Свет
Американскиот носач вплови во Персискиот залив без инцидент
Американскиот носач на авиони УСС „Абрахам Линколн“ во неделата без инциденти минал низ Ормушкиот теснец и впловил во Персискиот залива, ден откако Иран ја повлече својата закана дека ќе преземе акција
Американскиот носач на авиони УСС „Абрахам Линколн“ во неделата без инциденти минал низ Ормушкиот теснец и впловил во Персискиот залива, ден откако Иран ја повлече својата закана дека ќе преземе акција доколку американскиот носач се врати во овој стратешки важен морски премин, известуваат светските агенции.Носачот на авиони на американската воена морнарица „Абрахам Линколн“ ја довршил „редовната и рутинска“ мисија и минувањето низ Ормушкиот теснец, клучната траса за извоз на нафтата од регионот, „како што претходно беше планирано и без инциденти“, изјави поручникот Ребека Ребарич, портпаролка на американската Петта флота стационирана во Бахреин. Носачот со придружната борбена група бродови, е првиот американски носач на авиони кој мина низ Персискиот залива од крајот на декември во рамките на редовната ротација со којашто го замени носачот УСС „Џон Стенис“.Заминувањето на „Стенис“ го натера командантот на иранската армија Атолах Салехи да се закани со акција доколку американскиот носач се врати во Заливот.„Препорачувам и истакнувам да се американскиот носач не треба да се враќа во Персискиот залив.. а ние немаме навика да предупредуваме повеќе од еднаш“, изјави тогаш Салехи, по што се заостри реториката меѓу двете страни и ги разбранува нафтените бранови со раст, поради евентуален оружени инциденти меѓу Иран и САД. Иран се закани со затворањето на Ормушкиот теснец, преку кој минува петина од светската нафта којашто се превезува со танкери, додека Вашингтон возврати дека таквиот потег изискува и американски одговор. Иран во саботата се откажа од своите закани, кога заменикот командант на Гардата на чуварите на еволуцијата, Хосеин Салами за иранската државна агенција IRNA изјави дека враќањето на американските воени проблеми во Заливот е рутинска работа. И дека тоа не претставува зголемување на постојаната воена присутност на САД во регионот. „Американските воени бродови и војската се присутни во Персискиот залив и на Блискиот исток многу години и нивната одлука да упатат нови бродови треба да се толкува како дел од нивната постојана присутност“, изјави Салами. Претставници на Пентагон одбија директно да ги коментираат изјавите на Салами, но повторија дека продолжувањето ан военото присуство на САД, во регионот ја одразува сериозноста со којашто Вашингтон ги презема безбедносните обврски во однос на партнерските земји во регионот и обезбедувањето на слободниот тек на меѓународната трговија. Американскиот министер за одбрана Лион Панета во неделата изјави дека носачот УСС „Ентерпрајс“ тргнува кон регионот на Персискиот залив, како и дека ќе мине низ Ормушкиот теснец што беше директна порака за Техеран, кој претходно се закани со неговото затворање. „Тоа е токму она за што овој носач постои. Тоа е причината за задржување на присутност ан Блискиот исток Сакаме да знаат дека во целост сме подготвени да решаваме каква и да е ситуација и дека за нив е подобро со нас да се обидат да се носат со дипломатија“, изјави Панета во обраќањето пред 1.700 морнари на палубата на овој најстар американски носач на авиони.Американскиот министер за одбрана, исто така, нагласи дека САД имаат намера да ја задржат флотата од 11 носачи на авиони, и покрај буџетските притисоци, делумно и за да ја задржи поморската надмоќ против Иран.На изјавата на Панета во САД и’ беше даден голем публицитет, бидејќи имаше нагаѓања дека буџетските притисоци би можеле да го принудат Пентагон да го намали бројот на носачи на авиони можеби на десет, бидејќи неговиот претходник Роберт Гејтс исто така го отвори прашањето за оправданоста од задржување на сите 11 носачи. Меѓутоа, Конгресот на изрази силна поддршка за сегашната флота на американските носачи на авиони, донесувајќи закон со кој од министерството за одбрана се бара да ги задржи сите 11 пловила./крај/хи/мф.сн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кејт Мидлтон миленичка на британската јавност: по популарноста го надмина и принцот Вилијам
Последната анкета на јавното мислење во Велика Британија, објавена денеска, покажа дека принцезата од Велс, Кејт Мидлтон го надмина принцот Вилијам по популарност.
Во истражувањето спроведено од агенцијата за истражување на јавното мислење „Savante for the Independent“, Кејт (42), која моментално се лекува од неодреден облик на рак, ја поддржуваат 62 отсто од испитаниците, додека принцот од Велс (41) е фаворизиран од 61 отсто од британските испитаници.
Принцот Ендру (64), по дружењето со осудениот педофил Џефри Епштајн, е избран за најмалку омилен член на кралското семејство – го поддржуваат само 14 отсто од испитаниците.
Принцот Хари и Меган Маркл, исто така се соочуваат со недостаток на популарност. Хари (39) го поддржуваат само 29 отсто од испитаниците, додека неговата сопруга Меган (42) е уште помалку популарна со само 25 отсто поддршка од испитаниците, пренесува Танјуг.
Свет
ОН: Израелскиот копнен напад врз Рафах може да доведе до масакр
Израелскиот копнеен напад врз Рафах ќе ги доведе во опасност животите на стотици илјади жители на Газа и ќе им нанесе огромен удар на хуманитарните напори низ палестинската енклава, соопшти Канцеларијата на ОН за координација на хуманитарни прашања (OCHA).
Израел се заканува дека ќе изврши копнен напад врз Хамас во Рафах, каде што се засолниле речиси милион луѓе.
„Тоа би можело да биде масакр на цивили и неверојатен удар за хуманитарните операции во целиот појас, бидејќи тие се управуваат претежно од Рафах“, рече портпаролот на OCHA, Јенс Лаерке на брифингот во Женева.
Хуманитарните активности од Рафах вклучуваат медицински клиники и пунктови за дистрибуција на храна и центри за неухранети деца, рече тој.
Претставник на Светската здравствена организација (СЗО) на истиот брифинг изјави дека е подготвен план за копнен напад, кој вклучува нова полска болница, но предупреди дека тоа нема да биде доволно за да се спречат големиот број на жртви.
„Тоа апсолутно нема да спречи значителни дополнителни смртни случаи“, рече Рик Пиперкорн, претставник на СЗО за палестинските територии.
Тој додаде дека е „многу загрижен“ што нападот ќе го затвори граничниот премин Рафах меѓу Појасот Газа и Египет, кој се користи за увоз на лекови и медицинска опрема.
Свет
(Видео) Камион без возач прегази најмалку 29 ученици на фестивал во Киргистан
Камион без возач прегази 29 ученици на фестивал во Киргистан.
Камионот што го користел продавач на сладолед ненадејно тргнал по удолницата и прегазил голем број ученици, од кои многумина биле свртени со грб.
Многумина успеале да побегнат, но 29 лица биле прегазени.
Осумнаесет деца на возраст од девет до 16 години се хоспитализирани, додека кај седум има опасност по живот.
Инцидентот го снимила камерата на дронот која го снимила моментот кога децата го држат големото знаме на Киргистан.
На видеото се гледа како камионот ненадејно се движи по удолницата и минува низ групи деца.
Полицијата покренала истрага, а според една од пријавите, возачот заборавил да ја повлече рачната сопирачка.