Европа
Конзервативците и социјалистите ја урнаа Лепен која повика на борба против „агонизираниот режим“
Треба поактивно да продолжи борбата со „режимот во агонија“, порача во неделата вечерта челничката на француската партија од крајната десница Национален фронт (FN), Марин Лепен, откако беше јасно дека е поразена во вториот круг од регионалните избор и покрај надмоќната победа во првиот круг благодарејќи на сојузот меѓу лутите противници конзервативните Републиканци на поранешниот претседател Николас Саркози и владејачката Социјалистичка партија на актуелниот шеф на државата Франсоа Оланд.
Благодарејќи на традиционалното сојузување на десната партија Републиканци (поранешна UMP) и левата Социјалистичка партија за да се оневозможи победата на крајната десница Национален фронт, според првичните резултати, иако во првиот круг водеше во 6 од 13 региони, партијата на Марин Лепен не успеа да победи во ниту еден.Според истражувањата на јавното мислење објавени во четвртокот, дури 75 отсто од анкетираните гласачи на социјалистите се изјаснија дека ќе гласаат за своите историски противници, Републиканците, за да спречат триумф на Националниот фронт.И покрај големото водство по првиот круг на 6-ти декември со по околу 40 отсто во трите клучни региона, лидерката и европратеничка Марин Лепен не победи во северниот Нор-Па-де-Кале-Пикарди, како ни нејзината внука пратеничката во француското Национално собрание Марион Марешал-Лепен во јужниот Прованса-Алпи-Азурен брег, и стратегот на партија Флориан Филипо во источниот регион Алзас-Шампањ-Ардени-Лорен, благодарејќи во прв ред на одлуката на социјалистите да ги повлечат своите кандидатски листи и на отворениот повик нивните членови и симпатизери да гласаат за листите и кандидатите на Републиканците. Самата Марин Лепен е поразена со 42,3 отсто од гласовите, од републиканецот Ксавеир Бертран, кој освои 57,7 отсто од гласовите. Така, според привичните резултати Републиканците победија во пет региони, односно освоија еден повеќе од првиот круг, а социјалистите победиле во три, додека по првиот круг имаа водство во две. На Корзика најверојатен победник е левата коалиција која имаше убедлива предност по првиот круг. Конечните резултати треба да бидат соопштени од страна на министерството за внатрешни работи до понеделник утрото.Францускиот социјалистички премиер Мануел Валс изјави делка поразот на Националниот фронт „не значи дека опасноста е отстранета“. „Вечерва немаме причина за триумфализам. Опасноста што ја претставува крајната десница не исчезна, напротив“, додаде Валс кој пред вториот круг изјави дека „на Франција ѝ се заканува граѓанска војна“ доколку победи Националниот фронт, чија партија и покрај сé се смета за најголеми губитник на овие избори, откако во првиот круг беше трета освојувајќи само малку над 22 отсто на национално ниво. Лепен, пак, изјави дека поразот не ја обесхрабрил и им порача на своите приврзаници дека „растот на крајната десница е незапирлив“. Националниот фронт, кој е противник на Европската унија и на доселеничките политики, е формиран во 1972 година, со учество на Жан-Мари Лепен, таткото на актуелната лидерка на којашто ѝ го отстапи местото во 2011 година, од кога партијата бележи постојан пораст на популарноста.Лепен искажа благодарност до шесте милиони Французи кои гласале за нејзината партија, и на неколкуте стотици илјади кои дополнително гласале за Националниот фронт во вториот круг.„Им честитам на сите кои издржаа пред заплашувањата и манипулациите. Изјавите и активностите на извршната власт во периодот меѓу двата круга се алармантни и го поставуваат прашањето за опасноста од агонизираниот режим“, обвини Лепен.Таа оцени дека, сепак, и овој пораз за партијата „во секој случај“ претставува голем чекор напред. Националниот фронт е на чело на десетина градски управи, но никогаш не водел регион.„Во споредба со претходните регионални избори од 2010-та, бројот на гласовите за нашите листи се зголемија од 9,17 на 30 отсто за пет години. Со тројно поголемиот број на регионални советници, Националниот фронт станува главната опозициска сила во регионалните совети низ Франција“, порача Лепен и додаде дека партијата „ќе остане блиска до народот“ подготвувајќи се за претседателските и парламентарни избори во 2017 година.„Нашата земја е исправена пред животниот избор – глобалисти против патриоти. Во нашата борба за идентитетот на Французите и на Европејците во служба на Вечната Франција, ве повикувам следните седмици да ни се придружите. Низ целата земја ќе бидат формирани наши комитети, подготвени да ги прифатат сите Французи од какво и да е потекло, кои сакаат да земат учество во обновувањето на нашата земја“, рече Лепен навестувајќи нова стратегија и отворање кон нови групи француски граѓани што на Националниот фронт ќе му овозможи да ја мине пречката втор круг.Според политикологот Жан-Ив Ками, резултатот од вториот круг од регионалните избори пред претседателските во 2017 година „потврдува дека Националниот фронт се наоѓа во ќорсокак“. „Тоа е одлична партија во првиот круг, но натаму од тоа не може“, додаде./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Путин во униформа на огромна воена вежба на источната граница на НАТО
Рускиот претседател Владимир Путин се појави во воена униформа на големата воена вежба на руската и белоруската армија, „Запад 2025“, која се одржува со денови во близина на источните граници на НАТО.
🤡 Putin shows up at the "Zapad-2025" exercises in military uniform. pic.twitter.com/7ZbNNJE1qN
— MAKS 25 🇺🇦👀 (@Maks_NAFO_FELLA) September 16, 2025
Путин го посети полигонот Мулино во регионот Нижни Новгород. Таму изјави дека 100.000 војници учествуваат во маневрите на 41 полигон за обука на копно и море, 333 авиони, околу 250 бродови и 10.000 парчиња воена опрема.
100,000 troops are participating in the Zapad 2025 exercise near NATO borders, war criminal Putin said.
He visited the Mulino training ground in the Nizhny Novgorod region.
During these maneuvers, 100,000 servicemen were involved at 41 land and sea training grounds, 333… pic.twitter.com/UBFNgrVEB3
— Anton Gerashchenko (@Gerashchenko_en) September 16, 2025
Претходно се сметаше дека во вежбата ќе учествуваат 30.000 војници, но бројките покажуваат значително поголема мобилизација.
Европа
Главниот осомничен во случајот со Меди Мекен одбива да разговара со британската полиција
Главниот осомничен за исчезнувањето на Мадлен Мекен, Кристијан Б., одби да разговара со британската полиција пред неговото ослободување од затвор. Германскиот државјанин, познат под својот псевдоним поради законите за приватност, се очекува да биде ослободен во среда по отслужување казна за силување на постара жена во Праја да Луз во 2005 година, објави Скај њуз.
Полицијата се надева на пробив во истрагата
Британските истражители се надеваа дека 49-годишникот конечно ќе може да зборува за исчезнувањето на тригодишното девојче од португалско одморалиште во 2007 година, во клучен развој на долготрајната истрага. Метрополитенската полиција потврди дека му испратила „меѓународен допис со барање“ за разговор, но тој одби.
Мадлен исчезна од својот апартман кратко откако нејзините родители, Кејт и Гери Мекан, ја оставија да спие додека вечерале во блискиот ресторан. И покрај неговото одбивање да соработува, Мет потврди дека Кристијан Б. останува клучен осомничен во нивната истрага, која се спроведува со португалските и германските власти. Самиот Кристијан Б. претходно негираше каква било вмешаност во случајот.
Истрагата продолжува и покрај одбивањето
Главниот детектив, инспекторот Марк Кренвел, виш истражен службеник, рече дека полицијата ќе „продолжи да ги бара сите веродостојни траги“ и покрај неуспехот да разговара со Кристијан Б.
„Тесно соработувавме со нашите колеги од полицијата во Германија и Португалија со години за да го истражиме исчезнувањето на Мадлен Мекан и да го поддржиме семејството на Мадлен во разбирањето што се случило…“, рече Кренвел.
„Побаравме да разговараме со овој осомничен од Германија, но, од правни причини, ова може да се направи само преку меѓународно писмо за барање кое е поднесено. Осомничениот последователно одби. Во отсуство на разговор, сепак ќе продолжиме да ги бараме сите веродостојни траги.“
Со текот на годините, властите спроведоа серија претреси, најновиот во јуни во близина на португалската општина Лагос. Во 2023 година, истражителите ја пребараа областа околу резервоарот Барагем до Араде, на околу 50 километри од Праја да Луз, каде што Кристијан Б престојувал помеѓу 2000 и 2017 година и каде што фотографирал и снимил видеа.
Минатиот октомври, германски суд го ослободи Кристијан Б. од обвиненијата за неповрзани сексуални престапи што наводно се случиле во Португалија помеѓу 2000 и 2017 година. Вкупните трошоци за истрагата на Метрополитенската полиција, позната како Операција Grange, од 2011 година надминаа 13,2 милиони фунти, откако во април беа одобрени дополнителни 108.000 фунти владино финансирање.
фото: принтскрин
Европа
(Видео) Зеленски: Имаме решение за руските дронови, подготвени сме да го споделиме со НАТО
Украинскиот претседател Володимир Зеленски ја нагласи важноста на дроновите во одбраната на неговата земја од руска инвазија, истовремено нудејќи поддршка на НАТО во одвраќањето на руските беспилотни летала.
„Најефикасните санкции, санкциите што се најбрзи, се пожари во руските рафинерии за нафта, на нивните терминали и на складиштата за нафта“, рече тој во своето вечерно обраќање, осврнувајќи се на серијата украински напади со беспилотни летала насочени кон рускиот нафтен сектор. Тој рече дека нападите биле болни за Москва и дека ќе влијаат и на воените напори на Русија. Нападите „значително ја ограничиле руската нафтена индустрија, а тоа значително ја ограничува војната“, рече Зеленски.
Today I want to especially thank all our warriors who are inflicting truly significant losses on Russia. Losses at the front. Losses along the border. Losses on Russia’s own territory thanks to our long-range strikes. The most effective sanctions – the ones that work the fastest… pic.twitter.com/tOdd6xkqqD
— Volodymyr Zelenskyy / Володимир Зеленський (@ZelenskyyUa) September 14, 2025
Украина во ноќта кон неделата нападна една од најголемите руски рафинерии во градот Кириши, 110 километри југоисточно од Санкт Петербург. Пред официјалната потврда за нападот, на социјалните мрежи веќе почнаа да кружат слики и видеа на кои се гледаат големи пламени над рафинеријата.
Зеленски рече дека Украина е подготвена да го сподели своето искуство во одбивањето на нападите од руските беспилотни летала со НАТО, наведувајќи го неодамнешното навлегување на руски беспилотни летала во полскиот воздушен простор пред неколку дена и неодамнешниот инцидент со руски беспилотен авион над Романија.
„Подготвени сме да ги обучиме сите партнери во оваа одбрана“, рече Зеленски. „Сите гледаат дека Русите бараат начини да ја прошират војната на територијата на Полска и балтичките држави, а руската војска ја тестира и Романија.“
Иако НАТО има ефикасно одбранбено оружје, тој рече дека Украина развила „многу поекономични, помасовни и систематски решенија“.
фото: принтскрин
(Фото) „Не умираме од несреќи, умираме од корупција“, „Шест месеци без правда за Кочани“: на плоштадот во Скопје одбележани шест месеци од трагедијата во „Пулс“
Вечерва во 20:16 часот, на плоштадот „Македонија“ во Скопје, со ѕвездено небо и молк, како симбол на солидарност и граѓанска...
(Видео) Путин во униформа на огромна воена вежба на источната граница на НАТО
Рускиот претседател Владимир Путин се појави во воена униформа на големата воена вежба на руската и белоруската армија, „Запад 2025“,...
ИЈЗ смирува: Нема тешки метали во почвата и водата не е радиоактивна
Институтот за јавно здравје изврши вонредно испитување во засегнатото подрачје, и во неделата беа земени примероци, мостри од страна на...
„Ќе бидеш моја или ќе бидеш мртва“ – Росица сведочела за заканата од Илија кој подоцна ја уби
Обвинителството го објави записникот од испитувањето на Росица Коцева (31) од Велес, даден на 9 септември годинава, само неколку дена...
Јас не сум од вчера во политиката, партијата Левица фрли гума за спасување на ДУИ со кандидатите во Струга, Гостивар и во Тетово, вели Мицкоски
Партијата Левица предложи кандидати за градоначалници во Струга, Гостивар и во Тетово само за да ги раслои анти-ДУИ гласовите во...
Обвинителството испитува одговорност за големиот пожар во Трубарево, утре увид на терен
Утре, ќе почне увидот на самото место за причините за големиот пожар во Трубарево. Увидните екипи ќе работат под координација...
Подметнување пожар ќе биде тероризам, а фрлање отпад на недозволени места ќе се казнува со затвор над пет години, Мицкоски најави итни законски измени
Премиерот Христијан Мицкоски, денес, при посетата на Јегуновце најави законски измени со кои најстрого ќе се казнува подметнување пожар и...
Идентификувани 20 лица осомничени за подметнување пожари во Скопје
Премиерот Христијан Мицкоски денес изјави дека дваесетина лица се идентификувани како осомничени за серијата подметнати пожари во Скопје. Според него,...
Пред убиството Росица го пријавувала Стефановски за насилство и непочитување на забраната за приближување, го запалил и автомобилот на татко ѝ
Против Илија Стефановски, осомничен за убиството на Росица Коцева (31) и на татко ѝ Киро Коцев (68) во Велес, претходно...
Намалена активната транспарентност на Владата и на министерствата, најмалку информации има за финансиите, објави Центарот за граѓански комуникации
Центарот за граѓански комуникации го објави редовното годишно рангирање на институциите според Индексот на активна транспарентност, односно според активното објавување...
Синоќа повторно предизвикан пожар на „Дрисла“
Синоќа, пред 23 часот, повторно беше предизвикан пожар на депонијата „Дрисла“, на сосема друго место, подалеку од местото што беше...
Рубио: Трамп е единствениот лидер што може да разговара со Русија, Украина и со Европа
Американскиот претседател Доналд Трамп би можел да се сретне со украинскиот лидер Володимир Зеленски следната недела во Њујорк, објави американскиот...
„Марш за ангелите” во Кочани и мирен протест во Скопје: шест месеци од трагедијата во дискотеката „Пулс“
Денеска се навршуваат шест месеци од трагедијата во дискотеката „Пулс“ во Кочани, во која животот го загубија 62 млади лица....
Изгаснат тежок пожар пред Пинтија, под контрола се пожарите на „Дрисла“ и во Трубарево, активен пожарот на Кожуф
Рано утрово пред 4 часот избувна тежок пожар во сервис за возила пред Пинтија (над „Стакларата“ на местото наречено Каменик)...
Мицкоски треба да одговара за ширење страв и паника по признанието на Тошковски дека нема центри на моќ зад пожарите, велат од СДСМ
Панче Тошковски во интервју призна дека нема осомничени дека одреден центар на моќ влијаел да се подметне пожарот во Трубарево...
Зеленски до Трамп: Покажете јасен став и сопрете го Путин
Украинскиот претседател Володимир Зеленски го повика Доналд Трамп да заземе јасна позиција за да го запре Владимир Путин и да...
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
