Свет
Нападната државната палата во Сомалија, 14 мртви
Најмалку 14 цивили Сомалијци, се убиени синоќа во главниот град Могадишу при силен напад на претседателската палата, од страна на радикалните исламски сомалиски сили
Исламисти синоќа ја нападнаа Вила Сомалија (претседателската палата), како и неколку позиции на владините сили со тешко оружје – мини, митралези и проектили.Со неколку прекини во текот на ноќта бомбардирањата продолжија и изутрината. Војници од мировните сили на Африканската унија им се придружија како поддршка на владините сили. „Нашите борци нападнаа неколку зони, контролирани од војниците на владата. Убија десетици непријатели и ја презедоа контролата на нивните позиции во текот на ноќта“, рече на прес-конференција портпаролот на Шехаб шеик Али Мохамуд Паре.Ал-Шабаб кој е во сојузништво со друга исламистичка група Хизбул Искам, се борат против прозападната сомалиската влада која е поддржана од повеќе од пет илјади мировници од Уганда и од Бурунди. Бунтовниците потврдиле дека во борбите загинале двајца нивни борци, но дека заземале дел од преградието.Владата на Шеик Шариф Ахмед, поддржана од Западот, се бори со исламистите и со екстремистичката група Шабаб, што Вашингтон ја обвинува за продолжена рака на Ал-Каеда во земајта на Рогот на Африка.Странските аналитичари сметаат дека Сомалија која е практично во безвластие последните 18 години, може да биде добар терен за Ал Каеда да ги пресели своите бази и логори за обука како што се случи во 1990-та со Авганистан. САД ја обвинуваат организацијата Ал Шабаб дека е поврзана со терористичката мрежа на Ал Каеда, но нејзините лидери тоа го одрекуваат.Аденскиот залив исто така е место на кое царуваат сомалиските пирати кои десетици бродови киднапираа и бараа високи откупи за нив, па Водат жестоки улични борби меѓу бунтовниците и владините сили, а од пред две и пол години загинаа десетици илјади лица.Убрие и колегата беа киднапирани од хотел во Могадиш, од страна на припадници на бунтовничките групи Ал Шабаб и Хезбул исламија. Тие престојуваа во Сомалија во обезбедувањето на возовите на владините сили. Тогаш киднаперите изјавија дека ќе им биде судено според исламските закони за шпионирање и за наводен заговор против исламот
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Граѓаните на протестен марш во Загреб: „Нападот врз вас е тероризам, а нападот врз децата е инцидент“
Бројни граѓани учествуваа на протестниот марш „За безбедно училиште“, кој започна во 18 часот во Загреб, за да укаже на важноста на безбедноста во училиштата по трагичниот настан што се случи во петокот во основното училиште Пречко.
Како што информираат регионалните медиуми, најавен е и собир и палење свеќи пред сите училишта во Хрватска. Тие ги повикаа сите да им се придружат – родители, наставници, граѓани.
„Сакаме да бидеме светлина на општеството, а не да носиме свеќи“, „Кога една мајка плаче, сите мајки плачат“, „Учителка – храброст“, „Се ни земавте, децата нема да ви ги дадеме “, „Напад на вас е тероризам, а нападот врз децата е инцидент!“, „Удобни фотелји – крвави училишни клупи“, беа дел од транспарентите што ги носеа дел од учесниците.
Организатори се три образовни синдикати – Хрватскиот наставнички синдикат, Препород и Самостојниот синдикат на вработените во средните училишта, кои потенцираат дека безбедноста во училиштата е заедничка цел и дека е неопходно да се подигне, а маршот го поддржаа и 50 здруженија и мрежи.
Повод беше трагичниот настан кој се случи на 20 декември, кога деветнаесетгодишник влегол во основното училиште Пречко и со нож нападнал наставничка и неколку ученици. Во нападот загина едно дете, а ранети се три деца и наставничката.
„Ако нешто може да ја подигне оваа нација, тоа е голема неволја. Сите кои сочувствуваат со жртвите ќе бидат со нас вечерва. Сакаме да испратиме порака дека овој проблем мора да се реши“, изјави Жељко Стипиќ, претседател на Самостојниот синдикат на науката и високото образование за „Индекс“.
Свет
Седумгодишно момче предизвикало пожар во супермаркет во Братислава: штета над еден милион евра
Седумгодишно момче намерно предизвикало пожар во супермаркет во Братислава, при што е причинета материјална штета од повеќе од еден милион евра, соопшти денеска портпаролот на регионалната полиција Михал Сеиф.
„Момчето намерно предизвикало пожар во ходникот со тоалетна хартија и пелени за бебиња. Поради неговото однесување, пожарот се проширил и на друга стока”, објаснил портпаролот по анализата на доказите, пренесе ТАСР.
Нема повредени, иако клиентите и вработените морале да бидат евакуирани.
Полицијата поведе постапка за загрозување на јавноста.
„Поради возраста на сторителот, полицијата презема различни дејствија, во соработка со вработените во службите за социјална заштита“, додаде Сеиф.
Пожарот го изгаснале 28 професионални и девет доброволни пожарникари.
Свет
Нетанјаху: Постигнат е напредок во преговорите со Хамас за заложниците
Израелскиот премиер Бенјамин Нетанјаху денеска изјави дека е постигнат напредок во заложничките преговори со Хамас во Газа, но дека не знае колку време ќе му треба за да ги види резултатите.
За време на говорот во израелскиот Кнесет, Нетанјаху рече дека Израел постигнал „големи достигнувања“ на воен план на неколку фронтови и дека воениот притисок врз Хамас ги навел неговите лидери да ги ублажат нивните претходни барања, објави Ројтерс.
Тој рече дека Израел ја зајакнал својата позиција како „регионална сила“ и дека планира да го прошири договор заедно со израелскиот „американски сојузник“.
Палестинската милитантна група Хамас, која владееше со Газа, изврши прекуграничен напад врз јужен Израел на 7 октомври 2023 година, кога, според израелските податоци, беа убиени околу 1.200 луѓе, а 251 лице беа киднапирани.
Оттогаш, повеќе од 100 заложници се ослободени преку преговори или израелски воени спасувачки операции. Од 96-те заложници кои се уште се држат во Газа, Израел претпоставува дека 62 се уште се живи, пренесува Танјуг.