Македонија
Охридскиот рамковен договор – документ за иднината на Македонија

Без присуство на ниту еден од потписниците на Охридскиот рамковен договор и во отсуство на премиерот Никола Груевски денеска во Охрид започна дводневната конференција со која се одбележува 10-годишнината од неговото потпишување.
Без присуство на ниту еден од потписниците на Охридскиот рамковен договор и во отсуство на премиерот Никола Груевски денеска во Охрид започна дводневната конференција со која се одбележува 10-годишнината од неговото потпишување.Според претседателот Ѓорге Иванов, кој ја отвори конференцијата, рамковниот договор донесе мир и овозможи развој на земјата. Но, посочи дека овозможените права со него носат и одредени обврски за граѓаните.„Македонскиот модел има двојна улога – се јавува како инструмент кој обезбедува доверба на граѓаните во државата и нејзините институции, нејзините симболи, но и како основа за градење и развивање на меѓуетничка доверба. Тоа е нашиот пат на градење на функционален мултиетнички соживот. Затоа не може да постои никакво оправдување кога се отстапува од ова, нешто на што бевме сведоци неодамна во Тетово“, рече претседателот Иванов.Побара напорите на политичките елити да бидат насочени кон обезбедување економска благосостојба на граѓаните.„Ценам дека нашите напори во иднина треба да ги насочиме кон тоа да им овозможиме на граѓаните економски напредок, квалитетно интегративно образование кое ќе продуцира успешни и амбициозни млади кадри, но и развој на граѓанската свест и совест. Односно од мултиеничка демократија да преминеме во мултиетничка економија“, рече Иванов.Вицепремиерот Муса Џафери, задолжен за имплементација на договорот, говорејќи за постигнатото во изминатите 10 години, нагласи дека договорот овозможи демократизација на македонското општество и севкупно унапредување на правата на етничките заедници. Смета дека најголемата придобивка од него е постигнатиот мир. „Некој договорот го дефинира како политичка спогодба, некој како компромис за прекинување на конфликтот. Но, можам да кажам дека дефиницијата е дека тоа е спогодба за иднина на Република Македонија. Ова го велат дека имајќи предвид дека овој договор ги постави темелите за една посигурна, демократска иднина на сите граѓани на Република Македонија“, рече Џафери. На дводневната конференција учествуваат дел од дипломатите вклучени во неговото донесување, а за утре е најавено учеството на дел од странските дипломати во земјава, како и повеќе универзитетски професори од земјава. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На полноќ завршува објавувањето резултати од анкети за локалните избори

Агенцијата за аудио и аудиовизуелни медиумски услуги ги потсетува радиодифузерите дека согласно Изборниот законик, резултатите од испитувањата на јавното мислење во врска со Локалните Избори 2025, може да се објавуваат најдоцна пет дена пред датумот определен за одржување на првиот круг од изборите, односно најдоцна до 24:00 часот на 13 октомври 2025 година.
При објавување на резултатите од испитувањата на јавното мислење поврзани со учесниците во изборниот процес, медиумите се должни да наведат податоци за името на нарачателот кој го побарал и го платил испитувањето, институцијата што го извршила испитувањето, применетата методологија, големината и структурата на испитаниот примерок и периодот во кој е спроведено испитувањето.
Резултати од испитувања на јавното мислење спроведени на самиот ден на изборите не смеат да се објавуваат пред затворањето на избирачките места.
Македонија
Изминатиот викенд лишени од слобода 13 лица за безобзирно управување на возило

За време на изминатиот викенд (11/12.10.2025) како резултат на редовните сообраќајни контроли што ги реализираат полициските службеници од сите сектори за внатрешни работи на патиштата низ земјава, од вкупно 1.502 издадени платни налози, 958 прекршоци се однесуваат на возачи кои не ја почитувале пропишаната брзина на движење, извести МВР.
„Лишени од слобода за безобзирно управување на возило согласно член 297-а од Кривичниот законик се 13 лица, од кои четири за возење под дејство на алкохол, четворица за возење со брзина поголема од дозволената во населено место и пет возачи за возење со брзина поголема од дозволената надвор од населено место.
Понатаму, според статистичкиот преглед од полициските активности, евидентирани се 97 прекршоци за неправилно паркирање, 122 мерки се изречени за возачи што управувале возило без возачка дозвола, како и 47 санкции за возење под дејство на алкохол.
Од друга страна пак, согласно одредбите од Законот за безбедност на сообраќајот на патиштата санкционирани биле пет возачи на мотоцикли за неносење заштитен шлем, а санкционирани се и двајца пешаци. Исто така санкционирани се 43 учесници во сообраќајот кои што не користеле сигурносен појас. Согласно Законот за возила, 33 возила биле отстранети од сообраќај заради тоа што биле нерегистрирани, а три заради техничка неисправност. Санкционирани се и пет возачи поради неисполнување на пропишаните услови во однос на затемнувањето на стаклата на возилата (фолии)“, соопшти МВР.
Сообраќајните контроли продолжуваат и во наредните денови.
„Апелираме до сите учесници во сообраќајот да ги почитуваме сообраќајните правила и прописи и заеднички да придонесеме за побезбедни патишта“, додаваат од МВР.
Македонија
„Дали Спасовски ургирал во СВР Штип за да се спаси газдата на „Пулс“, што крие ЈО и дали Коцевски го штити Спасовски“, прашува ВМРО-ДПМНЕ

„Јавноста мора да добие одговор. Дали Оливер Спасовски во својство на министер за внатрешни работи лично се јавувал во СВР Штип и барал да се изврши притисок врз полицијата во Кочани за да се заштити газдата на дискотеката Пулс“, прашува ВМРО-ДПМНЕ.
„Според информациите кои излегоа во јавноста а се обелоденети во медиуми се фрла сомнеж на вмешаност на врвот на СДС во случајот со нелегалното работење на дискотеката Пулс.
Според објавените телефонски разговори од 17 февруари 2022 година синот на газдата на Пулс Михаил Јованов се пофали на лицето Бојана дека „Оливер Спасовски се јавувал у Штип у полицијата за нас“.
Во разговорот се споменува казна од 40 000 од УЈП која според наводите требало да се „среди“ преку политичка интервенција. Наместо полицијата да го спроведува законот била под притисок „да не досадува“.
„И он кажал тој началникот од Кочани утре одма на информативен разговор да дојде … кај началникот за Источна Македонија… ќе им с’ржат малку… да се посе*ат“, завршува Михаил.
Ова е сериозно обвинување за злоупотреба на функција, влијание врз институциите и партиска заштита на блиски бизниси. Дали ЈО покренало постапка по овие наводи?
Дали Оливер Спасовски бил повикан на разговор и која е неговата улога во заштитата на газдата на дискотеката Пулс и работата на дискотеката? Дали е извршена контрола во СВР Штип и ОВР Кочани?
Дали Коцевски работи според закон или по нарачка на СДС? Коцевски и ЈО да не молчат. Доколку не е постапено тоа значи дека обвинителството свесно го прикрива скандалот и штити моќници“, се наведува во соопштението на ВМРО-ДПМНЕ.