Свет
Итно да го одложите вториот пензиски столб!
Македонија не е подготвена за вториот пензиски столб и затоа треба итно да го одложи!
ЕКСКЛУЗИВНО: ПИСМАТА ОД СВЕТСКАТА БАНКА ДО ВЛАДАТА Македонија не е подготвена за вториот пензиски столб и затоа треба итно да го одложи! Ова им било соопштено на премиерот Владо Бучковски и на надлежниот министер Стевчо Јакимовски во две одделни писма од Светската банка, која е главен супервизор и финансиер на пензиската реформа. "Дневник" дојде до писмата и ексклузивно објавува дел од нивната содржина. И покрај предупредувањата од Светската банка, Владата соопшти дека не се откажува од идејата новиот пензиски систем да почне од 1 јануари 2006 година. "Потребниот системот за собирање на придонесите од личниот доход не е готов. Тој требаше досега да биде комплетно и целосно тестиран. Значајни делови од софтверот се уште не се развиени. Новиот систем нема да биде комплетно и соодветно тестиран до јануари. Почнувањето на операцијата "Нов пензиски систем" во вакви услови би било екстремно ризично. Затоа, ние веруваме дека датумот за старт мора да биде одложен." Ова, меѓу другото, му го пишува Орсалија Каланцопулос, регионална координаторка на Светската банка за Југоисточна Европа, на македонскиот премиер Владо Бучковски. Таа ја изразува својата загриженост и најавува дека би сакала да зборува со премиерот за тоа кога на 19 ноември ќе пристигне во Скопје. Писмото, испратено уште пред една недела, примачите го чуваа во најголема тајност. За него јавноста разбра дури пред два дена, кога лидерот на опозицијата, Никола Груевски, го праша премиерот Бучковски дали навистина постои допис од Светската банка со кој се бара одложување на пензиската реформа. Портпаролот на Владата, Сашо Чолаковски, ни изјави дека "Груевски може да зборува што сака, тоа му е работа како опозиционер, а Владата нема да ја коментира секоја негова изјава". Експресно реагираше и Фондот за пензиско и инвалидско осигурување со тврдење дека не само што софтверот е добар, туку го пофалија и дека бил најсовремен систем со кој некоја државна институција располагала. Дека не е баш така, може да се прочита и во писмото што министерот за труд Стевчо Јакимовски го добил од Сандра Блуменкамп, директорка на канцеларијата на Светската банка во Скопје. И во овој допис се бара одложување на стартот на вториот пензиски столб и одредување нов датум кој ќе дозволи комплетирање на сите модули на софтверот. Писмото било испратено на 9 ноември. Според неофицијалните информации до кој дојде "Дневник", софтверот на Фондот за пензиско и инвалидско осигурување не е комплетно тестиран. Досега бил испробан само кај четири банки и тоа само делумно. Дознаваме дека повеќето банки во земјава не биле подготвени да го прифатат софтверското решение на ПИОМ за пренос на податоците од фирмите. Неподготвеноста на Македонија за старт на пензиските реформи не била нова констатација на Светската банка. Таа се нашла и во извештајот по последната супервизија во средината на октомври. "За жал, имајќи ја предвид сегашната состојба на софтверот, нашата проценка е дека системот нема да биде комплетно и соодветно тестиран до јануари 2006. Стартувањето без да се направи тоа ќе биде екстремно ризично и хазардски. Особено сме загрижени пензиските придонеси што ќе се акумулираат на приватните сметки. Тие се приватна сопственост и нивното навремено и точно распределување е критично", напишала Светската банка во октомврискиот извештај и побарала ургентно одложување на реформата. Од Банката и порачуваат на Владата да ја научи лекцијата од полскиот пример. Според нив, сегашната ситуација во Македонија е многу слична на таа во Полска пред да почне да функционира новиот пензиски систем. Во оваа земја системот се соочил со многу проблеми и било потребно повеќе од една година за да се поправат грешките.
Кој лаже: Светска банка или министерот Јакимовски? Лично, не сум добил никакво писмо, рече министерот за труд Стевчо Јакимовски, одговарајќи на прашањето на новинарот на "Дневник" дали е вистина дека на 9 ноември добил допис од директорката на Светската банка за Македонија, Сандра Блуменкамп, во кое таа изразува "загриженост од недостигот од соодветен прогрес" во пензиската реформа. "Дневник" дојде до фотокопијата од писмото и објавува факсимил од него во кој јасно се гледа кому и кога е испратено. Јакимовски призна дека има проблеми со софтверскиот систем, но рече дека до 1 јануари се ќе биде средено.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ЕК: Секоја од нашите земји-членки може привремено да ја укине забраната за летови на авионот на Путин
Најавената средба меѓу претседателите на САД и Русија во Будимпешта е добредојдена ако може да доведе до праведен и траен мир во Украина, изјави денес портпаролот на Европската Комисија.
„Ја поздравуваме оваа средба ако помогне во постигнувањето на траен и праведен мир во Украина“, изјави портпаролот на Комисијата, Олоф Гил.
Претседателот на САД, Доналд Трамп, по телефонскиот разговор со рускиот претседател Владимир Путин објави дека двајцата ќе се сретнат во Будимпешта во следните две недели.
Во врска со логистичките прашања околу пристигнувањето на рускиот претседател во Будимпешта, Комисијата објасни дека секоја земја-членка може по исклучок да одобри отстапување од забраната за влез во европскиот воздушен простор за руски авиони.
Портпаролката на Комисијата, Анита Хипер, изјави дека како дел од санкциите против рускиот претседател Путин и министерот за надворешни работи Сергеј Лавров, средствата во ЕУ се замрзнати, но нема и забрана за влез на територијата на ЕУ.
Меѓународниот кривичен суд (МКС) издаде налог за апсење на Путин во 2023 година за воени злосторства поврзани со нелегалната депортација на украински деца.
Унгарија веќе беше домаќин на израелскиот премиер Бенјамин Нетанјаху во април оваа година, за кого МКС исто така издаде налог за апсење. После тоа, унгарската влада информираше дека се повлекува од тој суд.
Сепак, според статутот на МКС, Унгарија сè уште е должна да го уапси Путин бидејќи повлекувањето од судот стапува на сила една година откако генералниот секретар на ОН беше известен.
Во унгарскиот случај, тоа е јуни 2026 година.
Шефот на унгарската дипломатија, Петер Сијарто, денес изјави дека Будимпешта ќе обезбеди Путин непречено да влезе на нејзина територија со цел средба со Трамп и дека успешно ќе се врати во Русија.
фото:принтскрин
Свет
ОН: Потребно е време за да се намали гладот во Појасот Газа
Обединетите нации во петокот објавија дека ќе биде потребно време за да се намали гладот во Појасот Газа и повикаа на отворање на сите премини кон воено разурнатата палестинска територија.
– Ќе биде потребно извесно време за да се намали гладот - изјави портпаролката на Светската програма за храна на ОН (WFP) Абер Етефа на прес-конференција во Женева.
Светската програма за храна на ОН испорачуваше просечно 560 тони храна во Газа дневно од почетокот на прекинот на огнот, но ова е сè уште под она што е потребно, рече Абер Етефа.
– Сè уште сме под она што ни треба, но стигнуваме до таму. Прекинот на огнот отвори тесен прозорец на можности, а WFP се движи многу брзо и успешно кон зголемување на помошта за храна – изјави Етефа за новинарите, пренесува Ројтерс.
Фото: принтскрин
Свет
Песков: Многу работи треба да се договорат пред самитот Путин-Трамп
Кремљ во петокот соопшти дека самитот меѓу претседателот Владимир Путин и Доналд Трамп би можел да се одржи во рок од две недели или малку подоцна, но дека има многу работи што треба да се договорат пред да се одреди датум.
Трамп и Путин во четвртокот се согласија да одржат втор самит за војната во Украина, привремено закажан во Будимпешта, по состанокот на 15 август во Алјаска кој не донесе напредок.
Изненадувачката најава дојде пред состанокот меѓу Трамп и украинскиот претседател Володимир Зеленски, и во време кога Вашингтон размислува да го снабдува Киев со крстосувачки ракети Томахавк.
Портпаролот на Кремљ, Дмитриј Песков, им изјави на новинарите дека рускиот министер за надворешни работи Сергеј Лавров и американскиот државен секретар Марко Рубио ќе мора да договорат меѓусебен состанок за да решат голем број прашања пред самитот.
– Има многу прашања, треба да се утврдат преговарачките тимови и така натаму. Затоа, сè ќе се прави во фази, но, се разбира, волјата на претседателот е тука – рече Песков.
– (Самитот) навистина би можел да се одржи во рок од две недели или малку подоцна. Постои општо разбирање дека ништо не треба да се одложува – рече тој.
Песков нагласи дека Русија останува отворена за мирно решение за ставање крај на војната во Украина.
Русија ги обвинува Киев и неговите европски сојузници за одложување на мировните преговори. Тие, пак, ја обвинуваат дека поставува неприфатливи барања и изјавија дека не веруваат дека Путин е сериозен во врска со постигнувањето мир.
Кремљ одделно соопшти дека Путин и унгарскиот премиер Виктор Орбан разговарале по телефон во петокот за претстојниот самит и дека Орбан рекол дека Унгарија е подготвена да биде домаќин на настанот, пренесува Ројтерс.
Фото: принтскрин
Пукање во Ѓорче Петров, жител пријавил дека му е скршен прозорецот од дневната соба, а во куќата нашол две зрна од оружје
Доцна синоќа во 03:00 часот во СВР Скопје, М.Ј.(39) од Скопје пријавил дека околу 02:50 часот, додека бил во неговиот...
Се гледаме во вториот круг, рече Шукова и повика недела да биде празник на демократијата и на слободата на одлучување
Кандидатката за градоначалничка на Скопје од СДСМ, Каја Шукова, ја заокружи кампањата за првиот изборен круг со повик до граѓаните...
Секој изгубен ден во политички престрелки е изгубена можност за Скопје, в недела масовно да излеземе, повика Ѓорѓиевски
На последниот ден од изборната кампања за првиот круг на локалните избори, кандидатот за градоначалник на Скопје од ВМРО- ДПМНЕ,...
Андоновски: Македонија добива современ и сеопфатен план за дигитален развој
Министерот за дигитална трансформација, Стефан Андоновски, денеска ја претстави новата Национална стратегија за информатичко-комуникациски технологии – „СМАРТ/МК 2030“, со што,...
Нема моќно оружје за Украина: Трамп ја менува приказната по разговорите со Путин
Американскиот претседател Доналд Трамп денес ќе го угости украинскиот претседател Володимир Зеленски во Белата куќа, но има сè повеќе знаци...
(Фото) Министерот за здравство се вакцинира против грип: Апелирам граѓаните навреме да се заштитат
Министерот за здравство Азир Алиу денеска го посети одделението за епидемиологија во Гостивар, каде и тој прими вакцина против сезонскиот...
(Видео) Русија: Нападнавме украински аеродром, каде што беа стационирани авиони на НАТО
Руските сили извршија напад врз воениот аеродром во Криви Рих, каде што наводно биле стационирани авиони на НАТО, објави руската...
Зеленски реагира на најавениот самит Трамп – Путин: тој денес пристигнува во Белата куќа
Американскиот претседател Доналд Трамп денес е домаќин на украинскиот претседател Володимир Зеленски во Вашингтон за да разговараат за иднината на...
(Видео) Трамп: Го прашав Путин дали би имал ништо против ако им дадам неколку илјади „томахавки“ на Украинците
Претседателот на САД, Доналд Трамп, изјави дека за време на разговорот со рускиот претседател Владимир Путин ја споменал можноста Украина...
Пицула ја критикува ЕУ за пофалбите што ги дава на Србија: „Наместо тоа, барајте вистински реформи“
Известувачот на Европскиот парламент за Србија, Тонино Пицула, изјави дека претставниците на ЕУ треба да се воздржат од прекумерно фалење...
Дописник на Би-би-си: Заборавете на „томахавките“, состанокот Трамп – Путин е ладен туш за Украинците
Доналд Трамп повторно се обидува да ги комбинира дипломатијата и политиката на моќ – овој пат помеѓу Москва и Киев....
Шукова: Време е за резултати, уреден Бутел, нови паркови, подобар превоз и вода за сите
Кандидатката за градоначалник на Град Скопје од СДСМ, Каја Шукова, вчера одржа митинг во Бутел, каде пред жителите порача дека...
Трамп по телефонскиот разговор: Ќе се сретнам со Путин во Будимпешта
Американскиот претседател Доналд Трамп денес разговараше по телефон со рускиот претседател Владимир Путин, еден ден пред најавената средба со украинскиот...
МВР со детали: Поткопан е темелот на куќата на Владо Малески, против сторителот ќе биде поднесена кривична пријава
Се огласи полицијата по случајот со уривањето на дел од спомен-куќата на Владо Малески, авторот на текстот на македонската химна....
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
