Спорт
САД и Литванија последна полуфинална двојка
САД и Литванија е последната полуфинална двојка откако во четвртинафиналето САД ја совлада Русија со 89:79, а Литванија ја декласира Аргентина со 104:85
САД и Литванија е последната полуфинална двојка откако во четвртинафиналето САД ја совлада Русија со 89:79, а Литванија ја декласира Аргентина со 104:85 Русите и на овој меч настапија без својот најдобар играч Криапа. Сепак и без него добро го започнаа мечот. По изедначената прва четвртина (25:25), во 16 минута Русија поведе со 35:30, што го натера тренерот на Американците Мајк Крижевски да повика тајм аут. По овој прекин САД направи серија од 12:0, поведе со 42:35 и водството до крајот не го испушти. Во 33 минута САД поведе со 81:64 што значеше дека Русија го загуби здивот. На крајот САД забележа скромна победа од 89:79. Најдобар поединец беше Кевин Дурант (Оклахома) со 33 поени, пет скокови и две украдени топки. Чонси Билапс (Денвер) имаше 15 поени и пет асистенции, а Ламар Одом од Лејкерси беше неприкосновен под кошевите со 12 скокови. Во Рускиот состав добро функционираше двоецот од ЦСКА Сергеј Биков (17 п. 3 ас.) и Андреј Ворончевич (14 п. 12 ск.) . Само во првите неколку минути Аргентина и парираше на Литванија во вториот натпревар на вечерта. Во 6 минута Аргентина водеше со 10:9, но Литванија оствари серија од 8:0. Првите девет удари за тројка на Литванците сите влегоа во кош што беше депримирачки за Аргентинците. Тоа придонесе полувремето да заврши со 20 кошеви предност за Литванија (50:30). По полувремето не видовме ништо ново. Литванија продолжи да го полни кошот на Аргентина и пред почетокот на последниот период се беше познато. Литванија оствари предност од 32 поени (85:53), па мало опуштање во последната четвртина направи Аргентина колку толку да го ублажи срамниот пораз. Нискиот бек на Фенербахче Симас Јасаитис беше најефикасен во победничкиот состав (19 п.), а Линас Клеиза од Торонто оствари 17 поени и 10 скокови. Кај Аргентинците Карлос Делфино од Милвоки оствари 25 поени, а крилото на Хјустон и најефикасниот играч на првенството Луис Скола забележа скромни 13 поени со катастрофален процент на шут со пет погодоци од поле од 19 обиди. Во полуфиналето во сабота во 18 ч. ќе играат САД и Литванија, а во 20,30 часот Србија и Турција. Денес во борба за пласман од 5-8 место ќе играат Шпанија и Словенија (17 ч.) и Русија и Аргентина (20 ч.).крај/ап/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитријевиќ од следната сезона ќе игра во Евролигата
Три клуба од Евролигата покажале сериозен интерес за најдобриот македонски кошаркар, Ненад Димитирјевиќ.
Димитријевиќ неодамна ја доби наградата за МВП во регуларниот дел од сезоната, во ВТБ лигата. Сезоната ја заврши со просек од 19 поени, 6,6 асистенции, 3,6 скока и 1,3 украдени топки по натпревар.
Пред две недели турнските медуми објавија дека Фенербахче е сериозно заинтересиран за Димитријевиќ. Во неделата, се појави информацијата на „Република Болоња“ дека за Македонецот се интересираат најдобрите италијански тимови, Олимпија Милано и Виртус Болоња.
Извесно е дека Димитријевиќ следната сезона ќе го гледаме во Евролигата.
Спорт
Хаос во Берлин, повредени 155 полицајци
Најмалку 155 полицајци се повредени во нереди на навивачите на натпреварот меѓу Динамо Берлин и Енерџи Котбус во германската четврта лига, соопшти берлинската полиција.
Полицијата соопшти дека при вдишување на солзавецот испукан од полицијата за да се спречат немирите се повредени 43 градски и 73 федерални полицајци, телесно се повредени 28 федерални полицајци, а 11 од нив се здобиле со рани од пиротехнички средства.
Tog en promenad till Hohenschönhausen för att se BFC Dynamo – Energie Cottbus med ett gäng norrmän. Stökigt både under och efter match. pic.twitter.com/NwSCp3xSeZ
— Ryström | hahohe (@rystromj) May 4, 2024
„Билд“ наведува дека се уапсени 74 навивачи, а против 62 е поднесена кривична пријава, меѓу другото, за „нарушување на мирот, физички напади врз органите на прогонот и давање отпор при апсење“.
Натпреварот беше прекинат во 20. минута поради тепачка на трибините, при што навивачите на Динамо запалија шалови и знамиња со симболите на ривалскиот тим.
Во соопштението се додава дека навивачите пукале со пиротехнички средства кон полициските сили и редарите кои стоеле во близина на теренот, по што припадници на безбедносните сили влегле на трибините и се обиделе да ги приведат навивачите.
04.05.2024🇩🇪BFC Dynamo away against Energie Cottbus https://t.co/Fjy3xrlEmQ pic.twitter.com/8Cbjf0lsh1
— Hooligans.cz Official (@hooliganscz1999) May 4, 2024
Енерџи Котбус победи со 2:0, а судирите меѓу навивачите продолжија и по натпреварот, пишува „Билд“. Котбус остана лидер во поредокот на две кола пред крајот, со два бода повеќе од Грајсвалд, со големи шанси за враќање во третата лига.
Спорт
(Видео) Баер 48 натпревари не знае за пораз
Фудбалерите на Баер Леверкузен одамна ја обезбедија првата титула во Бундес лигата и се на два чекори првенството да го завршат без пораз.
Избраниците на тренерот Чаби Алонсо во 32. коло од Бундеслигата убедливо го совладаа Ајнтрахт со 5:1 на гостински терен и со тоа го забележаа 48. последователен натпревар во сите натпреварувања без пораз.
Баер, да потсетиме, е блиску до пласман во финалето на Лига Европа, а наскоро ги очекува финалето во Купот на Германија против Кајзерслаутерн.
Избраниците на Алонсо последен пат загубија на 27 мај минатата година во последното коло од Бундеслигата против Бохум со 3:0.