Свет
Со организираниот криминал ќе шефува министерот за правда
Во моментов има ривалство кој ќе има превласт – Јавното обвинителство на
Република Македонија, или Одделението за борба против организираниот криминал,
каде што неофицијално, главна улога треба да има министерот за правда.
ВНАТРЕПАРТИСКА БОРБА ЗА ПРЕВЛАСТ ВО ОБВИНИТЕЛСТВОТО
Во моментов има ривалство кој ќе има превласт – Јавното обвинителство на
Република Македонија, или Одделението за борба против организираниот криминал,
каде што неофицијално, главна улога треба да има министерот за правда. Ова е
впечатокот на професорот Гордан Калајџиев од Правниот факултет од сите
досегашни јавни дебати, полемики и препукувања на трибини во врска со
Предлог-законот за Јавното обвинителство, што го изнесе на вчерашната трибина
во организација на Хелсиншкиот комитет за човекови права.
"Првите луѓе на двете обвинителства ги донесе иста политичка партија. Да
не е можеби ова внатрепартиска борба за превласт?", праша Калајџиев. Тој
смета дека место да се организира работата на Одделението за организиран
криминал, на сите трибини за законот како најглавно се истакнува кој врз кого
ќе има влијание.
Државниот обвинител Љупчо Шврговски остро реагираше дека Предлог-законот
инсталира паралелно обвинителство, преку кое ќе се диригира од некој центар на
моќ, за тоа дека освен со шефот на тоа обвинителство, тој како најодговорен
обвинител нема да има комуникација и надлежност врз останатите обвинители од
Одделот за организиран криминал.
Претседателот на Врховниот суд Дане Илиев, пак, укажа дека во предложениот
текст лебди одговорноста на обвинителите од Одделот за организиран криминал.
"Основните јавни обвинители одговараат пред основните судови, вишите пред
апелационите. Пред кого одговараат овие?", праша Илиев. Тој предупреди и
дека не е решена надлежноста меѓу полицијата и обвинителството, кога е во прашање
кривичниот прогон. (С.К.Д.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.