Свет
На тапет е секој изборен чекор на партиите во политичката кампања
Невладините организации и антикорупционерите им дишат во врат на сите партии кои претендираат да го освојат тронот на власта
НВО и антикорупционерите им дишат во врат на партиите
Невладините организации и антикорупционерите им дишат во врат на сите партии кои претендираат да го освојат тронот на власта. Со ангажирани агенции го мониторираат секој изборен чекор во политичката кампања која стартуваше на 15 јуни, а треба да финишира на 3 јули. На тапет се митинзите и она што вклучува за нивно организирање, закуп на простор, осветление, озвучување, музички ѕвезди, огномет, спотовите и платените политички програми на радио и на телевизија, рекламните страници во весниците, бројот на билбордите и нивните димензии, печатените програми, флаери, капи, маици, пенкала, беџови. Посебно ќе се набљудуваат партиите во власта – СДСМ, ЛДП и ДУИ- но нема да куртулат и опозициските, како ВМРО-ДПМНЕ, која во претходните изборни циклуси пријави смешни трошоци на кои никој не може да им поверува. Поентата на интензивниот мониторинг е добивање показатели колку се веродостојни финансиските извештаи на партиите кои по завршување на изборите треба да се отчитаат пред ДИК, ДЗР и Собранието со она што се случува во реалноста.
„Транспарентност Македонија" стартуваше со проект за набљудување на финансиите на партиите во политичките кампањи. Покрај настаните во Скопје, ќе се следуваат партиските промоции и на локално ниво, преку регионалните канцеларии во Тетово, Кавадарци, Штип, Делчево и Ресен. Постои можност за покривање на подрачјата на уште три големи центри, Битола, Охрид и Кичево. „Целта на проектот за кој добивме пари од ОБСЕ е транспарентност на трошоците во изборната кампања и начинот на кој се обезбедуваат парите за оваа намена. Од сондажата очекуваме да дознаеме дали постои диспропорција меѓу дозволените средства евидентирани во партиските сметки и парите кои реално ќе се трошат на терен", изјави претседателката на „Транспарентност Македонија", Габриела Коневска. Притоа, потенцира дека сите донации и подароци, па дури и да се работи за парфем, мора да бидат зебележани во финансиските извештаи.
Тоа што изборните правила не го регулираат прашањето на предвремените агитации е голем пропуст, велат во невладиниот сектор. Неопходни се итни измени на постојното законско решение или сосема нов акт за финансирање на изборната кампања. Еден месец пред официјалната кампања државниот имот е раскрчмен за 100 милиони евра, тврдат во „Транспарентност", а не се знае каде и во што ќе бидат насочени. Изборите се нов циклус за корупција, а јавна тајна е дека сите инволвирани страни-поединци или компании очекуваат услуги, привилегиран статус во вработувања, добивање јавни набавки, тендери, лиценци, концесии, намалени даноци.
„За овие парламентарни избори сж треба да е дигнато на нога,. Веќе ја следиме кампањата од аспект на трошење на парите. На јавен оглас ангажиравме агенција која секојдневно доставува извештај за партиските реклами објавени во печатените медиумите. Од Советот за радиодифузија ќе добиваме отчет за политичката кампања низ реклами, спотови, платени програми во телевизиите", вели претседателот на Државната комисија за спречување на корупцијата, Михајло Маневски . Според него, можеби изгледа ситно, но било вредно да се провери дали партиите плаќаат патарина кога крстосуваат со карваните низ државава. „Очекуваме и известувања од фирмите кои најмуваат рекламни паноа, кои субјекти се во прашање, колку ќе платат".
Изборниот законик им дозволува на партиите да водат скапи кампањи, со помали шанси да го надминуваат дозволениот лимит како досега. Ако во претходните избори големите партии за 30 дена рекламирање трошеа во просек по половина милион евра и ја надминуваа границата од 400.000 евра, сега со едно евро за гласач, во кампања ќе можат да инвестираат по 1,7 милион евра. Поединец-физичко лице за партија може да донира по 5.000 евра, а фирма-правно лице до 20.000 евра. Сепак, и тука нема гранична линија, бидејќи не се потенцира колку пати можат да донираат исти лица или компании. Ниту една партија не сака да каже од каде ќе добие пари за кампања. Кријат кој ќе ги одврзе ќесињата за нив.
Меѓународните експерти им порачаа на партиите дека финансиските извештаи за тоа колку пари добиле за кампања, од кого и како ги потрошиле мора да бидат прецизни. Мора да се наведе секоја донација, заем, долг, кредит или бесплатна услуга. Спонзорите мора да бидат објавени, со име и презиме, да се знае износот на парите, од каде доаѓаат и кога се ставени на партиската жиро-сметка. Мора да се пресечат тајните канали на финансирање на партиите, преку јавните претпријатија и фондовите. Ќе одолеат ли партиите на прикривање на финансиите од бизнисот за политиката, останува да се види.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Иран воведе санкции кон САД и Велика Британија поради поддршката кон Израел
Иранските власти денеска објавија дека воведуваат санкции против неколку американски и британски поединци и субјекти поради нивната поддршка на Израел во војната против палестинското движење Хамас во Појасот Газа.
Иранската дипломатија соопшти дека санкциите се однесуваат на седум Американци, меѓу кои и генералот Брајан Фентон, шеф на командата за специјални операции и вицеадмиралот Бред Купер, поранешен шеф на американските поморски сили на Блискиот Исток.
Од британските функционери и субјекти цел на санкциите се министерот за одбрана Грант Шапс и британската кралска морнарица во Црвеното Море.
Санкции беа најавени и против американските компании „Локид Мартин“ и „Шеврон“ и британските компании „Елбит системс“, „Паркер Мегит“ и „Рафаел УК“.
Иранското Министерство за надворешни работи додаде дека санкциите вклучуваат „блокирање на сметки и трансакции во иранскиот финансиски и банкарски систем, блокирање на средства под јурисдикција на Иран, како и забрана за издавање визи и влез на иранска територија“.
Влијанието на овие мерки врз поединци или субјекти, како и врз можните средства или трансакции со Иран, сепак, останува неизвесно.
Од почетокот на војната во Појасот Газа, предизвикана на 7 октомври со нападот на палестинското исламистичко движење Хамас на израелска територија, нагло се зголемија тензиите меѓу Израел од една страна и Иран и неговите сојузници, особено либанскиот Хезболах, од друга.
Ситуацијата се вжешти на 13 април, кога Иран изврши напад врз Израел, со 350 беспилотни летала и проектили, од кои повеќето беа пресретнати со помош на САД и други земји.
Иранските власти тогаш објавија дека дејствувале во „самоодбрана“ по смртоносниот напад што му се припишува на Израел врз иранскиот конзулат во Дамаск на 1 април.
Свет
Нетанјаху: Ако Евреите не се заштитат самите, никој нема да ги заштити
Евреите мора да бидат способни да се „одбранат“ бидејќи никој нема да ги заштити, изјави денеска израелскиот премиер Бенјамин Нетанјаху, додека се повеќе се креваат гласови против војната што Израел ја води во Појасот Газа.
„Ако треба да се браниме, ќе се браниме. Ако е можно да се мобилизираат „оние што не се Евреи“, тоа е добро. Но, ако не се заштитиме, никој нема да го направи тоа“, рече Нетанјаху.
Премиерот ова го изјави на приемот на преживеаните од нацистичкиот геноцид кои во недела ќе учествуваат на церемонијата на Денот на сеќавањето на Холокаустот во меморијалниот центар Јад Вашем.
Разорната војна што Израел ја започна во Појасот Газа како одмазда за нападот на палестинското движење Хамас на 7 октомври во Израел предизвикува зголемени критики ширум светот.
Осврнувајќи се на студентското движење во знак на солидарност со Палестинците во градовите на американските колеџи, Нетанјаху рече дека ги осудува „страшните демонстрации на антисемитските орди кои повикуваат на уништување на Израел и ги напаѓаат еврејските студенти и професори“.
Нетанјаху, исто така, се соочува со отворено меѓународно противење на неговата намера да започне голема офанзива врз градот Рафах, во јужниот дел на Појасот Газа.
Тоа е засолниште за еден и пол милион Палестинци, од кои огромното мнозинство се раселени поради војната, додека израелските власти сметаат дека градот е последното упориште на борците на Хамас.
Свет
Трамп: Погледнете ги Лондон и Париз, тие се непрепознатливи
Поранешниот американски претседател Доналд Трамп изјави за време на предизборниот митинг во Висконсин дека Лондон и Париз се „непрепознатливи“, пренесува „Politico“.
„Видовме што се случи кога Европа ги отвори вратите за џихад. Погледнете го Париз, погледнете го Лондон. Тие се непрепознатливи“, рече Трамп, кој ќе се кандидира за нов мандат во Белата куќа на претседателските избори во ноември годинава.
„Ќе влезам во многу проблеми со луѓето во Париз и луѓето во Лондон, но знаете што, тоа е факт. Тие се непрепознатливи и не можеме да дозволиме тоа да и се случи на нашата земја. Имаме неверојатна култура, традиција. Не можеме да дозволиме тоа да се случи овде и никогаш нема да дозволам да им се случи на Соединетите Американски Држави“, рече тој.
Трамп често ги критикуваше европските земји. Во декември 2015 година, набргу откако Париз беше погоден од смртоносен исламистички терористички напад, тој рече дека населбите во Париз и Лондон се толку опасни што полицијата одбила да оди таму. Во тоа време, Трамп го бранеше својот план „целосно да им забрани на муслиманите да влезат во САД“.
И покрај тоа што беше критикуван за тие забелешки, Трамп продолжи да ја брани својата позиција. „Вистинскиот Париз е различен од Градот на светлината за кој читате. Има области во Париз каде луѓето се толку радикализирани и толку злобни, што полицијата одбива да оди таму. Тие нема да одат таму. Тоа ќе се случи на нашата земја“, предупреди тој.
Во јануари 2016 година тој изјави дека животот во Брисел е како да живееш во „пекол“ поради недостаток на „асимилација“ на муслиманското население.