Свет
Израелците мирно го преземаа „Рејчел Кори“
Израелските војници во сабота мирно ја преземаа контролата врз ирскиот брод со хуманитарна помош и ќе го спроведат до пристаништето во Ашдод, соопшти израелската армија
Портпаролката на израелската армија Авитал Леибовиц рекла дека преземањето се одвивало со целосна соработка на екипажот, прнесува AFP.„Нашите сили се качија на палубата од бродот и ја преземаа контролата без отпор на екипажот и патниците“, изјавила Леибовиц.
„Според првичните информации, нема повреди ниту од војниците, ниту меѓу членови на екипажот, бидејќи употребата на сила не беше потребна и не е користено никакво оружје“, додала Лиебовиц.
Откако бродот ќе биде доведен во пристаништето Ашдод, се очекува дека екипажот и хуманитарците ќе бидат депортирани а хуманитарната помош, израелските валсти ќе ја однесат во Појасот Газа од страна на земјата. Малезијскиот министер за надворешни работи Анифак Аман, официјално побара до Тел Авив да ја осигура безбедноста на сите активисти за човекови права, меѓу кои шестмина се Малезијци. Инаку Малезија и Израел немаат воспоставено дипломатски односи. Според малезиските медиуми, на бродот „Рашел Кори“ имало околу 550 тони лекови, градежни материјали, образовни литература и играчки кои биле проверувани при нивното вторварување во Ирска.Со ова заврши повеќечасовната тензична ситуација во водите пред Појасот Газа, што ја следеше целиот свет, откако екипажот на ирскиот брод „Рашел Кори“ претходно трипати одби самиот да го насочи бродот кон Ашдод. Ирскиот брод кој превезува хуманитарна помош и цемент што израелските власти го забрануваат да се внесе во Газа, беше следен од најмалку три воени брода. Израелската воена морнарица со три брода почна да го следи ирскиот брод кој се наоѓаше околу 65 километри од Газа, Како што првично известија агенциите и на него се качиле израелските војници, но палестинските активисти од одборот за дочек на помошта во Газа дополнително ги демантирале овие информации.САД во петокот доцна навечер на екипажот на бродот му порачаа да ги избегнува судирите и да се грижат за својата безбедност.Портпаролот на американскиот Совет за национална безбедност, Мајк Хамер, потенцираше дека ниту САД „не се задоволни со блокадата“.„Сегашната состојба е нодржлива и траба да се измени“, рекол Хамер.Израелскиот министер за надворешни работи, Авигдор Либерман во петок навечер најави дека ќе биде запрен секој брод кој „ќе се обиде да го повреди израелскиот суверенитет“ и дека бродот „Рашел Лори“ нема да стигне до брегот на Газа.И овој брод пренесува градежен материјал, што Израел не го дозволува во Газа, тврдејќи дека може да биде употребен во воени цели.Бродот „Рашел Кори“ е наречен по американската активистка кој во 2003 г. беше прегазена од израелски воен булдожер во текот на протестите во Газа, беше пресретнат десет наутички милји од брегот односно во израелската територија на забрана од 20 милји.На бродот се наоѓаат неколку ирски и малезиски активисти, меѓу кои е и 66-годишниот лауреатот на Нобеловата награда од Ирска, Мајрид Мегвајр. Ораганизаторите на ова патување првично се надеваа дека на бродот ќе доведат уште неколку прочуени личности, вклучувајќи ја и преживеаничката на Холокаустот, Хеди Епштајн и група на новинари, но не успеале пораката навреме да му ја пренесат на бродот за да застане во одредените пристаништа.Ирскиот премиер Брајан Коуен неколку пати остро го опомена Израел дека на бродот мора да му биде дозволено да влезе во Газа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Американец заработил 100.000 долари и добил данок од 34,6 милијарди долари
Многумина би сакале едно утро да се разбудат како милијардери, но еден Американец кој ја имал таа можност, доживеал шок. Бери Тангерт од Ланкастер бил шокиран откако даночниците пресметале дека треба да им плати 34 милијарди долари.
Овој Американец, кој вообичаено тврдел дека заработува 100.000 долари годишно, целосно се изненадил кога ја видел огромната бројка на својата сметка.
Одделот за приходи на Пенсилванија му испратил сметка, во која пишувало дека и должи на државата 34.576.826.561,47 долари.
Тангерт за американските медиуми изјави дека знаел дека тоа е очигледна грешка, бидејќи не заработува повеќе од 100.000 долари годишно, па нема шанси да должи ни приближно до таа сума.
„Не знам дали се работи за компјутерска грешка во преносот или дали е грешка при внесување на моите податоци“, додаде Бери Тангерт.
Тангерт рече дека се обратил до Одделот за приходи и службеникот рече: „Имавте добра година“, на што рече дека посакувал да има.
Бери Тангерт се уште не добил официјално објаснување од властите, како дошло до грешка што го „задолжила“ за милијарди долари.
Управата за приходи за американските медиуми изјавила дека тоа што се случило е „изолиран инцидент, бидејќи во системот биле внесени погрешни бројки“, пренесува Спутник.
Свет
Јулија Навална: На Путин мора да му дојде крајот
Јулија Навална, вдовицата на рускиот опозициски политичар Алексеј Навални, денеска, по повод инаугурацијата на Владимир Путин за претседател на Русија, изјави дека неговиот режим се заснова на лаги и корупција и дека мора да му дојде крајот.
„За мене лично, последните шест години од владеењето на Путин беа годините во кои мојот сопруг, Алексеј Навални, вистински руски патриот, беше прогонуван, отруен со хемиско оружје, суден, мачен во затвор три години, а потоа убиен“, рече Навална и го обвини рускиот претседател за сето тоа. Како што рече таа во видеото објавено на ‘Јутјуб’, со секој негов мандат сѐ се влошува и додаде дека е страшно да се замисли што друго ќе се случи доколку Путин остане на власт.
„Секојдневно ни се крадат огромни суми пари за да се бомбардираат мирните градови“, им порача Јулија на граѓаните на Русија и истакна дека Путин се плаши да ги открие вистинските бројки на жртвите на „крвавата и бесмислена војна што никој не ја сака, освен него“.
Таа рече дека Русија со Путин „нема да има ниту мир, ниту развој, ниту слобода“ и дека тој го изневери ветувањето дадено за време на последниот инаугуративен говор кога рече дека сака мирна Русија, безбедна за нејзините граѓани.
„Пред два месеца Русија доживеа масовна трагедија, еден од најголемите и најстрашни терористички напади во поновата историја. Руските безбедносни сили не успеаја да го спречат и дозволија десетици смртни случаи на наши сограѓани. А сепак мирни поединци секојдневно се апсат поради новинарство, мислења или дури објави на социјалните мрежи“, рече Навална. Таа додаде дека мора да се осигури дека никој во светот нема доверба во Путин, ниту во Русија ниту надвор од нејзините граници.
„Нашата земја моментно ја води лажго, крадец и убиец, но на тоа ќе му дојде крајот. Не откажувајте се, вистината ќе победи“, заклучи Јулија, пренесува „Танјуг“.
Регион
Советот на Европската Унија го усвои планот за раст за Западен Балкан
Советот на Европската Унија денеска даде зелено светло за воспоставување на инструментот за реформи и раст за Западен Балкан.
Ова го претставува финансискиот дел од планот за раст за Западен Балкан, кој на земјите од нашиот регион, вклучително и Србија, им обезбедува шест милијарди евра од буџетот на Европската Унија, две милијарди директна помош и четири заеми.
За да добијат пари, земјите треба да подготват реформски агенди, во кои ќе наведат кои реформи ќе ги спроведат.
Дополнително, предуслови за добивање пари, меѓу другото, се почитување на демократските принципи, слободни и фер избори, медиумски плурализам, независност на судството, владеење на правото.
Дополнителни предуслови имаат и Белград и Приштина, што е видливо поместување во нормализацијата на односите, како и исполнување на обврските што произлегуваат од претходно договорените договори.