Продолжение на судењето на обвинетите за криминалната продажба на НИП “Нова Македонија”

Продолжение на судењето на обвинетите за криминалната продажба на НИП “Нова Македонија”

Душко Аврамски се интересираше каде завршиле парите што ги префрлил за плати, но сведокот рече тие пари државата ги дала како донација

ЉубиШа СТАНКОВИЌ

На продолжението на судскиот процес што се води против поранешниот генерален директор на НИП “Нова Македонијааи, Никола Тасев(29), директорот на маркетингот, Ѓорѓи Бошков (30), в.д. заменикот-директор на Агенцијата за приватизација, Душко Аврамски, тогашниот министер за економија, Бесник Фетаи (38), сопственикот на БНМ, Зоран Стојановиќ(48) и управникот на фирмата “Зум промоушнни, Гордана Кузмановска-Николовска(29), сите обвинети за злоупотреба на службената должност, сведочеше правниот застапник на наводните словенечки купувачи, скопскиот адвокат Владимир Ракочевиќ.

Според сведокот, купувањето на пакетот-акции, сопственост на Владата од 69,76 отсто било извршено на најлегален начин, со појаснување дека фирмата “Југ сторитвееи на своја штета влегла во оваа трансакција. Ваквото свое тврдење тој го поткрепи со акумулираната загуба од 20 милиони евра и задолжувања од нови девет милиони евра. Но, и покрај големите финансиски дубиози, наводните купувачи се согласиле да ја купат најстарата новинска куќа. Единствен проблем што се појавил, како што изјави Ракочевиќ, бил на каков начин ќе се изведе продажбата. Според адвокатот, постоеле повеќе варијанти, но како најприфатлива била онаа да се платат 2,3 милиони евра и да се задржат сите 1.427 вработени и преквалификација на 650 работници, иако постоела можност куќата да се купи за само едно евро и да се отпуштат 557 вработени. Ракочевиќ изјави дека купопрадажниот договор не го обврзувал купувачот да каже и како ќе ги обезбеди средствата што требало да ги уплати за купувањето на акциите. Тој тврдеше дека фирмата “Југ сторитвееи не само што имала пари за купување туку дека за нивната трансакција постоеле и банкарски гаранции од Хипо алпе адрија банкааи од Клагенфурт, Австрија, и од една банка од Целје. Ракочевеќ опширно појаснуваше за текот на парите, така што и кога ќе му беше одземен зборот од судот ,тој продолжуваше да говори. Ракочевиќ тврдеше дека 132 милиони денари што Владата ги одредила за исплата на пет заостанати плати на вработените во НИП-от не биле наменски, односно дека се работело за донација од државата. Објаснувајќи дека за потребите на “Југ сторитвееи тој најнапред ја извршувал функцијата советник, па потоа и полномошник, Ракочевиќ рече дека во речиси сите судски спорови, кои се однесуваат на НИП “Нова Македонијааи, тој се јавува како заинтересирана странка.

На прашање од застапникот на обвинението со кого во тој период сведокот имал контакти, Ракочевиќ рече дека немал контакти со никого од обвинетите, односно дека проследил само едно писмо до Министерството за економија. На ваквиот негов одговор следуваше прашање: како е можно никого да не контактира, а да ги знае сите работи кои се однесуваат на состојбите во НИП-от? Вештото лице го праша сведокот за цената за прекалификација. Адвокатот одговори дека таа изнесувала 25.000 евра за секој вработен поединечно, иако таа можела да биде и помала.

Следуваше прашање дали тој знае за одлуката на Владата за исплата на пет заостанати плати за вработените, а беше прашан и за кредитот во висина од 62 милиони денари. На поставените прашања сведокот даваше долги експликации за на крајот да каже дека од купувањето на НИП “Нова Македонијааи словенечкиот конзорциум “Југ сторитвееи не само што немал никаква корист, туку имал и загуба. На оваа негова констатација следуваше прашање од судијата Шазивар Исини: како е можно некој да купува за своја штета?

Обвинетиот Душко Аврамски се интересираше каде завршиле парите што тој како в.д. директор на Агенцијата за приватизација ги потпишал токму за исплата на плати, односно од каде знае тој дека средствата не биле наменети за исплата на плати, туку, наводно, биле дадени како донација од државата. Адвокатот Ракочевиќ рече дека му е познато за одлуката на Владата, но оти парите не биле за таа намена, дека НИП-от имал доволно средства и дека од таа причина на Агенцијата с биле вратени 30 милиони денари.

Продолжението на овој судски процес, еден од оние кои поради својот тек се најде на таканаречената црна листа на американската администрација, е закажано за 5, 7 и 8 април.