Македонија
Груби: Не нападнаа и провоцираа
Претседателот на невладината „Разбуди се“, Артан Груби, кој беше дел од инцидентот на скопското Кале, тврди дека навивачката група Комити ја нападнала и провоцирала групата Албанци, кои требаше да го искажат својот став за рушењето на Музејот- црква.
„До судирот дојде затоа што не нападнаа, не провоцираа и затоа што одбиваа да се повлечат од Калето иако ние ги почекавме половина час додека да завршат со нивните ритуали. Иако ние бевме најавени и полицијата беше известена. Тоа беше виртуелен собир на националисти со единствена цел, да создадат меѓуетнички тензии, за што ние нема да им дозволиме“, изјави Груби, откако полицијата ги смири тензиите.
Инцидентот се случи кога се пресретнаа навивачката група Комити, и како што тврди Груби, толпата албански граѓани кои не биле навивачи по што почнаа да се удираат со камења, дрвја и други предмети.
„Ние уредно најавивме преку медиумите прес конференција за денеска во 13 часот. Прес-конференцијата ја организиравме за да ја продолжиме нашата кампања започната во март 2007 година против политичките, партиските и исклучителните ископувања на Калето, коишто имаат само политичка заднина. Но нашите барања не беа удоволени и затоа денеска стигнавме до овој степен, да се изгради црква која што вчера слушнавме е дел од културното наследство. Нешто што е изградено, еден куп метали од 2011, се интерпретира како културно наследство.“, рече Груби.
Тој додаде дека денешниот настан е за осуда.
„Овде се собра група националисти, група фашисти, со фантомки на главата и се закануваа цело време. Ни го окупираа местото каде што ја имавме најавено прес конференцијата и ова е за осуда. За жал вакви контрапротести имаше и во минатото и кога простиравме за „Скопје 2014““, истакна Груби.
Според него, археологот Паско Кузман, кој го нарече „турбо археолог“, сака само да креира турбо историја за својот народ.
Полицијата брзо интервенираше и моментално на скопското Кале е мирно.
Комитите ја напуштија тврдината, а групата Албанци на конструкцијата музеј-црква постави транспаренти на кои беa испишани пораките: „Паско лопов“, „Кале на Илирите“ и „Место на злосторството“.
Се уште нема официјални информации колку лица беа повредени во инцидентот и дали има приведени./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.