Спасувачките екипи во сабота ги пронашле телата на загинатите рудари во рудникот Апер Биг Бренч во сојузната држава Западна Вирџинија кои цела седмица се водеа како исчезнати

Овие рудари настрадаа во експлозија на метан во јагленокопот, со што бројката на загианти во најтешкат арударска несреќа во последните четири децении на американска територија се искачи на 29 жертви.Спасувачките екипи се надеваат дека четворицата рудари успеале да дојдат до енда од четирите безбедносните комори во самиот рудник, но сепак само ги нашле нивите тела, пренесе Reuters.„Не се случи чудото за коешто се молевме. Ова патување заврши, сега почнува лечењето на раните“, изјавил гувернерот Џо Маншин.Тој додал дека рударите не успеале да дојдат до една од коморите за спасување, но за утеха на нивните семејства додал дека смртта настапила моментално по страшната експлозија. Спасувачките екипи претходно пронајдоа докази дека некои рудари користеле резерви кислород од коморите во рудникот.Трагедијата во Апер Биг Бренч која однесе 29 жртви е најтешката рударска несреќа во САД по експлчозијата во рудникот Хајден во Кентаки од 1978 во која загинаа 38 рудари. Остануваат да се извлечат уште телата на 18 рудари кои настрадаа во несреќата во овој рудни кој се наоѓа на 50 килоемтри од градот Чарлстон кој е главен град на Западна Вирџинија. Седум тела беа извлечени уште во понеделникот а несреќата се случи минатата недела. Причината за експлозијата се’ уште дефинитивно не е позната, но се претпоставува дека станува дека станува збор за метан, бидејќи  се работи за јагленокоп во кој и претходно имало помали несреќи предизвикани со неправилна вентилација на метан, соопштиле службени лица .Семејствата на рударите биле згрижени во управната зграда на компанијата каде на новинарските екипи им е забранет влезот, пренесе MSNBC.Последните години Massey Energy, била казнета со 382 илјади  долари казни за кршење на прописите за вентилација на рудниците како и за натрупување запалива  јагленска прашина и неадекватна противпожарна опрема.