Свет
Русија ќе воведе противмерки на противракетниот штит на САД во Романија
Романија и САД треба да очекуваат противмерки од Русија како одговор на договорот за поставување на ракетен штит во Романија, предупреди рускиот пратеник Константин Косачев.
Романија и САД треба да очекуваат противмерки од Русија како одговор на договорот за поставување на ракетен штит во Романија, предупреди рускиот пратеник Константин Косачев.Букурешт во вторникот соопшти дека постигнале договор со САД за поставување на американски систем за пресретнување на проектили во една напуштена руска воздушна база во Романија.„Воени експерти во Романија, САД и во НАТО треба да бидат свесни дека секоја мерка повлекува контрамерка“, се закани Косачев, кој е начело на Комисијата за надворешни работи на руската Дума. Тој истакна дека противмерките ќе бидат воведени со единствена цел да се заштити руската територија и нема да бидат насочени кон ниту една држава. Претседателот на Комисијата за одбрана на руската Дума, Виктор Заварзин, претходно изјави дека американско-романскиот договор ќе има „негативно влијание врз интеревропските односи и ќе го наруши постоечкиот баланс на силите и интересите“, што, според него. Ќе доведе до непотребно затегнување на ситуацијата.Москва вчера побара од САД легални гаранции дека нивниот штит од проектили нема да биде насочен кон руските стратешки нуклеарни сили./крај/риа/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел почна да ги евакуира палестинските цивили од Рафа
Израелските вооружени сили почнаа да ги евакуираат палестинските цивили од Рафа пред заканувачкиот напад врз тој град на југот на Газа, објави израелското воено радио.
Според извештајот, евакуациите сега се концентрирани во неколку периферни квартови на Рафа, од кои се вели дека евакуираните лица се насочуваат кон градовите со шатори во блиските Кан Јунис и Ал Муваси.
Меѓутоа, во она што се чини дека е почеток на евакуација на цивили пред копнен напад, израелската армија ги повика Палестинците во источните делови на Рафах да се преселат во блиската „хуманитарна област“.
По седуммесечната офанзива против Хамас, Израел соопшти дека во Рафа се засолниле илјадници борци од палестинската исламистичка група и дека победата е невозможна без заземање на градот.
Со оглед на тоа што повеќе од еден милион раселени Палестинци се засолнети во Рафа, изгледите за операција со многу жртви ги загрижуваат западните сили и соседниот Египет.
Свет
Во Северна Кореја за првпат оваа година се положи заклетва на лојалност за роденденот на Ким Џонг Ун
За прв пат откако севернокорејскиот лидер Ким Џонг Ун ја презеде власта во 2011 година, од севернокорејските граѓани беше побарано да дадат заклетва за лојалност оваа година на неговиот роденден, соопшти јужнокорејскиот Институт за развој на југ и север (SAND) со седиште во Сеул.
Во петокот, институтот објави фотографии од текстот на заклетвата во папката, за која се верува дека е направена на 40-тиот роденден на Ким, 8 јануари, пренесува Ројтерс.
Северна Кореја никогаш официјално не го потврдила датумот на раѓање на Ким, а традиционално ваквите церемонии за заклетва се одржуваат на родендените на неговиот татко и дедо, претходни севернокорејски лидери.
Свет
Во Мексико пронајдени телата на исчезнатите туристи, биле најдени на дното во бунар
Мексиканските власти потврдија дека двајца австралиски и еден американски турист, кои беа пријавени за исчезнати во северно Мексико, се мртви откако нивните тела ги идентификувале нивните родители.
Јавниот обвинител Елена Андраде им кажа на родителите и дипломатските службеници дека мексиканските власти целосно ќе се посветат на истрагата за да ги изведат одговорните за злосторството пред лицето на правдата, пренесува Ројтерс.
Телата на браќата Калум (33) и Џејк (30) Робинсон од Австралија и американецот Картер Роуд (30) беа пронајдени на дното на бунар во мексиканската држава Долна Калифорнија минатата недела, по повеќедневна потрага.