Спорт
Шпанија подготвува план Б за Мекејлеб
Стручниот штаб на кошаркарската репрезентација на Шпанија, која важи за голем фаворит за освојување на Европското првенство, не крие дека стравува од најдобриот кошаркар на Македонија, Лестер Бо Мекејлеб.
Стручниот штаб на кошаркарската репрезентација на Шпанија, која важи за голем фаворит за освојување на Европското првенство, не крие дека стравува од најдобриот кошаркар на Македонија, Лестер Бо Мекејлеб.Селекторот на „Црвената фурија“, Серѓо Скариоло изјави дека за најефикасниот репрезентативец на Македонија подготвува план Б.„Подготвивме неколку варијанти за кои се надевам дека ќе функционираат, но доколку не биде така, имаме план Б. Мекејлеб е извонреден играч, знае кога треба да продре, како да се движи, а за неговите мани нема што многу да се каже“, изјави Скариоло. Селекторот на актуелниот европски шампион стравува и од другите репрезентативци на Македонија.„Не загрижува структурата на тимот, особено нивната способност да го спуштат ритамот на натпреварот и тоа секако дека не ни се допаѓа. Мекејлеб е феномен, не знам дали е прв или втор играч во Европа, ама сигурно е во врвот. Антиќ е голем талент и се наоѓа во голема форма“, изјави Скариоло.Тој претходно призна дека воопшто не очекувал Шпанија во полуфиналето да игра со Македонија и оти се подготвувале да се сретнат со Литванија.Натпреварот Шпанија-Македонија се игра денеска во 16:30 минути. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.