Спорт
Прва победа на Ливерпул под Далглиш
По подолго време Ливерпул одигра добар меч и со 3.0 го совлада Вулверхептон што е прва победа на поранешниот играч на клубот Кени Далглиш по три пораза и едно реми откако на клупата го замени Рој Хоџсон. Водечките Арсенал и Манју остварија убедливи победи
Во првиот меч од 24-то коло на англиската Премиершип во саботата играчите на Ливерпул остварија дури 16 шутеви во рамките од противничкиот гол, што одамна не му се случило на еден од најтрофејните англиски и европски клубови. „Редсите“ поведоа во 36. минута откако Раул Меирелес избегна офсајт стапица и го проигра во идеална позиција Фернандо Торес кому ова беше осми погодок сезонава во англиското првенство. Меирелес во 50. минута го зголеми водството со одличен волеј удар од 25 метри, а Торес стави крај на мечот со својот деветти погодок во последната минута. Астон вила го победи претендентот за титулата Манчестер сити со 1:0, со погодокот на Дарен Бент во 18. минута. Инаку ова беше деби меч за Бент откако мината седмица дојде во клубот од Сандерленд. Тоа беше многу слабо издание на скапиот Сити во Бирмингем, со што го загубија второто место. Имаат заостаток од три бода зад водечкиот градски ривал Манчестер јунјатед, кој има и два меча помалку. Астон вила, пак, со победата се искачи на 16-та позиција и ја избегна зоната на испаѓање од лигата.Во единствениот натпревар кој беше прогласен за некаков дерби меч во 24-то коло од англиското првенство, Њукасл и Тотенхем одиграа 1:1. Се чини дека сепак загубата на лондонските „спарси“ е многу поголема затоа што се’ уште не се знае тежината на повредата на нивниот најдобар играч Гарет Бејл кој го напушти теренот во 10. минута. Њукасл поведе во 59 минута преку Колочини, а покрај пропуштената шанса на Лука Модриќ од 76. минута кога ја погоди само гредата, Тотенхем успеа да изедначи во судиското продолжение преку Аарон Ленон.Асренал на своите „Емирати“ го совлада Виган со 3:0, со хет-трикот на Робин Ван Перси кој беше прецизен во 22., 58. и 85. минута. Со оваа победа и киксот на Сити во Бирмингем, лондонските „топчии“ сега со 46 бодови се на втората позиција со меч помалку, но Манчестер јунајтед има два бода повеќе и два меча помалку. Фулам со головите на Демпси во 33. и во 55. минута од пенал, го совлада Сток сити. Блекпул загуби дома од Сандерленд со 1:2, во меч во кој головите ги постигнаа Ки во 15. и Ричардсон во 36. минута за гостите, а домашните успеаја само да намалат од пенал во 85. минута преку Адам. Евертон на домашен терен ремизираше со Вест хем со резултат 2:2. Гостите двапати беа во водство преку Спектор во 26, и Пикуен во 84. минута, а изедначуваа Билјалединов во 77 и Фелани во втората минута од судиското дополнување. Манчестер јунајтед во потерата по 19 титула (со што би го надминал Ливерпул кој има 18 шампионски пехари во Англија) со 5:0 го торпедираше Бирмингем. Тоа беше нов блесок на Бугаринот Димитар Бербатов кој постигна нов хет-трик погодувајќи во 2., 31. и 53. минута, а покрај него прецизни беа и Рајан Гигс на крајот од првото полувреме и Нани во 76. минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Барселона падна во Сан Себастијан
Лидерот во шпанската Примера, Барселона, го забележа третиот пораз во првенството. Во Сан Себастијан, во рамките на 20-то коло, Реал Сосиедад ја победи Барселона со 2:1.
Барселона на „Реале арена“, налета на мотивиран противник, чии гол го бранеше одличниот Алекс Ремиро и „против себе“ го имаше ВАР. Два гола и беа поништени на Барселона поради офсајд во првиот дел.
Сосиедад знаеше да казни, во 32-та минута, по асистенција на поранешниот играч на Барселона, Гонзало Гедеш, Микел Ојарзабал ја затресе мрежата на Џоан Гарсија.
Израмнувањето дојде во 70-та минута, кога Маркус Рашфорд, по додавање од Дани Олмо успеа да го совлада Ремиро.
Но, радоста на навивачите на Барселона не траеше долго. Само минута подоцна, Гедеш успеа да постигне гол за 2:1.
Како што се очекуваше, Барселона ја имаше иницијативата до крајот на натпреварот, но обидите на Рашфорд и Јамал не го најдоа патот до мрежата на Сосиедад. Домашниот тим од 88-та минута играше со играч помалку, бидејќи поради остар старт, Карлос Солер доби црвен картон.
По 20 рунди во првенството Барселона има само бод повеќе од Реал, додека Сосиедад стигна до осмото место со 24 бода.
Foto/ EPA
Спорт
(Видео) Сенегал е шампион на Африка – Брахим Дијаз трагичар, Папе Геј херој
Сенегал ја освои титулата на Африканскиот куп на нации. Во финалето, кое долго ќе се прераскажува, Сенегал го победи домаќинот Мароко со 1:0, со голот на Папе Геј во 94.минута. Натпреварот во регуларниот дел заврши без голови, а го обележа пеналот што го промаши Брахим Дијаз во 90+23 минута од судиското надополнување.
Сенегал, по 2021 година повторно е шампион на Африка. Мароко ќе почека на втората титула, првата ја освои пред 50 години.
Натпреварот со многу интензитет, две добри шанси за Сенегал, во првото и исто толку за Марако, во второто полувреме, на крајот мина во сенка на она што се случуваше во судиското надополнување на времето.
Најпрвин главниот судија му поништи гол на Сенегал во 93.минута, а потоа во 97-та, по интервенција од ВАР собата, Мароко доби пенал.
Сенеглаците лути од одлуката, на повик на селекторот го напуштија теренот, но не сите. Најискусниот и најдобриот Садио Мане не го послуша селекторот. Ги повика соиграчите да се вратат…А откако се вратија, топката ја зеде Брахим Дијаз, се обиде со „паненка“, но ударот беше толку лош, што буквално му ја додаде топата на голманот Менди.
CHAOS AT AFCON🤯
Senegal have a goal disallowed in injury time.
Minutes later Morocco are awarded a penalty.
Senegal players walk off in protest😡Brahim Diaz decides this is the best moment for a Panenka😬
Senegal now lead 1-0 in extra-time
— Balls.ie (@ballsdotie) January 18, 2026
Казната за промашениот пенал стигна во четвртата минута од првото продолжение, кога играчот на Виљареал, Папе Геј, од 15 метри ја закова топката зад грбот на Бону.
Шампионскиот гол можете да го погледнете Овде.
Foto/ EPA
Спорт
Лазаров: Не знам дали можам да кажам што ми е на ум, морам да внимавам да не навредам некого
Ракометната репрезентација на Македонија одигра нерешено 29:29 против Португалија во натпреварот од 2. коло од Групата Б на Европското првенство, освојувајќи бод во драматична завршница.
Македонија го освои првиот бод на ЕП и ги задржа шансите за пласман во втората фаза. Во вторник, во последното коло во групата, Македонија ќе ира против Романија, а Португалија за пртивник ќе ја има Данска.
„Не знам дали можам да кажам што ми е на ум бидејќи морам да внимавам да не навредам некого. Ние сме мала земја и сме многу деградирани! Не барам алиби, но самите видовте што се случува. Ќе ни биде многу тешко да се справуваме со вакви работи во иднина. Јавноста не нè сака, не нè поддржува, но тоа е она што ме движи во оваа работа“, рече селекторот Кирил Лазаров.
Потоа им честиташе на своите играчи за она што го покажаа против полуфиналистите на претходното Светско првенство.
„Од срце им честитам на моите играчи за она што го покажаа против полуфиналистите од претходното првенство. Во првото полувреме загубивме многу играчи, сите наши концепти се распаднаа и се создаде хаос. Се обидовме да го средиме тоа за време на паузата и некако најдовме доботна формула“, заклучи Лазаров.
Foto/ EPA
Заев и Филипче се обиделе да му ја превземат приватната болница на др. Жан Митрев, институциите молчеле, обвини ВМРО-ДПМНЕ
Заев и Филипче додека се обидувале да му ја превземат болницата на др. Жан Митрев, ја претвориле Македонија во рекетарска...
Трамп: Данска не успеа да ја отстрани руската закана од Гренланд, време е да се направи тоа
Претседателот на САД, Доналд Трамп, изјави дека Данска не успеала да направи ништо за да ја отстрани „руската закана“ од...
Внук осомничен за обид за убиство на сопствената баба
Основното јавно обвинителство Битола донесе наредба за спроведување истражна постапка против 28-годишник за кого постои основано сомнение дека се обидел...
(Видео) Најмалку 39 загинати во судир на два воза во Шпанија
Во судир меѓу два брзи воза во Адамуз, во близина на Кордоба, Шпанија, загинаа најмалку 39 лица, а повеќе од...
Денеска се празнува Богојавление-Водици
Православните верници денеска го слават празникот Богојавление кој се одбележува уште од вториот век. На овој ден, според христијанското предание,...
Во домот на судија од Апелација пронајдени соѕидани 350.000 евра
Во рамките на опсежна истрага на Основното јавно обвинителство за гонење организиран криминал и корупција иницирана откако на 14 декември...
Осумте земји на кои Трамп им најави царини поради Гренланд порачаа: Ќе останеме обединети и солидарни со Данска и Гренланѓаните
Осумте европски држави, кои се најдоа на мета на најавените царини од американскиот претседател Доналд Трамп поради поддршката за Данска...
Уставниот суд веќе ја потврди законитоста на одлуките за вонредната состојба, му одговори Пендаровски на премиерот Мицкоски
Поранешниот претседател Стево Пендаровски му возврати на премиерот Христијан Мицкоски поради неговата изјава дека има основани сомнежи за уставноста и...
Мицкоски: Мафијашки упади во времето на вонредната состојба, случајот со Жан Митрев отвора прашања и за одлуките на Пендаровски
Премиерот Христијан Мицкоски изјави дека не е изненаден од тврдењата на хирургот Жан Митрев дека поранешниот министер за здравство Венко...
Пожар во свињарска фарма во Градско, угинаа животни, неколку лица побарале лекарска помош
Вчера во СВР Велес бил пријавен пожар што избувнал во свињарска фарма на фирма во селото Долно Чичево, општина Градско....
Втор смртен случај од грип: Почина 69-годишен пациент на Инфективна
Шеесет и деветгодишен пациент починал од компликации предизвикани од сезонски грип на Клиниката за инфективни болести во Скопје, соопшти директорот...
Храна со истечен рок, лоши хигиенски услови, недостиг на санитарни книшки затекнаа инспекторите во маркетите низ државата
Приближно четириесет илјади евра во денарска противвредност е вкупната вредност на 22 казни кои ги изрекоа инспекциските служби на Агенција...
(Видео) Поплави во Австралија, евакуации во Сиднеј
Австралиските власти соопштија дека 20 лица се спасени од надојдени води во источната сојузна држава Нов Јужен Велс, поради обилните...
„Политико“ Европскиот парламент го замрзнува трговскиот договор со САД поради најавата за царини и барањата за Гренланд
Пратениците во Европскиот парламент нема да го одобрат историскиот трансатлантски трговски договор откако американскиот претседател Доналд Трамп најави нови царини...
(Видео) Филипче и Заев сакале да му ја земат болницата на Жан Митрев, Обвинителството да истражи, порача Стојаноски од ВМРО-ДПМНЕ
Пратеникот на ВМРО-ДПМНЕ, Бојан Стојаноски, на денешната прес-конференција обвини дека поранешниот министер за здравство Венко Филипче и поранешниот премиер Зоран...
Филипче го повика Жан Митрев да оди кај обвинител и да поднесе кривична, најави и тужби: „Ова не е политика, сега ќе ги тужам“
Претседателот на СДСМ, Венко Филипче, на прес-конференција обвини дека ВМРО-ДПМНЕ спроведува, како што рече, јавен линч против него преку лаги,...
Вандализиран паркот „Бановина“ во Аеродром – искршена урбаната опрема, оштетена фонтаната, а провалено е и во чуварската куќа
Општина Аеродром најостро го осуди вандалскиот чин што се случил синоќа во паркот Бановина, каде што била сериозно оштетена јавната...
Обвинение за помагачите во бегството на 18-годишникот што со автомобил усмрти жена на Народен фронт
Обвинителството поднесе обвинение против маж и жена кои како соизвршители се товарат за помагање, во случајот со 18-годишникот од Скопје...
Предлог-законот за пушењето не е удар по угостителството, туку заштита на здравото работно место, велат од Министерството за здравство
Предлог-законот за заштита од пушењето, подготвен од Министерството за здравство, предвидува забрана за пушење во затворени јавни и работни простории,...
„Не го чепкајте Гренланд“: Масовни протести во Данска и Нуук против плановите на Трамп
Големи протести против најавите на американскиот претседател Доналд Трамп за преземање на Гренланд се очекуваат денеска во повеќе градови во...
