Македонија
Милошоски: Македонија има премногу платено во спорот со името
Македонија има премногу платено за да ги задоволи грчките барања во спорот со името и поради тоа е потребна подеднаква волја од двете страни за да се затвори ова прашање, смета шефот на дипломатијата, Антонио Милошоски.
Македонија има премногу платено за да ги задоволи грчките барања во спорот со името и поради тоа е потребна подеднаква волја од двете страни за да се затвори ова прашање, смета шефот на дипломатијата, Антонио Милошоски.
Според него, Македонија веќе доволно сторила со промената на Уставот, на знамето и со прифаќањето земјата да биде зачленета во меѓународните организации под привремената референца Поранешна Југословенска Република Македонија.
„Сметаме дека Република Македонија премногу има платено со својот рационализам и прагматичност да задоволи одредени нерационални, национални или националистички хирови кои доаѓале од Република Грција. Во овој контекст, сметаме дека навистина е време, со една иста волја и со една иста цел на двете страни, да се овозможи процесот на евроинтеграции во регионот. За Македонија, тоа да биде еден успех од историско значење, за Република Грција тоа да биде еден успех кој што ќе може да се вклопи во Агендата 2014, да смогнат сили и да го надминат ова прашање“, изјави Милошоски.
Коментирајќи ја дебата во однос на наводно пропуштена шанса за евро-атланска интеграција на Македонија во деведесеттите години на минатиот век, Милошоски со став дека Македонија , самата со својот слаб реформски исчекор, со својот слаб политички фокус, и недостатокот од приоритети по однос на евроатлантските интеграции, во споредба со одредени источноевропски земји, ја пропуштила Агендата 2000-та.
„Тоа не мора да значи дека постои нешто конкретно, формално, напишано, дадено, понудено или одбиено, но значи дека самата држава, општество, институции и степенот на интензитет на реформи не биле доволни и во тој контекст годините, напорите и времето биле пропуштени за да може тој период и клима, особено во поглед на евроентузијазмот во самите земји членки на ЕУ, кој што беше многу поволен, за разлика од денешниот, да се исползува за еден конкретен и силен напредок по однос на европските и евроатланските интеграции“, изјави Милошоски, кој попладнево учествуваше на презентацијата на книгата „Обраќања“ на д-р Срѓан Керим.
Милошоски смета дека претстојниот годишен извештај на Европската Комисија ќе биде во ист тон како и минатогодишниот и дека ќе биде повторена препораката за отпочнување на пристапни преговори со Македонија. Но, според него, нема да биде неочекувано доколку една земја членка го спречи создавањето на консензус во рамки на Советот во однос на донесувањето на одлука за почеток на преговорите. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ковачки: Ветуваме изградба на експресниот пат Кочани-Виница- Делчево, реконструкција на пругата Кочани – Велес, катна гаража и старечки дом
„Денеска во пресрет на големиот христијански празник сме во посета на Кочани. За Кочани предвидуваме изградба на експресниот пат до Делчево, и тоа во два мандати. Потоа, реконструкција на пругата Кочани – Велес, третман на атмосферските и фекални отпадни води на Пониква и секако 17 милиони евра за нашиот град Кочани за изградба на Јужниот Булевар, за изградба на катна гаража и изградба на старечки дом“, кажа Драган Ковачки, носител на изборна единица 3.
„Пред нас се историски избори на 8 мај ве повикувам сите да ни се придружите и заеднички да ги донесеме промените. Да донесеме промена за Македонија, да заокружиме за бројот 2 за Гордана Силјановска Давкова за претседател и за Христијан Мицкоски да биде премиер на владата на Република Македонија“, изјави Драган Ковачки, носител на изборна единица 3.
Скопје
Посебен режим на сообраќај во Скопје в сабота
Министерството за внатрешни работи ги известува граѓаните на Скопје дека на 04.05.2024 (сабота), поради одржување на манифестација по повод годишнината од смртта на македонскиот револуционер Гоце Делчев во црквата „Св. Спас“ во Скопје, Единицата за безбедност на патниот сообраќај при СВР Скопје по потреба ќе преземе мерки за посебен режим на сообраќајот, односно по потреба за сообраќај ќе биде затворена улицата „Самоилова“ на потегот од улицата „Иљо Војвода“ (виадукт Самоилова) до крстосница со улицата „Прохор Пчински“.
Министерството за внатрешни работи, исто така, ги известува граѓаните на Скопје дека на 04.05.2024 (сабота), Единицата за безбедност на патниот сообраќај при СВР Скопје ќе воведе посебен режим на сообраќај за одредени сообраќајници во централното градско подрачје на Град Скопје, како и во општините Ѓорче Петров и Аеродром.
На 04.05.2024 во периодот од 18.00 часот до завршување на манифестацијата по повод верскиот празник Воскресение Христово Велигден, во центарот на градот по потреба за сообраќај ќе бидат затворени: 1. Бул.„Партизански одреди” од крстосницата со ул.„Франклин Рузвелт” до крстосницата со бул.„ВМРО”. 2. Бул.„Св.Климент Охридски” од крстосницата со бул.„Илинден” до крстосницата со ул.„Димитрие Чуповски”. 3. На возилата од јавниот градски превоз, кои поминуваат преку мостот „Гоце Делчев”, по потреба ќе им се менува трасата на движење, при што ќе се движат по бул.„Илинден” и преку ул.„Франклин Рузвелт” ќе се вклучуваат на бул.„Партизански Одреди”, додека автобусите кои што поминуваат преку Центар ќе се движат по ул.„Митрополит Теодосиј Гологанов”, по што преку ул.„Франклин Рузвелт” ќе се вклучуваат на бул.„Партизански Одреди”.
Во спротивна насока автобусите ќе ги користат истите сообраќајници. Во општина Ѓорче Петров, по потреба, за сообраќај ќе се затвора ул.„Македонска војска“ пред црквата „Свети Петар и Павле“ на потегот од крстосница со бул.„Партизански Одреди“ до ул.„Ѓорче Петров“.
Во општина Аеродром, по потреба, за сообраќај ќе биде затворен локалниот пат кон село Лисиче. Исто така, по потреба за сообраќај ќе бидат затворани и други сообраќајници кои гравитираат околу верските објекти. Секторот за внатрешни работи Скопје апелира до граѓаните да ги почитуваат наредбите кои ќе ги даваат полициските службеници по сообраќајниците каде што ќе се одвиваат настаните.
Македонија
Македонија најдобро рангирана меѓу државите од регионот според Индексот за слобода на медиумите
Репортери без граници денеска го објавија својот годишен извештај за слободата на медиумите во светот, според кој Македонија се наоѓа на 36 место, што е за две места подобор од 38 место претходната година.
„Иако новинарите не работат во непријателско опкружување, раширените дезинформации и недостатокот на професионализам придонесуваат за опаѓање на довербата на општеството во медиумите, што ги изложува независните медиуми на закани и напади. Понатаму, владините функционери имаат тенденција да имаат лоши и понижувачки ставови кон новинарите“, се наведува во извештајот на Репортери без граници.
Репортери без граници ја издвојува Аргентина под новиот претседател Хавиер Милеи, која падна за 26 места, од 40 на 66 место и пишува за „спектакуларната мимикрија на руските репресивни методи“ низ Источна Европа и Централна Азија, вклучително и во Србија, каде што „провладините медиуми емитуваа Руска пропаганда, а властите им се закануваат на руските новинари во егзил“.
Индексот на слободата на медиумите и натаму го предводи Норвешка, потоа Данска и Шведска, а најлоша е ситуацијата во Еритреја, која го презеде дното на листата од Северна Кореја. Меѓу најлошите десет се и Кина, Иран, Авганистан и Сирија, пишува агенцијата Франс прес.
И Босна и Херцеговина падна многу на овогодинешната листа и сега е на 81 место, Србија е уште полошо, на 98 место, Црна Гора е на 40, Хрватска на 48 место, а Словенија на 42. Од земјите на ЕУ, послаб индекс на слободата на медиумите имаат Романија, Бугарија, Кипар и Грција, која според овој критериум е на 88-то место, најлошо во Унијата.
Албанија е на 99 место, а Косово на 75, според извештајот.