Македонија
Уште шест села бараат извинување од Црвенковски
Жителите на Стојаково, Ѓавато, Богданци, Селемлија, Грчиште и Мрзенци, соседни села на Паљурци, денеска се придружија на барањето на Координативното тело од ова село Бранко Црвенковски да им се извини на сите граѓани што живеат во селските месни заедници
Како што стои во соопштението од месните заедници на шесте села, тие ја осудуваат навредата на Црвенковски кон сите села во Македонија преку симболиката на Паљурци.„Црвенковски кажа дека Паљурци било само симболика. Значи, зборовите и навредите на Паљурци беа наменети против сите нас. Поради неговата симболика, тој упати навреди и до Стојаково, Ѓавато, Богданци и Селемлија. Неговата ароганција кон селата и селаните ја оправдува со неговиот пат кон Брисел“, пишува во соопштението.Оттаму додаваат дека Црвенковски греши кога вели дека селата го попречуваат патот кон Брисел.„Во нашите села живееме чесно, со труд и со љубов кон Македонија. Затоа, заслужуваме повеќе почит од човекот кој беше претседател на сите граѓани на Македонија“, пишува во соопштението потпишано од соседните месни заедници.Жителите од Стојаково, Ѓавато, Богданци и Селемлија се нашле погодени во саботната изјава на лидерот на СДСМ бидејќи голем дел од семејствата што живеат во нив имаат свои предци во Паљурци. „Го прашуваме Црвенковски, ние граѓаните од село Грчиште, кое е дел од општина Валандово, каде да гледаме ние селаните?“, се вели во писмото за поддршка до Паљурци од селото Грчиште.Преписката помеѓу СДСМ и паљурчани почна во вторникот, кога Координативното тело од ова село реагираше на говорот што Црвенковски го имаше на 11. Конгрес на партијата во саботата. Тој тогаш рече дека државата повеќе не треба да биде свртена кон Пела и Паљурци, ами кон Брисел и Европа.Откако Координативното тело на селото побара извинување од Црвенковски, СДСМ преку соопштение проба да го оправда својот лидер со тоа што тврдат дека станало збор за недоразбирање и дека селото било споменато само симболично.Социјадлемократите на членовите на Координативно тело вечера им порачува, како што стои во писмената изјава, дека „…никој не Ви дава право да го поистоветувате Паљурци со сите останати македонски села, ниту пак да се претставувате како бранители на достоинството на сите македонски села. Ако гордоста со своето село ја темелите врз дупката во која гледаше Претседателот Иванов и неговите придружници, а која беше посочена како бунарот од кој Свети Апостол Павле се напил вода и ја гасел својата жед, тогаш мораме да Ви порачаме дека многу грешите!“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДУИ: Изет, на линија со Силјановска и ВМРО, му се заканува на Али Ахмети
„Изет Меџити и албанската опозиција на линија со Гордана Силјановска од ВМРО. Впрочем, истите ја презедоа улогата на „маша“ на Мицкоски против се што е албанско. Недалеку од денеска, губитникот на изборите на 24 април, Изет и неговите партнери се осмелуваат и им се закануваат на Албанците и на лидерот на ДУИ, Али Ахмети, обидувајќи се да внесат страв и неизвесност во пресрет на 8 мај, исто како што тоа го прават Силјановска и Мицкоски“, велат од ДУИ.
„ДУИ и Европскиот фронт изразуваат загриженост за валканиот речник на Изет и албанската опозиција, а истовремено ги повикуваат граѓаните да не станат плен на мрачните и дестабилизирачки агенди со центар во Белград и Москва.
Им ставаме до знаење на Изет и неговите следбеници, дека Северна Македонија е веќе полноправна членка на НАТО и наскоро членка на Европската Унија.
Трасираниот пат и демократските институции не можат да се уништат со полициски закани, а тоа најдобро ќе го дознаете на 8 мај, кога Европскиот фронт ќе освои +20 пратеници.
Во оваа прилика ги повикуваме граѓаните на 8 мај масовно да го заокружат бројот 4 и да го спречат враќањето на полициската држава и истовремено да ја заверат длабоката историска победа на ДУИ и Европскиот фронт“, се наведува во соопштението на ДУИ.
Македонија
Изет Меџити: ДУИ сака да ги повлече Албанците во бездна
„Во страв од поразот кој несомнено ги чека, ДУИ веќе го загуби компасот! Така, нивната единствена цел сега е да предизвикаат политичка криза за да ги спасат корумпираните во нивните редови, обидувајќи се да продолжат со техничката влада повеќе од 100 дена. Целите на Али Ахмети беа јасни и ВЛЕН ја предупреди јавноста од моментот кога со кандидатурата на Бујар Осман, ДУИ умислено ја елиминираше можноста Арбен Таравари да влезе во вториот круг од претседателските избори“, рече Изет Меџити.
„Затоа, денес јавно го прашуваме Али Ахмети:
Дали е вистина дека им наредивте на општинските организации да организираат бојкот на вториот круг од претседателските избори, иако се сретнавте со Стево Пендаровски и му ветивте поддршка? Ако ова е вистина, кажете ѝ на јавноста зошто не ги бојкотиравте претседателските избори во 2019 година? Што се смени од тогаш? Дали стравот од неуспех ви го заматува видот? Или по наредба на руските центри на власта сакате да спречите новото парламентарно мнозинство да обезбеди уставни промени во рок од 6 месеци по формирањето на новата влада?
Зошто работите против интересите на ЕУ и САД? Доволно создадовте магла, одговорете на овие прашања кои се од витално значење за иднината на државата.
Сега кога ќе дојде време да преземете одговорност за корупциските скандали, вие подмолно се обидувате да го злоупотребите целиот албански народ како штит, но и помалите етнички заедници кои ги користите како заложници. Овие трикови веќе видени, не поминуваат.
По 8ми мај ќе има Влада со ВЛЕН како единствен легитимен политички претставник на Албанците, ќе има и мнозинство на Бадентер, ќе се обезбедат основите на Охридскиот рамковен договор и ќе има одговорност за сите што работеа спротивно на законите. Не можете и не смеете заминувањето на ДУИ во опозиција да го претставите како проблем за опстанок на државата. Ова е крајно неодговорно и кукавичко.
Затоа, ве повикуваме да престанете да ги срамите Албанците и славните борци на УЧК. Не е крај на светот ако одиш во опозиција. Како легалисти и демократи со нашиот политички кредибилитет гарантираме дека нема да има реваншизам, туку одговорност ќе има само кога тоа ќе се докаже во правилни судски постапки“, изјави Изет Меџити.
Македонија
Битиќи: Соживотот и солидарноста се основи на прогресот на нашето општество
„СДСМ од секогаш била предводник на визионерство, државништво и прогресивност, секогаш со поглед кон иднината, со нагласено политичко чувство за потреба од добрососедски односи, за интеграција во ЕУ, но пред сѐ за градење на хармонични односи меѓу различните заедници во земјава. Од оваа наша мисија не се откажувам, по 8-ми мај продолжуваме, на тоа нѐ обврзуваат нашите социјалдемократски вредности“, порачува Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.
Битиќи истакнува дека патот кон е ЕУ е тежок, тој бара многу промени кај нас и тоа треба да биде мотивација за претстојните парламентарни и претседателски избори да се заокружи бројот 1.
„Наша цел е европските стандарди и вредности да ги донесеме овде, да им овозможиме на граѓаните подобар квалитет на живот“, вели Битиќи.
Тој посочува дека таа промена може лесно да се направи со прифаќање на социјалдемократските вредности кои, како што вели Битиќи, се многу блиски и на христијанството и на исламот.
„Во пресрет на големиот христијански празник Велигден, сакам да потсетам дека социјалдемократијата има многу заедничко со религиите. Социјалдемократијата не’ подучува на сочувство кон ранливите, кон маргинализираните, да се стремиме кон праведно општество, каде што секој, независно од неговата различност, ќе има пристап до образование, вработување и достоинствен живот. Нема нешто поблагородно од пораката да се однесуваме кон сите со праведност и љубов“, вели Битиќи и апелира во пресрет на двојните избори на 8-ми мај да се препознае моќта на заедништвото и да не се дозволи национализмот да го разедини општеството.
„По 8-ми мај, да продолжиме да бидеме заедно, да ги споделуваме потешкотиите, но и радостите во животот. Цврсто да ја држиме заедничката визија за европска Македонија, во која никој нема да биде изоставен, исклучен или исфрлен“, вели Битиќи.