Свет
Обама ја потврди оставката на советникот за национална безбедност
Советникот на претседателот за национална безбедност, генералот Џејмс Џонс пред две седмици поднел оставка, потврдил за време на специјална церемонија во Градината на розите во Белата куќа, американскиот претседател Барак Обама
„Без оглед на семејни обврски, патриотизмот и посветеноста за да се гарантира безбедноста на САД овозможија генералот Џонс да стане советник за национална безбедност, и јас сум му вечно благодарен за тоа. Сега, кога се приближуваме кон втората година од власта, јас изјавувам дека генерал Џонс одлучи да се повлече од својата функција. Неговото место ќе го заземе исто така многу способниот заменик Тим Донилон“ изјавил претседателот Барак Обама.Како што пренесува Reuters, Обама истакнал дека заканата за американските безбедност е зголемена, и раководното место во Советот за безбедност е од клучно значење за заштитата на американските граѓани.„Би сакал да му се заблагодарам на Џејмс Џонс за неверојатната работа … Секој ден се потпирав на неговите совети“, рекол американскиот лидер.Меѓу успесите на неговата администрација, коишто, според неговите зборови, во голема мера се должат на Џонс, Обама ја наброја новата стратегија во Авганистан, како и подобрување на односите со Русија и склучувањете нов договор со неа за намалување на стратешкото офанзивно оружје.Џонс, пак, истакна дека Обама целосно го поддржува изборот и назначување на функцијата советник за национална безбедност на Том Донилон.„Том е еден од најтрудољубивте луѓе што кога и да е сум ги сретнал… Том, сакам да ти се заблагодарам и ти се восхитувам“, рекол Џонс.Тој изрази голема благодарност и до претседателот Обама, и заменик-претседател Џозеф Бајден и неговата сопруга Џил Бајден.„Ви благодарам за поддршката на нашите мажи и жени во униформа“, рекол Џонс.Донилон претходно го сметаа за еден од главните претенденти за позицијата на шеф на персоналот на Белата куќа, по заминувањето на Рем Емануел, кој се повлече за да учествува на изборите за градоначланик на Чикаго. Познато е дека Донилон е силен поддржувач на стратегијата на Обама во Авганистан и во неколку наврати зборуваше за потребата да се започне повлекување на војниците од земјата следното лето. Сепак, Донилон изјавил дека САД треба да се фокусираат повеќе на борба против новите закани, особено, според него, тоа се Иран и Кина. Исто така, како што забележуваат американските аналитичари, важна карактеристика за него е свеста на Донилон дека подеднакво се важни и внатрешните и надворешните активноста.Неговиот брат Мајк донилон е еден од советниците за заменик-претседател Џозеф Бајден, и неговата сопруга Кети Расел е шеф на персоналот на сипругата на заменик-претседателот Џил Бајден.Функцијата шеф на Советот за безбедност во Белата куќа, изборот на Донилон ќе не треба да биде потврдена од Сенатот.Повлекувањето на Џонс е петтата оставка од непосредното опкружување ан американскиот претседател Обама во последните месеци. Минатата седмица својата оставка ја поднесе и Рем Емануел, шеф на персоналот на Белата куќа. Од Белата куќа, исто така, неодамна заминаа и шефот канцеларијата за распределба ан буцетот, Питер Oрзаг, претседателот на Националниот економски совет на Белата куќа, Лоренс Самерс и челникот на групата економски советници на Белата куќа, Кристина Ромер. Како што се очекуваше, листата оставки од функциите во Белата куќа ќе продолжи како што се доближуваат среднорочни избори во Конгресот, закажани за 2 ноември и претседателските избори во 2012 г.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Една година од масакрот во училиштето во Белград, беа убиени девет ученици и чуварот
Помина точно една година од трагедијата во училиштето „Владислав Рибникар“ во Белград, кога Коста Кецмановиќ вооружен со пиштолот на татко му уби девет ученици и чуварот на училиштето, а рани уште неколку.
На местото на трагедијата пристигнуваат се повеќе луѓе за да им оддадат почит на жртвите. Први пристигнале членовите на семејствата на убиените деца, а глетката пред училишната зграда никого не остава рамнодушен, објавија српските медиуми.
На посебно плато пред училиштето, каде се поставени фотографиите и имињата на убиените деца и чуварот, се оставаат цвеќиња и се палат свеќи.
И претседателот на Србија, Александар Вучиќ, утрово положи цвеќе во ОУ „Владислав Рибникар“.
„Помина една година од невидената трагедија која остави неизбришлива лузна на душата на целата земја, но болката, неверувањето и неизмерната тага не поминаа“, рече Вучиќ.
На 3 мај минатата година Коста дошол вооружен во училиштето и од влезната врата го започнал својот крвав поход, во кој животот го загубија девет деца и чуварот.
Откако го извршил масакрот повикал полиција и пријавил што направил.
Веднаш по трагедијата се одржа вонредна конференција на српското Министерство за внатрешни работи, на која беа соопштени деталите за она што се случи во училиштето „Владислав Рибникар“.
„Повикот дојде во 8 часот и 42 минути наутро, две минути по пријавувањето на случајот во полиција од страна на заменик директорот на ова училиште“, изјави началникот на белградската полиција Веселин Милиќ.
На таа конференција Милиќ изјави и дека К.К. еден месец го планирал злосторството. Тој го покажа и списокот што полицијата го пронашла во станот на момчето убиец, на кој биле испишани имињата на учениците кои планирал да ги убие.
Дополнително, како што тогаш беше кажано од највисоките функционери на српската полиција, К.К. имал и прецизен план на училиштето, со означен влез и излез.
Поради делото, Коста е во болница, а против татко му и мајка му, Владимир и Миљана Кецмановиќ во меѓувреме е покренато обвинение, со оглед на тоа што момчето-убиец во моментот на делото имало 13 години и затоа не е кривично одговорен.
Вишото јавно обвинителство во Белград соопшти дека обвинетиот Владимир Кецмановиќ во периодот пред трагедијата го научил својот син да пука во цели во форма на концентрични кругови и силуети на луѓе, да стои и да дише кога користи огнено оружје.
Против семејството Кецмановиќ се водат три граѓански постапки, а поднесени се вкупно пет тужби, меѓу кои и една кривична.
Европа
Украински разузнавач: На крајот ќе мора да преговараме со Русија
Украина ќе мора да стапи во преговори со Русија во одреден момент за да стави крај на нивната повеќе од двегодишна војна, изјави висок украински разузнавач во интервју објавено во четвртокот.
Украинскиот претседател Володимир Зеленски ги отфрли разговорите со Кремљ, а декретот што го издаде откако Русија официјално анектираше четири украински региони во 2022 година, ги оцени преговорите за „невозможни“.
Генерал-мајор Вадим Скибицки, заменик-шеф на украинската воена разузнавачка агенција ХУР, сепак, изјави за магазинот Економист дека разговорите на крајот ќе бидат неопходни, како што би било случај со секоја војна.
„Генералот Скибицки вели дека не гледа начин Украина сама да ја добие војната на бојното поле. Дури и ако успее да ги потисне руските сили назад до границите – што е сè подалечна перспектива – тоа нема да ја заврши војната“, пишува Економист.
„Таквите војни можат да завршат само со договори“, вели тој. Во моментов и двете страни се борат за најповолна позиција пред потенцијалните преговори. Но, значајните преговори може да започнат најрано во втората половина на 2025 година, шпекулира тој.
Зеленски и други официјални лица рекоа дека Русија не е поканета на „мировниот самит“ планиран за Швајцарија во јуни, бидејќи нема гаранција дека Москва ќе разговара со добра волја.
Министерот за надворешни работи, Дмитро Кулеба, се појави да го повтори размислувањето на Скибицки во одделно интервју за магазинот Форин полиси оваа недела, велејќи дека јунскиот самит имал за цел „да ги обедини земјите кои споделуваат принципи и пристапи врз кои ќе градат понатамошни активности“.
„Потоа може да има комуникација со Русија и Русија може да биде дел од разговорот. Затоа што сте во право: на крајот, не можете да ја завршите војната без двете страни“.
Рускиот претседател Владимир Путин и други високи функционери велат дека Украина го блокира секој обид за решение.
Портпаролот на Кремљ, Дмитриј Песков, во четвртокот изјави дека средбата во јуни не може да биде „сериозна конференција со сериозни очекувања за некаков резултат“ без присуство на Русија.
Во своето видео обраќање доцна во четвртокот, Зеленски ја опиша средбата во јуни како „практично првата вистинска можност да се започне повторно воспоставување праведен мир“.
„Сите наши позиции, на бојното поле, во дипломатијата и во информатичката сфера, сега мора да бидат подеднакво силни“, рече тој. „Нашата сила, нашите способности, нашите оружја, единството со партнерите – сето тоа мора да работи заедно. И ќе функционира“.
Свет
Во стан на Американка пронајдени смрзнати тела на четири бебиња, нема да и се суди
Мајката на четири бебиња пронајдени во замрзнувач во стан во Бостон пред повеќе од една година нема да одговара. Последниот извештај покажува дека се уште има „многу неодговорени прашања“ за тоа што се случило со бебињата, пренесува Си-би-ес.
Окружниот обвинител на округот Сафолк рече дека не верува дека случајот против Алексис Алдамир може да оди на судење. Братот на Алдамир и неговата сопруга повикале полиција откако ги пронашле „замрзнатите“ бебиња на 17 ноември 2022 година, додека го чистеле станот во кој Алдамир живеела од 1982 година.
Истрагата покажала дека Алдамир е мајка на бебињата, две момчиња и две девојчиња, пронајдени во замрзнувачот. Алдамир сега живее во здравствена установа. Инспекторите тврдат дека за време на сослушувањето таа „изгледала збунето и не разбирала каде е и со кого разговара“.
Лекарот не можеше да утврди дали бебињата се родени живи или колку долго биле замрзнати, се вели во извештајот. Причината за смртта беше наведена како „неодредена“. Во извештајот се вели дека нема знаци на траума или очигледни повреди, а нема знаци на храна или млеко во стомакот на бебињата.
На сите четири бебиња сè уште им била прикачена папочната врвца. Бебињата биле пронајдени во кутии за чевли и биле завиткани во фолија. ДНК тестот го идентификуваше таткото на четирите деца, но тој починал во 2011 година. Инспекторите рекоа дека тој и Алдамир имале уште едно дете заедно, кое го дале на посвојување.
Алдамир работела за сметководствена фирма во Бостон од 1980 до октомври 2021 година, се вели во извештајот. Нејзините колеги ја опишаа пред инспекторите како „вредна работничка која ретко одела на одмор“.
„Тие рекоа и дека е покрупна жена која има склоност да носи широка облека без оглед на сезоната. Во ниту еден момент ниту еден од соработниците на Алдамир не знаел дека е бремена“, се вели во извештајот.
Окружниот обвинител на округот Сафолк, Кевин Хејден, ја нарече истрагата „една од најкомплексните, невообичаените и најзбунувачките што ги сретнал неговата канцеларија“. Објаснувајќи ја одлуката да не се обвини Алдамир, во извештајот се вели дека обвинителите не можеле да докажат дека бебињата биле живи и не верувале дека Алдамир е способна да издржи судење.
„Никогаш нема да знаеме точно каде и кога се родени четирите бебиња пронајдени во станот на Алексис Алдамир. Никогаш нема да знаеме дали четирите бебиња се родени живи, и никогаш нема да знаеме точно што се случило со нив. Никогаш нема да знаеме како Алексис Алдамир ја криела бременоста или зошто одбра да го направи тоа“, заклучи Хејден.