Свет
Русија го одложи лансирањето на ракетата Протон
Лансирањето на ракетата „Протон-М“ со холандскиот телекомуникациски сателит SES-4 (NSS-14), кое требаше да се изврши во понеделникот навечер од рускиот космодром Бајконур во Казахстан, е одложено од технички причини, соопшти прес-службата на руската вселенска агенција Роскосмос.
Лансирањето на ракетата „Протон-М“ со холандскиот телекомуникациски сателит SES-4 (NSS-14), кое требаше да се изврши во понеделникот навечер од рускиот космодром Бајконур во Казахстан, е одложено од технички причини, соопшти прес-службата на руската вселенска агенција Роскосмос.Како што се наведува во соопштението што го пренесува РИА Новости, причина за одложеното лансирање кое требаше да се случи во 1941 часот по средноевропско време е замената на опремата и спроведување дополнителни проверки. Според оваа изјава, ракетата била поставена на стартниот комплекс, а потоа транспортирана во делот од космодромот за монтирање и тестови.„На 26-ти декември, при подготовките за лансирање на ракетата носач ’Протон-М’ со ткн горната фаза (бризер) ’Бриз-М’ се јави неисправност кај комплексот на командните уреди за бризерот. директорот на Роскосмос, Владимир Поповкин, одлучи да го одложи лансирањето на ракетата поради технички причини“, се наведува во цитираното соопштение.Сателитот SES-4 (NSS-14), кој го изработи американската компанија „Space Systems/Loral“ за потребите на холандската „New Skies Satellites’, требаше да ги обезбеди телекомуникациските врски меѓу источна Европа, западна Африка и јужна и северна Америка. Ова одложување на лансирање се случува три дена откако беше неуспешно лансиран рускиот телекомуникациски сателит за воени и цивилни цели чии делови паднаа во Сибир, а поради грешка на ракетата „сојуз“, којашто во петокот требаше да го постави во орбитата.Русија на почетокот од ноември за четири часа го одложи лансирањето на ракетата „Протон-М“ со трите навигациски сателити Glonaass, од сличните причини кои се наведени и во овој случај. Русија ги суспендираше сите лансирања на ракетите „Протон-М“ откако сателитот за врски Express-AM-4 во август годинава беше лансиран во погрешна орбита. Руските, медиуми, исто така, го наведуваат и неуспешниот обид за лансирање на воениот сателит Geo-Ik2, од космодромот Плесецк, во февруари, кој исто така беше однесен во погрешна орбита. Покрај тоа, се наведува и неуспешното изведување од орбитата на вселенската станица „Фобос-Грунт“ („Фобос-Почва“) која требаше да донесе материјали од површината на Марсовата месечина Фобос, која по лансирањето на 9-ти ноември откако се оддели од ракетата носач „Зенит-2СБ“ непостигнувајќи го дозволениот максимум на погонот остана во орбитата на Земјата./крај/рн/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Американец заработил 100.000 долари и добил данок од 34,6 милијарди долари
Многумина би сакале едно утро да се разбудат како милијардери, но еден Американец кој ја имал таа можност, доживеал шок. Бери Тангерт од Ланкастер бил шокиран откако даночниците пресметале дека треба да им плати 34 милијарди долари.
Овој Американец, кој вообичаено тврдел дека заработува 100.000 долари годишно, целосно се изненадил кога ја видел огромната бројка на својата сметка.
Одделот за приходи на Пенсилванија му испратил сметка, во која пишувало дека и должи на државата 34.576.826.561,47 долари.
Тангерт за американските медиуми изјави дека знаел дека тоа е очигледна грешка, бидејќи не заработува повеќе од 100.000 долари годишно, па нема шанси да должи ни приближно до таа сума.
„Не знам дали се работи за компјутерска грешка во преносот или дали е грешка при внесување на моите податоци“, додаде Бери Тангерт.
Тангерт рече дека се обратил до Одделот за приходи и службеникот рече: „Имавте добра година“, на што рече дека посакувал да има.
Бери Тангерт се уште не добил официјално објаснување од властите, како дошло до грешка што го „задолжила“ за милијарди долари.
Управата за приходи за американските медиуми изјавила дека тоа што се случило е „изолиран инцидент, бидејќи во системот биле внесени погрешни бројки“, пренесува Спутник.
Свет
Јулија Навална: На Путин мора да му дојде крајот
Јулија Навална, вдовицата на рускиот опозициски политичар Алексеј Навални, денеска, по повод инаугурацијата на Владимир Путин за претседател на Русија, изјави дека неговиот режим се заснова на лаги и корупција и дека мора да му дојде крајот.
„За мене лично, последните шест години од владеењето на Путин беа годините во кои мојот сопруг, Алексеј Навални, вистински руски патриот, беше прогонуван, отруен со хемиско оружје, суден, мачен во затвор три години, а потоа убиен“, рече Навална и го обвини рускиот претседател за сето тоа. Како што рече таа во видеото објавено на ‘Јутјуб’, со секој негов мандат сѐ се влошува и додаде дека е страшно да се замисли што друго ќе се случи доколку Путин остане на власт.
„Секојдневно ни се крадат огромни суми пари за да се бомбардираат мирните градови“, им порача Јулија на граѓаните на Русија и истакна дека Путин се плаши да ги открие вистинските бројки на жртвите на „крвавата и бесмислена војна што никој не ја сака, освен него“.
Таа рече дека Русија со Путин „нема да има ниту мир, ниту развој, ниту слобода“ и дека тој го изневери ветувањето дадено за време на последниот инаугуративен говор кога рече дека сака мирна Русија, безбедна за нејзините граѓани.
„Пред два месеца Русија доживеа масовна трагедија, еден од најголемите и најстрашни терористички напади во поновата историја. Руските безбедносни сили не успеаја да го спречат и дозволија десетици смртни случаи на наши сограѓани. А сепак мирни поединци секојдневно се апсат поради новинарство, мислења или дури објави на социјалните мрежи“, рече Навална. Таа додаде дека мора да се осигури дека никој во светот нема доверба во Путин, ниту во Русија ниту надвор од нејзините граници.
„Нашата земја моментно ја води лажго, крадец и убиец, но на тоа ќе му дојде крајот. Не откажувајте се, вистината ќе победи“, заклучи Јулија, пренесува „Танјуг“.
Регион
Советот на Европската Унија го усвои планот за раст за Западен Балкан
Советот на Европската Унија денеска даде зелено светло за воспоставување на инструментот за реформи и раст за Западен Балкан.
Ова го претставува финансискиот дел од планот за раст за Западен Балкан, кој на земјите од нашиот регион, вклучително и Србија, им обезбедува шест милијарди евра од буџетот на Европската Унија, две милијарди директна помош и четири заеми.
За да добијат пари, земјите треба да подготват реформски агенди, во кои ќе наведат кои реформи ќе ги спроведат.
Дополнително, предуслови за добивање пари, меѓу другото, се почитување на демократските принципи, слободни и фер избори, медиумски плурализам, независност на судството, владеење на правото.
Дополнителни предуслови имаат и Белград и Приштина, што е видливо поместување во нормализацијата на односите, како и исполнување на обврските што произлегуваат од претходно договорените договори.