врз независните држави. Атомската бомба се претвори во алатка за присила, доминација и експанзионизам“, изјави иранскиот претседател и ги повика големите сили да го забрзаат процесот на сопственото нуклеарно разоружување, наместо да се занимаваат со Техеран, чија програма, според него, е за цивилни потреби. Од своја страна, Клинтон излезе со изјава дека Ахмадинеџад во Њујорк ќе се обиде да го сврти вниманието на друга страна и да внесе забуна за ова прашање.„Нема да му дозволиме на Иран да ја смени приказната од онаа вистинската, а тоа е нивното одбивање да се потчинат на меѓународнит6е норми“, рече Клинтон. САД во понеделник доби поддршка и од Генреалниот секретар на ОН, Бан Ки-мун, кој истакна дека целиот товар на докажување на невиноста паѓа врз Иран. Членки и потписнички на договорот се 189 држави, тоест сите светски држави освен Индија, Пакистан, Израел и Северна Кореја.Последниве четири поседуваат нукеларни арсенали или програма за изработка на такви арсенали. Земјите-членки се собираат на секои пет години за да дискутираат за нови пристапи кон ова прашање. Но, Конференцијата за неширење на нуклеарното оружје не може лесно „да обележи и оцрни“ некоја држава која наводно го крши договорот, како на пример Иран, затоа што како држава – членка, нивната делегација ќе го блокира консензусот потребен за носење на ваква одлука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
„Да одиш против светот води кон самоизолација“: се огласи кинескиот претседател по потегот на Трамп за царините

Нема победници во царинските војни, изјави кинескиот претседател Шји Џјинпинг за време на средбата со шпанскиот премиер Педро Санчез во Пекинг.
„Да одиш против светот води до самоизолација“, рече кинескиот претседател.
„Развојот на Кина во изминатите седум децении е резултат на самодовербата и напорната работа, а не на наклонетоста на другите. Кина нема да отстапи под никаков неправеден притисок“, изјави портпаролката на кинеското Министерство за надворешни работи, Мао Нинг, на платформата Х.
Беше нагласено дека Кина ќе остане самоуверена, сталожена и концентрирана на доброто управување со своите работи „без разлика како се менува надворешното опкружување“.
„Кина и ЕУ треба да ги зајакнат своите меѓународни одговорности, заеднички да ги заштитат економската глобализација и меѓународната трговска средина и заеднички да отфрлаат унилатерални и малтретирачки акции. Кина и ЕУ треба да ги бранат не само своите легитимни права и интереси туку и меѓународната правичност и правда и меѓународните правила и поредок“, изјави Мао на X.
Тензиите меѓу Кина и САД ескалираа кога американскиот претседател Доналд Трамп во средата ги зголеми царините за Пекинг од 84 на 125 отсто. Оваа стапка се надоврзува на царината од 20 проценти што тој претходно ја воведе, со што вкупната стапка за Кина достигна 145 проценти.
Кина во четвртокот исто така воведе царини од 84 отсто како одговор. И денеска најави ново зголемување, на 125 отсто, од сабота.
Сепак, Трамп во четвртокот рече дека би сакал да постигне договор со Кина.
Свет
Данците ги бојкотираат американските производи, Канаѓаните избегнуваат летови: пад од 70 проценти кон САД

Гневни од однесувањето на американскиот претседател Доналд Трамп, кој изрази желба да го купи или освои Гренланд со војската и да го присоедини кон САД, Данците, на кои им се закани со високи царини, ги игнорираа неговите апетити и решија да го бојкотираат купувањето американски производи во знак на национален протест.
Во исто време, новите американски царини, иако неодамна беа намалени на 10 %, уште повеќе го отежнуваат извозот од ЕУ на еден од нејзините клучни пазари. Трамп изјави дека САД треба да ја преземат контролата врз Гренланд, данската територија на која веќе се наоѓаат американските воени бази, во име на националната безбедност. Данските власти решително ја отфрлија оваа идеја, а сега потрошувачите, слично како и Канада, која Трамп наводно би сакал да ја види како 51. американска сојузна држава, го креваат својот глас во несогласување.
„Ова е единствениот начин на кој клиентите може да покажат барем мал знак на протест против Трамп“, изјави Сане, работник во данската трговска мрежа за Си-ен-би-си.
„Ти си крал на САД во моментот, навистина. Преферирам европски производи отколку американски не само поради актуелниот конфликт туку и поради повисоките стандарди, а со оглед на моментната ситуација, тоа ми е уште поважно“, изјави Сања, Австралијка, која живее и пазарува во Копенхаген.
Групацијата „Салинг“, сопственик на синџирот-продавници Fоtex, Bilka и Netto, им олесни на клиентите да ги избегнат американските производи со ставање ѕвезда на цените во повеќе од 1.700 продавници во Данска, Германија и во Полска.
Портпаролот на Salling Group нагласи дека целта не е да се поттикне бојкот на американските производи, туку да се одговори на многуте барања од клиентите, кои бараат појасни информации за потеклото на брендовите.
Сепак, многу клиенти рекоа дека ја поздравуваат оваа иницијатива. „Да, ќе ги избегнувам американските производи. Мислам дека им треба нов претседател“, изјави клиентката Ева.
Бојкотот остави белег и на големите американски брендови. Според истражувањето спроведено од француската агенција Ifop во март, потрошувачите сè повеќе ги заобиколуваат синџирите како „Старбакс“ и „Мекдоналд“ и избегнуваат „кока-кола“. Меѓу најпогодените е „Тесла“, која забележа значителен пад на продажбата во регионот, а некои од нејзините продавници во Германија, Италија и во Шведска беа дури и вандализирани во знак на протест против политичките изјави на Илон Маск.
Јенс Лунд, извршен директор на данската логистичка компанија DSV, изјави за Си-ен-би-си дека ефектите од новите царини веќе се чувствуваат иако вистинската скала ќе биде видлива само со текот на времето.
„Времето ќе покаже како ќе реагираат потрошувачите, на крајот на краиштата, тие го имаат последниот збор“, рече Лунд.
„За поскапите производи, како што се автомобилите, веќе е видлив падот на продажбата“.
Меѓутоа, Лунд предупредува дека бранот бојкот може да биде краткотраен: луѓето, вели тој, бргу се враќаат на своите навики.
„Потрошувачите избираат што е најдостапно. Најдобриот сооднос цена – квалитет сепак одлучува“, додава тој.
Најголемата канадска авиокомпанија, „Ер Канада“, минатата недела објави дека резервациите за летови до САД од април до септември паднале 10 отсто во споредба со минатата година. OAG, аналитичка фирма за воздушен сообраќај, забележа пад на резервациите за летови на релација Канада – САД од дури 70 %.
Тоа го потврдува и заменик-директорот на канадската авиокомпанија „Вестџет“, кој наведува дека сè помалку луѓе ја минуваат границата со Америка бидејќи патниците сè повеќе избираат други дестинации.
Сличен тренд почнува да се забележува и во Европа. Директорот на хотелската групација Accor, Себастиен Базин, изјави за „Блумберг“ минатата недела дека летните резервации од Европа во САД паднале 25 % најмногу поради непријатноста од патување во непозната средина.
Регион
Хорор во Хрватска: полицаец десет години ја силувал и ја нудел партнерката на други мажи

Загрепската полиција пријави 45-годишен полицаец осомничен дека десет години сексуално ја злоупотребувал својата вонбрачна партнерка и ја подведувал на руги мажи, меѓу кои и двајца, кои исто така биле пријавени за кривични дела против сексуалната слобода.
Полициската управа (ПУЗ) во Загреб соопшти дека спроведе кривична истрага против полицаецот за повеќе кривични дела против сексуалната слобода и бракот, семејството и децата и против двајца мажи за кривични дела против сексуалната слобода.
Осомничениот полицаец веќе бил отстранет од службата поради сомнение дека сторил тешка повреда на службената должност.
По завршувањето на кривичната истрага, тројцата осомничени се предадени на притворниот надзорник и кривично пријавени во државното обвинителство.
Од полицијата нагласуваат дека не може да соопштат повеќе детали само поради заштита на достоинството на жртвата и секундарната виктимизација, пренесува „Хина“.
Посочуваат дека довербата на жртвата е првиот чекор кон одлуката за пријавување на криминално однесување и дека полицијата секогаш со апострофиран однос на нулта толеранција кон насилството презема мерки и дејства од нивна надлежност.
Според медиумите, сега веќе поранешниот полицаец ја силувал својата вонбрачна партнерка речиси 15 години и ги повикувал своите познајници сексуално да ја нападнат.